Viral video: సాధారణంగా వీవీఐపీలు, ప్రముఖ రాజకీయ నేతలు, సెలబ్రెటీలకు Z+++ కేటగిరీ భద్రత కల్పిస్తారు. అయితే ఓ పిల్ల ఏనుగుకు ఇలాంటి భద్రత కల్పించడం ఎప్పుడైనా చూశారా? అవును ఈ భద్రత చూస్తే మీరు కూడా అవాక్కవ్వక తప్పదు.
కంటికి రెప్పలా
కోయంబత్తూర్‌లోని సత్యమంగళం ప్రాంతంలో ఓ ఏనుగుల గుంపు రోడ్డుపై నడిచి వస్తుంది. అయితే ఆ ఏనుగుల కాళ్ల మధ్యలో ఓ పిల్ల ఏనుగు నడుస్తోంది. అది బయటకు వచ్చిన ప్రతిసారీ ఆ ఏనుగుల గుంపు అది కనిపించకుండా భద్రంగా ముందుకు తీసుకువెళ్తున్నాయి.
ఈ ఆసక్తికర ఘటనను ఎవరో వీడియో తీశారు. ఈ వీడియోను సుశాంత నంద అనే ఐఎఫ్ఎస్ ఆఫీసర్ ట్విట్టర్‌లో షేర్ చేశారు.
వీడియో వైరల్
ఈ వీడియో ప్రస్తుతం తెగ వైరల్ అవుతోంది. పిల్ల ఏనుగును అంత భద్రంగా తీసుకువెళ్తున్న గజరాజులకు నెటిజన్లు ఫిదా అయిపోయారు. ఈ భద్రత ముందు ఏదైనా సరిపోదని కామెంట్లు పెడుతున్నారు. ఇది Z + + + కేటగిరీ భద్రతలా ఉందంటున్నారు. ఇలాంటి మరిన్ని వీడియోలను షేర్ చేయాలని కామెంట్లు పెడుతున్నారు.
Also Read: Watch Video: అయోధ్యలో స్నానాల ఘాట్‌లో భార్యతో భర్త రొమాన్స్- చితక్కొట్టిన జనం, వీడియో వైరల్!
Also Read: Viral News: బిహార్‌లో షాకింగ్ ఘటన- బాలుడ్ని కాటేసి వెంటనే చనిపోయిన పాము!