Viral News in Telugu: అమెరికా ప్రెసిడెంట్ రేసులో ఉన్న మాజీ అధ్యక్షుడు డొనాల్డ్ ట్రంప్ ఎన్నికల ప్రచారంలో జోరు పెంచారు. మీడియాలో ఎక్కువగా కనిపిస్తున్నారు. ఇంటర్వ్యూలు ఇస్తున్నారు. కమలా హారిస్‌ని కచ్చితంగా ఓడిస్తానని చాలా ధీమాగా చెబుతున్నారు. ఈ క్రమంలోనే ఓ ప్రోగ్రామ్‌లో పాల్గొన్న ఆయన ఎప్పుడూ లేనంత ఉత్సాహంగా కనిపించారు. అలా కనిపించడమే కాదు. డ్యాన్స్ కూడా చేశారు. వాషింగ్టన్ డీసీలో జరిగిన ఓ కార్యక్రమంలో స్టెప్పులేశారు. సోషల్ మీడియాలో ఈ వీడియో తెగ వైరల్ అవుతోంది. Moms For Liberty ఈవెంట్‌లో ట్రంప్ డ్యాన్స్ చేశారంటూ నెటిజన్లు ఈ వీడియో షేర్ చేస్తున్నారు. (Viral Video: షాకింగ్ వీడియో! హఠాత్తుగా కుంగిపోయిన రోడ్డు, భారీ గోతిలో కూరుకుపోయిన కార్ - వీడియో)
78 ఏళ్ల వయసులో ట్రంప్ ఇలా డ్యాన్స్ చేయడాన్ని చూసి అంతా వావ్ అంటున్నారు. కొందరు కాస్త భిన్నంగా స్పందిస్తున్నారు. అంతా కామెడీలా ఉందని సెటైర్లు వేస్తున్నారు. ఇంకొందరు "ట్రంప్ మాత్రమే ప్రెసిడెంట్ పదవికి సరైన వ్యక్తి" అని కామెంట్ చేస్తున్నారు. అయితే..ఈ ఈవెంట్‌లో కూడా డొనాల్డ్ ట్రంప్ రాజకీయాలు మాట్లాడారు. ముఖ్యంగా కమలా హారిస్‌ని గట్టిగానే టార్గెట్ చేశారు. మీడియాకి దూరంగా ఉంటున్నారని, ఇంటర్వ్యూలు ఇచ్చేందుకు పెద్దగా ఆసక్తి చూపించడం లేదని అసహనం వ్యక్తం చేశారు. లీడర్‌షిప్ క్వాలిటీస్ లేనేలేవని విమర్శించారు. బహుశా మీడియాతో మాట్లాడడం రాకనే ఆమె దూరంగా ఉంటున్నారేమోనని సెటైర్లు వేశారు ట్రంప్. ఈ ఏడాది నవంబర్‌లో అమెరికా అధ్యక్ష ఎన్నికలు జరగనున్నాయి. ట్రంప్, కమలా హారిస్ మధ్య గట్టి పోటీ నెలకొంది. అంతకు ముందు బైడెన్ ఈ రేసులో ఉన్నప్పటికీ అనారోగ్యం కారణంగా ఆయన తప్పుకున్నారు. ఆయన స్థానంలో కమలా హారిస్ బరిలోకి దిగారు.
(Also Read: Viral Video: ఇంట్లోకి వచ్చిన 12 అడుగుల మొసలి, గజగజ వణికిపోయిన స్థానికులు - వీడియో)