Skin Care with Yogurt : సమ్మర్లో మెరిసే చర్మం కావాలంటే మీరు నిరంతరం హైడ్రేటెడ్గా ఉండాలి. నీరు, తాజా పండ్ల రసాలు, కొబ్బరి నీటితో మీరు హైడ్రేటెడ్గా ఉండాలి. ఈ ఎండలను తట్టుకోవాలంటే ఈ మాత్రం హైడ్రేటెడ్గా లేకుండా ఆరోగ్యానికి, చర్మానికి కూడా మంచిది కాదు. కాబట్టి మీరు తీసుకునే చర్యలను బట్టి మీ స్కిన్ హెల్తీగా ఉంటుందని గుర్తించుకోవాలి. చర్మ సంరక్షణకోసం బయటకు వెళ్లేప్పుడు సన్స్క్రీన్ ఎలాగు పెట్టుకుంటారు. అయితే ఇంటికి వచ్చాక.. సన్ టాన్, ఇతర స్కిన్ రాకుండా కొన్ని జాగ్రత్తలు తీసుకోవాలి.
స్కిన్ రక్షించడంలో పెరుగు లేదా యోగర్ట్ ఎప్పుడూ ముందు స్థానంలో ఉంటుంది. వివిధ సమస్యలకు.. దానిలో ఇతర సహజ పదార్థాలు జోడించి మీరు చర్మాన్ని రక్షించుకోవచ్చు. కాల్షియం, మెగ్నీషియం, ప్రోటీన్ వంటి విటమిన్లు, ఖనిజాలతో ఇవి సమృద్దిగా ఉంటాయి. ఇవి ఆరోగ్యానికి మంచి ప్రయోజనాలు అందిస్తాయి. అంతేకాకుండా స్కిన్ కేర్లో కూడా ఇవి బెస్ట్ రిజల్ట్స్ ఇస్తాయి.
స్కిన్ కేర్ కోసం..
యోగర్ట్లోని లాక్టిక్ యాసిడ్ చర్మాన్ని సున్నితంగా ఎక్స్ఫోలియేట్ చేయడంలో సహాయం చేస్తుంది. చర్మంపై పేరుకుపోయిన మృత కణాలను తొలగించడంలో సహాయం చేస్తుంది. దీనిలోని యాంటీ బాక్టీరియల్ లక్షణాలు కూడా హెల్తీ స్కిన్ను అందిస్తాయి. ఇవి చర్మంపై మొటిమలను కలిగించే బ్యాక్టీరియాను తగ్గిస్తాయి. దీనిలో జింక్ చర్మంపై మంటను తగ్గిస్తుంది. రెగ్యూలర్గా దీనిని ఉపయోగిస్తే మీ చర్మం మెరుస్తూ.. హెల్తీగా ఉంటుంది. అందుకే దీనిని స్క్రబ్, మాస్క్, టోనర్, వివిధ రకాలుగా ఉపయోగించవచ్చు.
ఫేస్ మాస్క్
టేబుల్ స్పూన్ యోగర్ట్లో తేనెను మిక్స్ చేసి ముఖానికి అప్లై చేయాలి. పావుగంట ఆరనిచ్చి.. ఆపై గోరువెచ్చని నీటితో శుభ్రం చేసుకోవాలి. ఇది మీ చర్మాన్ని హైడ్రేట్గా ఉండడంలో హెల్ప్ చేస్తుంది. అంతేకాకుండా స్కిన్ ఇరిటేషన్ను తగ్గిస్తుంది.
బాడీ స్క్రబ్
యోగర్ట్లో ఓట్మీల్ కలిపి బాడీ స్క్రబ్గా ఉపయోగించవచ్చు. ఇది మీ శరీరాన్ని ఎక్స్ఫోలియేట్ చేయడమే కాకుండా చర్మాన్ని మృదువుగా చేస్తుంది. చర్మంపై ఉన్న మృతకణాలు, టాన్ తొలగిపోతాయి.
ఐ మాస్క్
కీరదోస తురుమును యోగర్ట్తో మిక్స్ చేసి కంటి కింద భాగంలో అప్లై చేసి 10 నుంచి 15 నిమిషాలు ఉంచి.. కంటి చుట్టూ ఉండే డార్క్ సర్కిల్స్ తగ్గుతాయి. కళ్లు ఉబ్బినా కూడా తగ్గి ఫ్రెష్గా కనిపిస్తాయి.
టోనర్గా
పెరుగులో టీస్పూన్ నిమ్మరసం కలపండి. దానిని మీ ముఖానికి కాటన్తో అప్లై చేయండి. ఇది మీ చర్మం పీహెచ్ స్థాయిలను సమతుల్యం చేస్తుంది. జిడ్డును తొలగిస్తుంది.
కలబందతో కలిపి కూడా దీనిని మీరు స్కిన్ కేర్ కోసం ఉపయోగించవచ్చు. ఇది సన్ టాన్, బర్నింగ్ని తొలగించి ఉపశమనం ఇస్తుంది. సెన్సిటివ్ స్కిన్ ఉన్నవారు ప్యాచ్ టెస్ట్ వేసుకుని తర్వాత వీటిని ట్రై చేయవచ్చు.
Also Read : సమ్మర్ అని కూల్డ్రింక్స్ తాగేస్తున్నారా? అయితే జాగ్రత్త గుండెపోటు రావొచ్చట
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.