70 Years Old Women Jump : యాభై ఏళ్ల వయసుకే కాళ్లు, కీళ్లు నొప్పులొస్తాయి. చిన్న పిల్ల కాలువను దాటలేని పరిస్థితి వస్తుంది. అయితే హర్యానాకు చెందిన ఓ బామ్మ మాత్రం.. సూపర్ బామ్మగా మారిపోయింది. 40 అడుగుల ఎత్తైన వంతెన పై నుంచి గంగా నదిలోకి దూకి ఈతకొట్టింది. ఈత మాత్రమే కాదండోరు.. ఈ బామ్మ డ్యాన్స్‌ కూడా అదరొట్టేస్తోంది. ప్రస్తుతం ఈ బామ్మ వీడియోలు నెట్టింట్లో వైరల్‌ అవుతున్నాయి.
హర్యానాకు చెందిన ఈ బామ్మ పేరు ఓంవతి . వయసు 73 ఏళ్లు. హర్యానాలోని సోంపేట్‌కు చెందిన ఈమె తాజాగా హరిద్వార్‌లోని హర్‌ కీ పౌరి వద్ద 40 అడుగుల ఎత్తైన వంతెన నుంచి గంగా నదిలోకి దూకి.. ఈదుకుంటూ.. నది అవతల ఒడ్డుకు చేరుకుంది. ఈమె అంత ఎత్తు నుంచి దూకడానికి కొందరు సహాయం చేశారనుకోండి. అయితే ఆమె అక్కడి నుంచి దూకడం మాత్రం అందరినీ షాక్‌కి గురిచేస్తోంది.
నదుల్లో ఈతకొట్టడమంటే తనకెంతో ఇష్టమని,,. నాకు చిన్నప్పటి నుంచే నదుల్లో ఈతకొట్టే అలవాటుందని ఆమె అంటున్నారు. ఈ వీడియోను చూసిన నెటిజన్లు.. బామ్మ డేరింగ్‌కి ఆశ్చర్యపోతున్నారు. అలాగే ఆమెకు డ్యాన్స్‌ కూడా ఎంతో ఇష్టమట.! ఆమె డ్యాన్స్‌ చేస్తున్న వీడియో కూడా నెట్టింట్లో వైరల్‌ అవుతోంది.