PM Modi China Tour: ప్రధానమంత్రి మోదీ ఏడేళ్ల తర్వాత తొలిసారిగా చైనాలో పర్యటించనున్నారు. ఆగస్టు 31 నుంచి సెప్టెంబర్ 1 వరకు రెండు రోజులు పర్యటిస్తారు. టియాంజిన్లో షాంఘై కోఆపరేషన్ ఆర్గనైజేషన్ (SCO) శిఖరాగ్ర సమావేశంలో పాల్గొంటారు, ఇక్కడ కీలకమైన ప్రాంతీయ, భద్రతా అంశాలు చర్చల్లో ఆధిపత్యం చెలాయించే అవకాశం ఉంది.
ఈ వారం చివరిలో చైనా పర్యటన సందర్భంగా ప్రధాని నరేంద్ర మోదీ చైనా అధ్యక్షుడు జిన్పింగ్తో సమావేశం కానున్నారు, ఇది ఏడు సంవత్సరాల తర్వాత ఆ దేశంలో మోదీ చేస్తున్న తొలి పర్యటన.
వాణిజ్యం -ప్రాంతీయ అనుసంధానంపై దృష్టి
2020 హింసాత్మక సరిహద్దు ఘర్షణల నుంచి భారత్-చైనా సంబంధాలు దెబ్బతిన్నాయి. ఇప్పుడు వాటిని సరి చేసి ఘర్షణ తగ్గించి, ఆర్థిక దౌత్యపరమైన సంబంధాలను బలోపేతం చేయడానికి ప్రయత్నాలు ప్రారంభమయ్యాయి. దీని కోసం రెండు వర్గాల నుంచి ముందడుగు పడింది.
ఈ శిఖరాగ్ర సమావేశంలో భారతదేశం ప్రాథమిక లక్ష్యాలలో సార్వభౌమత్వాన్ని, ప్రాదేశిక సమగ్రతను సమర్థిస్తూ వాణిజ్యం, అనుసంధానతను పెంచడం. ప్రపంచ అనిశ్చితి నేపథ్యంలో రెండు ఆసియా శక్తులు సంబంధాలను పునరుద్ధరించగలవా లేదా అనే దానిపై యావత్ ప్రపంచ ఆసక్తిగా ఎదురు చూస్తోంది. మోడీ సమావేశంలో ఏం జరగబోతోందనే ఉత్కంఠ నెలకొంది.
భౌగోళిక రాజకీయ నేపథ్యం: సుంకాలు -ఉద్రిక్తతలు
ప్రపంచ వాణిజ్య ఘర్షణతో, ముఖ్యంగా ఆగస్టు 27 నుంచి భారత దిగుమతులపై అదనంగా 25 శాతం సుంకాన్ని అమెరికా అధ్యక్షుడు డొనాల్డ్ ట్రంప్ ప్రకటించిన వేళ మోదీ పర్యటనపై ఆసక్తి పెరుగుతోంది. రష్యా ముడి చమురు కొనుగోలుపై వాషింగ్టన్ విమర్శలు చేయడంతో న్యూఢిల్లీ మళ్లీ దౌత్యపరమైన ఒత్తిడికి గురైంది.
అమెరికా చర్యలతో ఒత్తిడిలో ఉన్న బారత్కు చైనాతో సంబంధాలు వ్యూహాత్మక ఎంపికగా విశ్లేషకులు చెబుతున్నారు. అభివృద్ధి చెందుతున్న దేశంగా తన స్థానాన్ని మరింత బలోపేతం చేయడానికి సహాయపడతాయని .
SCO సమ్మిట్: రికార్డు స్థాయిలో పాల్గొనే అవకాశం
రష్యాపై పాశ్చాత్య ఆంక్షలు, పెరుగుతున్న వాణిజ్య వివాదాల నేపథ్యంలో టియాంజిన్ సమ్మిట్ను చైనా గ్లోబల్ సౌత్ సంఘీభావానికి నిదర్శనంగా భావిస్తోంది. చైనా విదేశాంగ మంత్రిత్వ శాఖ ప్రకారం, ఈ సంవత్సరం సమావేశం 2001లో ఏర్పడినప్పటి నుంచి SCO చరిత్రలో అతి పెద్దది అవుతుంది. ఈ శిఖరాగ్ర సమావేశం రష్యా అధ్యక్షుడు వ్లాదిమిర్ పుతిన్ సహా 20 మందికిపైగా ప్రపంచ నాయకులను, మధ్య ఆసియా, దక్షిణాసియా, మధ్యప్రాచ్యం ఆగ్నేయాసియా దేశాలకు చెందిన దేశాధినేతలను ఒకచోట చేర్చుతుంది.
ఒకప్పుడు ఆరు యురేషియా దేశాల కూటమిగా ఉన్న SCO ఇప్పుడు 10 శాశ్వత సభ్యులు, 16 సంభాషణ లేదా పరిశీలక దేశాలను కలిగి ఉంది, భద్రత , ఉగ్రవాద వ్యతిరేకతను దాటి ఆర్థిక, వ్యూహాత్మక ,సైనిక సహకారాన్ని కవర్ చేయడానికి దాని ఎజెండాను విస్తరించింది.
రష్యాలోని కజాన్లో జరిగిన బ్రిక్స్ శిఖరాగ్ర సమావేశంలో మోడీ చివరిసారిగా జిన్పింగ్ -పుతిన్లతో వేదికను పంచుకున్నారు, అక్కడ ఉక్రెయిన్ వివాదం కారణంగా పాశ్చాత్య నాయకులు రష్యా అధ్యక్షుడి నుంచి దూరంగా ఉన్నారు. ఇప్పుడు టియాంజిన్ సమావేశానికికి పుతినా రాక భారతదేశం తన ప్రాంతీయ, ప్రపంచ ఆశయాలను ముందుకు తీసుకెళ్లేటప్పుడు బీజింగ్- వాషింగ్టన్ రెండింటితో సంక్లిష్ట సంబంధాలను నావిగేట్ చేస్తూ దౌత్య సమతుల్యతను కొనసాగించడానికి చేస్తున్న ప్రయత్నాన్ని నొక్కి చెబుతుంది.