Amazon Order:
లెన్స్‌కి బదులు చియా సీడ్స్ ప్యాకెట్..
ఆన్లైన్ ఆర్డర్‌లతో ఎంత వెసులుబాటు ఉంటుందో అంత టెన్షన్‌ కూడా ఉంటుంది. మనం ఇచ్చిన ఆర్డర్ ఒకటైతే మనకు వచ్చేది ఒకటి. చాలా మంది ఇప్పటికే ఇలాంటి ఎక్స్‌పీరియెన్స్ చేసే ఉంటారు. ఓ నెటిజన్‌కి కూడా ఇలాంటి అనుభవమే ఎదురైంది. ట్విటర్‌లో ఓ పోస్ట్ కూడా పెట్టాడు. ఈ మధ్యే రూ.90 వేలు విలువ చేసే కెమెరా లెన్స్‌లు ఆర్డర్ పెట్టాడు. చాలా ఎగ్జైటింగ్‌గా ఎదురు చూశాడు. ఇంటికి డెలివరీ రాగానే చాలా యాంగ్జిటీతో ఓపెన్ చేశాడు. దెబ్బకు కళ్లు తిరిగిపోయాయి. కెమెరా లెన్స్‌కి బదలు ఆ పార్సిల్‌లో చియా సీడ్స్ ప్యాకెట్ కనిపించింది. ఇక్కడ ట్విస్ట్ ఏంటంటే...కెమెరా లెన్స్ బ్యాగ్, బాక్స్ కరెక్ట్‌గానే ఉన్నాయి. అందులో లెన్స్‌కి బదులు చియా సీడ్స్ ప్యాకెట్‌ని పెట్టారు. ఇది చూసిన వెంటనే తీవ్ర అసహనానికి గురైన ఆ కస్టమర్ ట్విటర్‌లో ఓ పోస్ట్ పెట్టాడు.
"అమెజాన్‌లో రూ.90వేల విలువైన కెమెరా లెన్స్ ఆర్డర్ చేశాను. నాకు వచ్చింది మాత్రం చియా సీడ్స్ ప్యాకెట్. లెన్స్ బ్యాగ్, బాక్స్‌లో ఈ ప్యాకెట్ పెట్టి పంపించారు. ఇదో పెద్ద స్కామ్. లెన్స్ బాక్స్ ఓపెన్ చేసి ఉంది. వీలైనంత త్వరగా నా సమస్యని సాల్వ్ చేయండి"
- కస్టమర్
అమెజాన్ తన కంప్లెయింట్‌ని రిజిస్టర్ చేసుకుందని, త్వరలోనే ప్రాబ్లమ్‌ని రిజాల్వ్ చేస్తామని మాటిచ్చిందని చెప్పాడు బాధితుడు. ఈ పోస్ట్ సోషల్ మీడియాలో వైరల్ అవుతోంది. చాలా మంది నెటిజన్లు తమకు కూడా ఇలాంటి అనుభవాలే ఎదురయ్యాయని కామెంట్స్ పెడుతున్నారు. ఆన్లైన్ షాపింగ్ చేయాలంటేనే భయమేస్తోందని ఇంకొందరు కామెంట్ చేశారు.