Valentines Week Full List : ఫిబ్రవరి వచ్చిందంటే చాలు ప్రేమికులు పండుగ చేసుకుంటారు. ఫిబ్రవరి 14న వాలెంటైన్స్​ డే (Valentines Day 2024)జరుపుకుని.. తమ ప్రేమికులకు ప్రేమను వ్యక్తం చేస్తారు. అయితే సంవత్సరంలో ఏ రోజుకి లేనంతగా వాలెంటైన్స్ డేకి ప్రత్యేకత ఉంది. ఎందుకంటే ప్రేమికుల దినోత్సవాన్ని వారం రోజులు సెలబ్రేట్ చేసుకుంటారు. ఈ వాలెంటైన్స్​ వీక్​లో ఒక్కోరోజుకి ఒక్కో ప్రత్యేకత ఉంటుంది. ఫిబ్రవరి 14కి వారం ముందుగా అంటే ఫిబ్రవరి 7 నుంచి ఈ వేడుకలు ప్రారంభమవుతాయి. 


వాలెంటైన్స్​డే అనేది పాశ్చత్యా ధోరణి అయినా ఇండియాలో చాలామంది దీనిని సెలబ్రేట్ చేసుకుంటారు. దీనిని ప్రేమ, ఆనందం, అందమైన భావోద్యేగాలకు గుర్తుగా చేసుకుంటారు. తమ ప్రియమైన వారికి ఈ వారంలో ప్రత్యేక బహుమతులు, సర్​ప్రైజ్​లు ఇస్తూ ఉంటారు. ఈ వాలెంటైన్స్ వీక్​ని లవ్ వీక్, రొమాన్స్ వీక్​ అని కూడా పిలుస్తారు. వాలెంటైన్స్​ వీక్​ రోజ్​ డే నుంచి ప్రారంభమై.. వాలెంటైన్స్ డే వరకు వీక్​లో ఏమేమి సెలబ్రేట్ చేసుకుంటామో ఇప్పుడు తెలుసుకుందాం. 


వాలెంటైన్స్ డే వీక్​లో రోజ్​ డే, ప్రపోజ్ డే, చాక్లెట్ డే, టెడ్డీ డే, ప్రామిస్ డే, హగ్ డే, కిస్​ డే, వాలెంటైన్స్ డే ఉంటాయి. వాలెంటైన్స్ డే అంటే కేవలం గర్ల్​ఫ్రెండ్స్, బాయ్ ఫ్రెండ్స్​కే కాదు.. భార్య భర్తలు కూడా దీనిని చేసుకోవచ్చు. 


రోజ్ డే (Rose Day 2024)


రోజ్​ డే అనేది వాలెంటెన్స్ వీక్​లో మొదటి రోజు. దీనిని ఫిబ్రవరి 7న జరుపుకుంటారు. ఈ రోజు ప్రేమ, ఆప్యాయత, అభిరుచికి చిహ్నమైన గులాబీలు ఇస్తారు. గులాబీని ఇచ్చి.. మీరు ప్రేమించే వ్యక్తికి ప్రేమను వ్యక్తం చేయవచ్చు. ఎర్ర గులాబీలు గాఢమైన ప్రేమను తెలిపేందుకు మంచి ఎంపిక. 


ప్రపోజ్ డే (Propose Day 2024)


 


వాలెంటైన్స్​ వీక్​లో ప్రపోజ్ డే రెండవ రోజు సెలబ్రేట్ చేసుకుంటారు. ఈ రోజు మీరు ప్రేమించిన వ్యక్తికి ప్రపోజ్ చేసి.. డేట్​కి తీసుకెళ్లవచ్చు. నైట్​ డేట్​కి తీసుకువెళ్లడం అనేది మంచి ఎంపిక అవుతుంది. దానిని మీరు రోమాంటిక్ డేట్​గా కూడా మార్చుకోవచ్చు. 


చాక్లెట్ డే (Chocolate Day 2024 )


చాక్లెట్ డే వాలెంటైన్స్ వీక్​లో మూడవ రోజు వస్తుంది. చాక్లెట్​లోని మాధుర్యం తమ ప్రేమలో కూడా ఉండాలని దీనిని సెలబ్రేట్ చేసుకుంటారు. మీ పార్టనర్​కి స్వీట్స్​ అంటే ఇష్టముంటే మీరు రకరకాల చాక్లెట్స్​ను వారికి ఇవ్వొచ్చు. 


టెడ్డీ డే (Teddy Day 2024)


ఫిబ్రవరి 10వ తేదీన టెడ్డీ డే చేసుకుంటారు. ఇది వాలెంటైన్ వీక్​లో నాల్గవ రోజు. ఈ రోజు టెడ్డీ బేర్స్​ని గిఫ్ట్​గా ఇవ్వొచ్చు. ఈ టెడ్డీలు ఇది ఆనందానికి, ఉల్లాసానికి గుర్తుగా ఇస్తారు. మీరు కూడా ప్రేమించే వ్యక్తికి.. మంచి రంగులో టెడ్డీని సెలక్ట్ చేసి గిఫ్ట్ ఇవ్వొచ్చు.


ప్రామిస్ డే (Promise Day 2024)


వాలెంటైన్స్ వీక్​లో ప్రామిస్​ డే చాలా స్పెషల్. ఎందుకంటే ఎన్ని గిఫ్ట్​లు ఇచ్చినా.. రాని కిక్.. ఒక్క ప్రామిస్​తో వస్తుంది. మీరు ప్రేమించే వ్యక్తికి.. మీ ప్రేమను తెలియజేస్తూ.. నమ్మకంగా జీవితాంతం తమతోనే ఉంటామని ప్రామిస్ చేస్తే చాలు. ఎలాంటి గిఫ్ట్​లు ఇవ్వాల్సిన అవసరం లేదు. ప్రామిస్​ చేస్తే సరిపోతుంది అనుకునే బదులు.. ప్రామిస్​ని నిలబెట్టుకుంటే మంచిది. 


హగ్ డే.. (Hug Day 2024)


లవ్​ వీక్​లో ఆరవ రోజు హగ్​ డే. ఇది ప్రేమించిన వ్యక్తికి భద్రతనిస్తూ.. వారు ఒంటరి కాదని.. హగ్ ఇవ్వొచ్చు. అయినా హగ్​ అనేది స్ట్రెస్, బాధలను దూరం చేస్తుంది కాబట్టి.. దీనిని మీరు కేవలం ప్రేమించిన వ్యక్తితో కాకుండా మీరు ఇష్టపడే, వెల్​విషెర్స్​కి కూడా హగ్ ఇవ్వొచ్చు. 


కిస్ డే (Kiss Day 2024)


ఫిబ్రవరి 13వ తేదీన కిస్​ డే జరుపుకుంటారు. కిస్ అనేది ఒకరి పట్ల మరొకరు చూపించే అత్యంత సన్నిహితమైన, స్వచ్ఛమైన ప్రేమకు రూపం. ఈ రోజు మీరు మీ భాగస్వామికి ముద్దు పెట్టి మీ ప్రేమను వ్యక్తం చేసుకోవచ్చు. 


వాలెంటైన్స్ డే (Valentines Day 2024 )


వాలెంటైన్స్​ వీక్​లో ఇది చివరిది. ఈ ప్రత్యేకమైన రోజు జంటలకు చాలా ప్రాముఖ్యమైనది. ఎందకంటే ఇది అన్నిరూపాల్లో ప్రేమను వ్యక్తం చేసేందుకు ముఖ్యమైన రోజు. ఈరోజు మీ వాలెంటైన్​తో కలిసి మంచిగా టైమ్ స్పెండ్ చేయవచ్చు. వారిని తీసుకుని మంచి హాలీడే స్పాట్​కి వెళ్లొచ్చు. ఈ వాలెంటైన్​ వీక్​ని మీరు ఎలా ప్లాన్ చేసుకోవాలో ఇప్పటినుంచే డిసైడ్ అయిపోండి. 


Also Read : హాబీ డే గురించి మీకు తెలుసా? 2024లో బాగా వైరల్ అవుతున్న ట్రావెల్ ట్రెండ్