కరోనా వైరస్ దెబ్బకు ప్రపంచం మొత్తం భయపడింది.. భయపడుతూనే ఉంది. ఈ వైరస్ ప్రభావం మన జీవితాలపై ఎంత ఎఫెక్ట్ చూపించిందో ప్రత్యేకించి చెప్పక్కర్లేదు. ఆ తర్వాత వచ్చిన బ్లాక్ ఫంగస్ సహా మరిన్ని అంటురోగాలతో అసలు ప్రపంచం ఏమైపోతుందో అనిపించింది. ఉన్నవి చాలదన్నట్లు ప్రపంచాన్ని భయపెట్టడానికి మరో బ్యాక్టీరియా రెడీ అయింది. అవును.. మీరు విన్నది నిజమే.. ప్రస్తుతం హాంకాంగ్‌ను ఈ బ్యాక్టీరియా హడలెత్తిస్తోంది. అసలు ఇది ఎక్కడి నుంచి వచ్చిందో!
హాంకాంగ్ చేపల మార్కెట్..
హాంకాంగ్ ప్రజలు ప్రస్తుతం ఓ ప్రమాదక బ్యాక్టీరియాకు భయపడుతున్నారు. ఓ ఫ్రెష్ వాటర్ చేప నుంచి ఈ బ్యాక్టీరియా వెలువడుతున్నట్లు వార్తలు వస్తున్నాయి. హాంకాంగ్‌లో రద్దీగా ఉండే మార్కెట్లలో చేపలను ఎట్టిపరిస్థితుల్లోనూ ముట్టుకోవద్దని నిపుణులు హెచ్చరిస్తున్నారు. ప్రమాదకరమైన గ్రూప్ బీ స్ట్రెప్టోకోక్కస్ బ్యాక్టీరియాను ఇటీవల కొంతమందిలో గుర్తించారు. 2021 సెప్టెంబర్- అక్టోబర్ నెలలో ఇలాంటివి దాదాపు 79 కేసులు నమోదయ్యాయి. ఈ బ్యాక్టీరియా కారణంగా ఇప్పటికే ఏడుగురు మరణించినట్లు తెలుస్తోంది.
ఈ ఎస్టీ283 బ్యాక్టీరియా తాజాగా 32 మందికి సోకినట్లు సెంటర్ ఫర్ హెల్త్ ప్రొటెక్షన్ (సీహెచ్‌పీ) వెల్లడించింది. గత నెలలో ఈ కేసులు 26 నమోదుకాగా ప్రస్తుతం ఈ సంఖ్య పెరిగింది. ఈ కేసులకు సున్ వాన్‌లోని ఓ చేపల మార్కెట్‌కు సంబంధముందని అధికారులు గుర్తించారు.
ఈ బాధితులందరూ ఏదో ఒక సమయంలో ఆ మార్కెట్‌లోని చేపలను పట్టుకున్నట్లు తేలింది. అందులోనూ ముఖ్యంగా ఫ్రెష్ వాటర్ ఫిష్, గ్రాస్ కార్ప్‌ అనే చేపలను పట్టుకోవడం వల్లే ఈ బ్యాక్టీరియా సోకినట్లు చెబుతున్నారు.
ఏంటీ బ్యాక్టీరియా?
- గ్రూప్ బీ స్ట్రెప్టోకోక్కస్ బ్యాక్టీరియా సాధారణంగా పేగులు, మూత్ర సంబంధిత భాగాలు, రిప్రోడెక్టివ్ గ్రంధులలో కనిపిస్తాయి.
- అయితే ఈ బ్యాక్టీరియా వల్ల ఆరోగ్యవంతులకు ఏమీ కాదు. లక్షణాలు కూడా ఏం కనిపించవు. కానీ రక్తం, ఎముకలు, ఊపిరితిత్తులు, మెదడు, వెన్నెముకలో ఇది అంటువ్యాధులను సృష్టించగలదు.
- అయితే అప్పుడే పుట్టిన పిల్లలకు ఇది చాలా ప్రమాదకరం. అలానే తీవ్రమైన రోగాలతో బాధపడే వారికి ఈ బ్యాక్టీరియాతో ప్రమాదం ఉంది.
- న్యూమోనియా, యూరినరీ ట్రాక్ట్ ఇన్‌ఫెక్షన్స్, బ్లడ్ ఇన్‌ఫెక్షన్స్, స్కిన్ ఇన్‌ఫెక్షన్స్ రావడం వీటి లక్షణాలు.
ఈ బ్యాక్టీరియా కారణంగా వైద్యులు, నిపుణులు ప్రజలకు పలు సూచనలు చేస్తున్నారు. రా సీ ఫుడ్స్‌ను తినొద్దంటున్నారు. సౌత్ చైనా మార్నింగ్ పోస్ట్‌లో కూడా ఈ వార్త వచ్చింది. ప్రభుత్వ ఆసుపత్రుల్లోను పలు రోగుల్లో ఈ బ్యాక్టీరియాను గుర్తించినట్లు ఈ పత్రిక పేర్కొంది. గురువారం మరో 9 కేసులు వెలుగుచూశాయి. ప్రస్తుతం బ్యాక్టీరియా కేసుల సంఖ్య 88కి పెరిగింది.
Also Read: Cannibal Tribes: ఇక్కడ చనిపోతే అంత్యక్రియలు చేయరు.. శవాలను తినేస్తారు, ఎందుకంటే..
Also Read: Petrol : పెట్రోలు అవసరం కార్లున్న వారికేనట.. తేల్చేసిన యూపీ బీజేపీ మంత్రి !
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి