Tasty and Health Food Pairs : ఆహారం రుచిని పెంచుకోవడానికి చాలామంది వాటిని కాంబినేషన్స్ రూపంలో తింటారు. కానీ కొన్ని ఫుడ్స్ కాంబినేషన్స్లో ఆరోగ్యానికి అస్సలు మంచిది కాదంటారు. బిర్యానీ, కూల్ డ్రింక్.. టీ, బిస్కెట్.. వంటివి అలాంటి కాంబినేషనే. రుచి బాగుంటుందని ట్రై చేసినా అవి హెల్త్పై నెగిటివ్ ప్రభావం చూపిస్తాయి. అలా అని అన్ని కాంబినేషన్స్ ఇబ్బంది పెడతాయా? అంటే లేదు. కొన్ని ఫుడ్స్ వివిధ కాంబినేషన్స్లో తీసుకోవడం వల్ల వాటి రుచి పెరగడంతో పాటు ఆరోగ్యానికి మేలు జరుగుతుందట. అలాంటివాటిలో కొన్ని ఫుడ్ కాంబినేషన్స్ గురించి ఇప్పుడు తెలుసుకుందాం.
పుచ్చకాయతో సాల్ట్ (Salt + Watermelon)
పుచ్చకాయను చాలామంది నేరుగా తినేస్తారు. అయితే దీనిని సాల్ట్తో కలిపి తింటే ఆరోగ్యానికి మేలు జరుగుతుందంట. ఈ రెండు కలిసి శరీరంలోని సోడియం, పొటాషియంను బ్యాలెన్స్ చేస్తాయి. అలాగే చెమట ద్వారా, వ్యాయామ రూపంలో శరీరం కోల్పోయిన ఎలక్ట్రోలైట్స్ని తిరిగి శరీరానికి అందించడంలో హెల్ప్ చేస్తాయి. అలాగే హైడ్రేషన్ సమస్యలను నీటి కంటే సమర్థవంతంగా దూరం చేస్తాయి.
గ్రీన్ టీలో నిమ్మరసం (Green Tea + Lemon)
గ్రీన్ టీలో చాలామంది నిమ్మరసం వేసుకుని తాగుతారు. ఇది ఆరోగ్యానికి చాలా మంచిది. నిమ్మకాయలో విటమిన్ సి గ్రీన్ టీలోని యాంటీఆక్సిడెంట్లను శరీరానికి అందేలా చేస్తుంది. ఈ రెండూ మెటబాలీజంను పెంచి.. బరువుతగ్గేందుకు హెల్ప్ చేస్తాయి. రోగనిరోధక శక్తిని పెంచుతాయి.
కాఫీలో నెయ్యి (Ghee + Coffee)
హెల్తీ ఫ్యాట్స్ శరీరానికి అందించాలని.. కెఫెన్ను శరీరానికి స్లోగా అందించాలనుకుంటే మీరు గీ కాఫీ ట్రై చేయవచ్చు. ఇది మీరు రోజంతా ఎనర్జీతో ఉండేందుకు హెల్ప్ చేస్తుంది. పనిపై ఫోకస్ చేసేలా చేస్తుంది. గట్ హెల్త్ని మెరుగుపరుస్తుంది.
ఉడికించిన గుడ్లుతో కూరగాయలు.. (Boiled Egg + Raw Veggies)
గుడ్డులోని పచ్చసొనలో హెల్తీ ఫ్యాట్స్ ఉంటాయి. ఇవి కూరగాయల్లోని ఎ, డి, ఈ, కె విటమిన్లను శరీరానికి అందేలా చేస్తాయి. అలాగే కంటి చూపును మెరుగుపరిచి.. బోన్స్ హెల్త్ని ప్రమోట్ చేస్తాయి. రోగనిరోధక శక్తిని పెంచుతాయి.
ఖర్జూరాలతో పాలు (Milk + Dates)
డేట్స్లో సహజమైన షుగర్స్ ఉంటాయి. వీటిని పాలతో కలిపి తీసుకుంటే పోషకాలు పుష్కలంగా శరీరానికి అంది ఎనర్జీని అందిస్తాయి. ఐరన్, కాల్షియం, విటమిన్ బి శరీరానికి అందుతాయి.
కొబ్బరి నీళ్లలో చియాసీడ్స్ (Coconut Water + Chia Seeds)
కొబ్బరి నీళ్లలో చియాసీడ్స్ నానబెట్టి వాటిని తీసుకుంటే శరీరానికి ఫైబర్ అందుతుంది. షుగర్ని శరీరం స్లోగా తీసుకుని.. ఎక్కువసేపు ఎనర్జీతో ఉండేలా చేస్తుంది. వర్క్ అవుట్ తర్వాత దీనిని తీసుకుంటే చాలా మంచిది. జీర్ణ సమస్యలు తగ్గుతాయి.
డార్క్ చాక్లెట్తో బాదం (Almonds + Dark Chocolate)
బాదం ఆరోగ్యానికి మంచిది. డార్క్ చాక్లెట్ కూడా హెల్త్కి మంచి ప్రయోజనాలు ఇస్తుంది. ఈ రెండింటి కాంబినేషన్ కూడా ఆరోగ్యానికి మేలు చేస్తుంది. వీటిలోని ఫ్లేవనాయిడ్స్, హెల్తీ ఫ్యాట్స్ ఇన్ఫ్లమేషన్ని తగ్గించి.. గుండె ఆరోగ్యాన్ని మెరుగుపరుస్తాయి. అలాగే యాంటీఆక్సిడెంట్లను శరీరానికి అందించి.. వివిధ సమస్యల నుంచి కాపాడుతాయి.
ఆవాలు, బ్రోకలీ (Broccoli + Mustard Seeds)
ఆవాలలలోని మైరోసినేస్.. బ్రోకలీలో సల్ఫోరాఫేన్తో కలిపి శక్తివంతమైన క్యాన్సర్ నిరోధక సమ్మేళనంగా ఏర్పడుతుంది. ఇది డిటాక్స్ చేయడంలో, కణాలను రక్షించడంలో ముఖ్య పాత్ర పోషిస్తుంది.
గ్రీక్ యోగర్ట్తో బ్లూబెర్రీలు (Blueberries + Greek Yogurt)
బెర్రీల్లో యాంటీఆక్సిడెంట్లు పుష్కలంగా ఉంటాయి. యోగర్ట్లో ప్రోబయోటిక్స్ ఉంటాయి. ఈ రెండూ కలిపి తీసుకుంటే గట్ హెల్త్ మెరుగవుతుంది. జ్ఞాపకశక్తి పెరుగుతుంది. అంతేకాకుండా రోగనిరోధక శక్తిని పెంచి.. జీర్ణ సమ్యలను దూరం చేస్తుంది.
పీనట్ బటర్తో యాపిల్ (Apple + Peanut Butter)
యాపిల్లోని ఫైబర్.. పీనట్ బటర్లో ప్రోటీన్ డైజీషన్ని స్లో చేసి.. కార్బ్స్, షుగర్ క్రేవింగ్స్ని అదుపులో ఉంచుతాయి. పైగా ఇవి నోటికి మంచి రుచిని అందించి.. ఎనర్జీని అందిస్తాయి. ఇది పర్ఫెక్ట్ స్నాక్ కాంబినేషన్ అవుతుంది.
ఆరోగ్య ప్రయోజనాల కోసం మీరు కూడా ఈ హెల్తీ కాంబినేషన్స్ ట్రై చేసేయండి. ఇవి నోటికి మంచి రుచిని కూడా అందించి.. రోజంతా మీరు యాక్టివ్గా ఉండడంలో హెల్ప్ చేస్తాయి.