Raw Vegetables: ఈ కూరగాయలను ఎప్పుడూ పచ్చిగా తినకండి, చాలా డేంజర్

కూరగాయలు ఆరోగ్యానికి చాలా మేలు చేస్తాయి. కొందరికీ పచ్చి కూరగాయలు తినే అలవాటు ఉంటుంది. అది మంచిదే కానీ అన్ని రకాల కూరగాయలు తినడం మాత్రం శ్రేయస్కరం కాదు.

క్యారెట్, బెండకాయ, దొండకాయ వంటి కూరగాయలు పచ్చిగా తింటారు. అలా తింటే ఆరోగ్యానికి అనేక విధాలుగా మేలు జరుగుతుందని చెప్తుంటారు. అయితే అన్నీ రకాల కూరగాయలు పచ్చిగా తినడం కరెక్ట్ కాదని నిపుణులు హెచ్చరిస్తున్నారు. నాలుగు రకాల కూరగాయలు మాత్రం వాటిని వండుకుని తింటేనే ఉత్తమ ప్రయోజనాలు అందిస్తాయి. పచ్చిగా తింటే మాత్రం ఒక్కోసారి ప్రాణాంతకం కావచ్చు.

కొలోకాసియా ఆకులు

ఉత్తర భారతదేశంలోని అనేక ప్రాంతాల్లో దీన్ని అర్బి కా పట్టా అని పిలుస్తారు. ఈ ఆకులు ఒక విధమైన మట్టి రుచిని కలిగి ఉంటాయి. అయితే ఈ ఆకులు ఉడికించకుండా తినడం ఆరోగ్యానికి హానికరం. ఇవి పచ్చిగా తీసుకుంటే కిడ్నీలో రాళ్ళు ఏర్పడే అవకాశం ఉంది. అందుకు కారణం ఈ ఆకుల్లో అధిక మొత్తంలో ఆక్సలెట్ లేదా ఆక్సాలిక్ యాసిడ్ ఉంటుంది. వేడి చేయడం వల్ల ఆక్సలెట్ స్థాయిలు గణనీయంగా తగ్గుతాయి. ఇందులో రసాయనాల ప్రభావం తగ్గుతుంది. ఆ ఆకులు పచ్చిగా తింటే నోరు, గొంతు కూడా చికాకు పెడుతుంది. సరైన సమయం పాటు వాటిని ఉడికించడం వల్ల అందులోని వ్యాధుల ప్రమాదాన్ని పోగొట్టుకోవచ్చు.

క్యాబేజీ

బర్గర్, సలాడ్ లో ఎక్కువగా క్యాబేజ్ పచ్చిగా వేసుకుని తింటారు. ఇవి సలాడ్ కి అదనపు రుచిని అందిస్తాయి. పచ్చి క్యాబేజీలో టేప్ వార్మ్ ఉండే అవకాశం ఉంది. వీటిని తీసుకోవడం వల్ల జీర్ణ సమస్యలు ఎదురయ్యే అవకాశం ఉంది. క్యాబేజ్ ని వండి తీసుకోవడం వల్ల దాని రుచి మాత్రమే కాదు ఆరోగ్యానికి మేలు చేస్తుంది. జీర్ణ శక్తిని పెంచుతుంది. వ్యాధికారకాలు ఏమైనా ఉంటే తొలగిస్తుంది. క్యాబేజీని నీటిలో వేసి బాగా ఉడికించుకున్న తర్వాత తీసుకోవడం మంచిది.

క్యాప్సికమ్

బెల్ పెప్పర్స్ ని క్యాప్సికమ్ అంటారు. వివిధ రంగుల్లో లభిస్తాయి. వాటిని పచ్చిగా తినడం కాస్త ప్రమాదమే. క్యాప్సికమ్ రుచిని ఆస్వాదించాలంటే వాటిని వేయించి లేదా ఉడికించి తింటే బాగుంటుంది. క్యాప్సికమ్ వండుకునే ముందు వాటిలోని విత్తనాలు తప్పనిసరిగా తీసేయాలి. వాటిలో టేప్ వార్మ్ అనే జీవి గుడ్లు ఉంటాయి. ఇవి ఆరోగ్యానికి హానికరం. విత్తనాలు తొలగించి వాటిని వేడి నీళ్ళలో బాగా కడిగిన తర్వాత వంటకు ఉపయోగించుకోవడం ఉత్తమం.

వంకాయ

దీన్ని తినేందుకు మామూలుగానే చాలా తక్కువగా ఇష్టపడతారు. కానీ కొందరు మాత్రం వీటిని పచ్చిగా తింటారు. అలా చేయడం వల్ల ఆరోగ్య సమస్యలు వస్తాయి. ఈ కూరగాయ విత్తనాలలో కూడా టేప్ వార్మ్ గుడ్లు ఉంటాయి. పచ్చి వంకాయలు తీసుకుంటే పరాన్నజీవులు శరీరంలోకి చేరిపోతాయి. వంకాయని పూర్తిగా మెత్తగా ఉడికించిన తర్వాత తీసుకుంటే పోషకాలు శరీరానికి అందుతాయి.

గమనిక: పలు అధ్యయనాలు, పరిశోధనల నుంచి సేకరించిన సమాచారాన్ని ఇక్కడ యథావిధిగా అందించాం. ఇది వైద్య నిపుణుల సూచనలకు ప్రత్యామ్నాయం కాదు. తప్పకుండా వైద్యుడు లేదా ఆహార నిపుణుల సలహా తీసుకున్న తర్వాతే ఈ ఆహారాన్ని మీ డైట్‌లో చేర్చుకోవాలి. ఈ సమాచారం కేవలం మీ అవగాహన కోసమే.