Maharashtra Political Crisis: గత వారం రోజులుగా రసవత్తరంగా సాగుతోన్న మహారాష్ట్ర రాజకీయం క్లైమాక్స్కు చేరుకుంది. మహారాష్ట్ర అసెంబ్లీలో గురువారం బలపరీక్ష జరగనుంది. ఈ మేరకు ముఖ్యమంత్రి ఉద్ధవ్ ఠాక్రేకు గవర్నర్ భగత్ సింగ్ కోష్యారి లేఖ రాశారు.
5 గంటలకు
గురువారం సాయంత్రం 5 గంటలకు సభలో మెజారిటీ నిరూపించుకోవాలని సీఎం ఉద్ధవ్ ఠాక్రేను గవర్నర్ కోరారు. ఈ అసెంబ్లీ సమావేశాన్ని వీడియోలో రికార్డ్ చేయాలని ఆదేశించారు. శివసేన పార్టీలో ఏక్నాథ్ షిండే నేతృత్వంలో ఎమ్మెల్యేలు తిరుగుబాటు చేయడంతో అసెంబ్లీలో బలపరీక్ష అనివార్యమైంది.
సుప్రీంలో సవాల్
గవర్నర్ ఆదేశాలపై శివసేన మండిపడింది. ఈ సమయంలో బలపరీక్ష కోసం గవర్నర్ కోరడం అన్యాయమని ఆరోపించింది. ఈ అంశంపై సుప్రీం కోర్టులో శివసేన వేసిన పిటిషన్ విచారణకు న్యాయస్థానం అనుమతించింది.
గోవాకు
మరోవైపు శివసేన రెబల్ ఎమ్మెల్యులు బుధవారం గోవా చేరనున్నట్లు సమాచారం. వీరి కోసం తాజ్ రిసార్ట్లో 70 గదులను బుక్ చేశారు. అనంతరం గురువారం వీరంతా ముంబయి చేరుకోనున్నట్లు తెలుస్తోంది.
భాజపా కూడా తమ ఎమ్మెల్యేలంతా బుధవారం సాయంత్రం ముంబయి తాజ్ హోటల్కు రావాలని ఆదేశించింది.