Utkarsh Samaroh:
ప్రధాని నరేంద్ర మోదీ భావోద్వేగానికి లోనయ్యారు. ప్రభుత్వ పథకాల లబ్ధిదారులతో గురువారం వర్చువల్ వేదికలో ముచ్చటిస్తోన్న సమయంలో ఓ యువతి మాటలు విని మోదీ కాసేపు నిశ్శబ్దంగా ఉండిపోయారు.
ఏం జరిగింది?
గుజరాత్ బరూచ్లో జరిగిన ఉత్కర్ష్ సమరోహ్లో లబ్ధిదారులతో ప్రధాని మోదీ మాట్లాడారు. ఈ సందర్భంగా ఓ వ్యక్తిని తన పిల్లలను ఏం చదివించాలనుకుంటున్నారని ప్రశ్నించారు. దీనికి ఆ వ్యక్తి తన ముగ్గురు కూతుళ్లలో ఒక అమ్మాయి డాక్టర్ అవ్వాలనుకుంటుందని బదులిచ్చాడు.
దీంతో ప్రధాని.. ఆ పాపను తాను ఎందుకు డాక్టర్ అవ్వాలనుకుంటోందని ప్రశ్నించారు. దానికి ఆమె చెప్పిన సమాధానం విని మోదీ ఎమోషనల్ అయ్యారు.
అనంతరం ఆ పాపతో "నీ దయే నీ బలం" అని మోదీ ప్రశంసించారు.
పథకాల గురించి
ప్రభుత్వ పథకాల గురించి ప్రజలకు సమాచారం తెలియకపోవడం వల్ల, అవి కాగితానికే పరిమితమవుతున్నాయని ఈ సందర్భంగా ప్రధాని అన్నారు. తెలుసుకోకపోవడం వల్ల అర్హత లేని వ్యక్తులు ప్రయోజనం పొందుతారని మోదీ అన్నారు. అధికారులు కూడా వీటి గురించి ప్రజలకు వివరించాలన్నారు.