Ghee: వీటిని నెయ్యితో కలిపి తీసుకుంటే ఏ మందులూ వాడక్కర్లేదు

ఎన్నో చిన్న చిన్న రోగాలకి ఇంట్లో దొరికే వాటితోనే సింపుల్ గా నయం చేసుకోవచ్చు. అవన్నీ మన కిచెన్ లోనే లభిస్తాయి

నెయ్యి భారతీయ సంస్కృతిలో ఒక భాగం. వంటలకి అదనపు రుచి ఇవ్వడం మాత్రమే కాదు మనకి ఆరోగ్యాన్ని అందిస్తుంది. ఆయుర్వేద మందులలో కూడా దీన్ని ఎక్కువగా ఉపయోగిస్తారు. నెయ్యిని వీటితో కలిపి తీసుకుంటే మొత్తం ఆరోగ్యాన్ని కాపాడుకోవచ్చు. ఎటువంటి రోగాలు దరి చేరకుండా ఆరోగ్యంగా ఉంటారు. అందుకే నెయ్యితో పాటు ఈ పదార్థాలు కూడా కలిపి తీసుకోండి.

మెంతులు

ఫోలిక్ యాసిడ్, పొటాషియం, రాగి, విటమిన్ ఏ, బి, సి, కె, కాల్షియం, ఐరన్ వంటి శరీరానికి కావాల్సిన పోషకాలు ఎన్నో మెంతులు అందిస్తాయి. ఇవి తీసుకోవడం వల్ల రక్తంలో చక్కెర స్థాయిలు అదుపులో ఉంటాయి. జీర్ణ సమస్యల్ని తగ్గిస్తాయి. నెయ్యితో కలిపి మెంతులు తీసుకుంటే అనేక ఆరోగ్య ప్రయోజనాలు పొందుతారు.

పసుపు

ఇందులో కర్కుమిన్ ఉంది. యాంటీ ఇన్ఫ్లమేటరీ, యాంటీ ఆక్సిడెంట్ లక్షణాలు ఉన్నాయి. నెయ్యికి పసుపు జోడించి తీసుకోవడం వల్ల శోధ నిరోధక ప్రభావాలను మెరుగుపరుస్తుంది.

దాల్చిన చెక్క

రక్తంలో చక్కెర నియంత్రణకి సహాయపడే వాటిలో దాల్చిన చెక్క ఒకటి. దీనిలో యాంటీ ఆక్సిడెంట్లు ఉన్నాయి. నెయ్యికి ఒక చిటికెడు దాల్చిన చెక్క పొడిని జోడించుకుని తింటే అనేక రోగాలని నయం చేస్తుంది.

అశ్వగంధ

ఆయుర్వేదంలో అశ్వగంధకి ప్రత్యేకమైన స్థానం ఉంది. ఇది ఒక అడాప్టోజెనిక్ హెర్బ్. ఒత్తిడి ఎదుర్కొని, విశ్రాంతిని ప్రోత్సహించేందుకు సహాయపడే గుణాలు ఇందులో పుష్కలంగా ఉన్నాయి. అశ్వగంధ పౌడర్ ని నెయ్యితో కలిపి తీసుకుంటే శరీరానికి మేలు జరుగుతుంది.

యాలకులు

జీర్ణ ప్రయోజనాలు అందించడంలో యాలకులు బెస్ట్. దీనిలోని పోషక గుణాలు సమృద్ధిగా ఉండటం వల్ల యాలకుల్ని క్వీన్ ఆఫ్ స్పైసెస్ అని పిలుస్తారు. ఆరోగ్యాన్ని అందించే చక్కని సుగంధ ద్రవ్యం. నెయ్యికి యాలకులు కలిపి తీసుకుంటే జీర్ణక్రియ మెరుగుపడుతుంది. వంటకాలకి ఇవి రెండూ ప్రత్యేకమైన రుచిని కూడా అందిస్తాయి.

నల్ల మిరియాలు

కాస్త ఘాటైన రుచిని కలిగినప్పటికీ ఆరోగ్యానికి అందించే ప్రయోజనాల విషయంలో ఎక్కడా తగ్గదు. అందుకే దీన్ని కింగ్ ఆఫ్ స్పైసెస్ అని పిలుస్తారు. ఇందులో పైపెరిన్ ఉంటుంది. నెయ్యి, పసుపుతో కలిపి నల్ల మిరియాలు తీసుకుంటే కర్కుమిన్ శోషణ పెంచుతుంది. అది మాత్రమే కాకుండా నల్ల మిరియాలు జీర్ణశక్తిని పెంచుతాయి. కడుపు సంబంధిత సమస్యల్ని తగ్గిస్తాయి.

తులసి

ఆయుర్వేదంలో పవిత్రమైన మూలికగా తులసిని పరిగణిస్తారు. రోజుకి రెండు తులసి ఆకులు నమలడం వల్ల ఆరోగ్యానికి చాలా మేలు చేస్తుందని పెద్దలు చెప్తూ ఉంటారు. ఇందులో అడాప్టోజెనిక్, రోగనిరోధక లక్షణాలు ఉన్నాయని విశ్వసిస్తారు. ఎండిన లేదా తాజా తులసి ఆకులని నెయ్యికి జోడించు తీసుకోవడం వల్ల ఇన్ఫెక్షన్స్ తగ్గుముఖం పడతాయి.

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.