Raw Banana Powder for Health : అరటిపండును చాలామంది ఇష్టంగా తింటారు. ఇది ఆరోగ్యానికి ఎన్నో ప్రయోజనాలు ఇస్తుంది. అలాగే పచ్చి అరటి కాయలను కొందరు కూరలు చేసుకోవడం లేదా చిప్స్ చేసుకోవడం వంటివి చేస్తారు. అయితే మీకు తెలుసా పచ్చి అరటికాయను పిండిగా చేసి.. వివిధ అవసరాల కోసం దానిని ఉపయోగిస్తారు. ఈ మధ్యకాలంలో ఈ బిజినెస్కి మంచి డిమాండ్ ఏర్పడింది. అసలు ఈ పచ్చి అరటి పిండి అంటే ఏంటి? దానిని ఎలా తయారు చేస్తారు? దానివల్ల కలిగే లాభాలు ఏంటి వంటి విషయాలు ఇప్పుడు తెలుసుకుందాం.
పచ్చి అరటి పిండి తయారీ..
పచ్చి అరటికాయలను పొడి చేసి దీనిని తయారు చేస్తారు. మంచి నాణ్యతగా ఉన్న పచ్చి అరటిపళ్లను ఎంచుకుని వాటిపై తొక్కను తీస్తారు. అనంతరం అరటికాయలను సన్నగా కోసి.. రంగు, నాణ్యత కోసం సోడియం మెటాబైసల్ఫైట్తో బ్లాంచింగ్ చేస్తారు. అనంతరం హీట్ పంప్ డ్రెయర్తో ఎండబెట్టి.. మెత్తగా గ్రైండ్ చేస్తారు. దీనిని ఎక్కువకాలం నిల్వ చేసుకోవచ్చు.
పచ్చి అరటి పిండి వినియోగం..
ఇలా తయారు చేసిన పచ్చి అరటి పౌడర్లో స్టార్చ్ ఎక్కువగా ఉంటుంది. అందుకే దీనిని గోధుమ పిండికి ప్రత్యామ్నాయంగా ఉపయోగిస్తారు. గ్లూటెన్ ఫ్రీ డైట్ ఫాలో అయ్యేవారికి ఇది మంచి ఆప్షన్. అలాగే బేకరీ ఫుడ్స్తో పాటు కాస్మోటెక్, ఫార్మాస్యూటికల్స్లో కూడా ఉపయోగిస్తారు.
పచ్చి అరటి పిండి ఉపయోగాలు..
ప్రపంచ వ్యాప్తంగా బనానా పౌడర్కి మంచి డిమాండ్ ఉంది. ఎక్కువగా పిల్లలకు తినిపిస్తారు. దీనిలో పోషక విలువలు ఎక్కువగా ఉండడంతో పాటు.. సులభంగా జీర్ణమవుతుంది కాబట్టి పిల్లలకు మంచిది. పెద్దలు స్మూతీలు, షేక్లలో తీసుకోవచ్చు. ఇది రోజంతా ఎనర్జీటిక్గా ఉండడంలో హెల్ప్ చేస్తుంది. గ్లూటన్ ఫ్రీ బేకింగ్ ఫుడ్స్ చేసుకోవాలనుకుంటే ఇది బెస్ట్ ఆప్షన్. కేక్లు, మఫిన్, పాన్కేక్లు మంచి రుచిని అందిస్తాయి.
బరువు తగ్గడంలో కూడా ఇది మంచి ఫలితాలు ఇస్తుంది. దీనిలోని స్టార్చ్ ఎక్కువకాలం కడుపు నిండుగా ఉండేలా చేస్తుంది. వర్క్అవుట్ చేసేవాళ్లు ఎనర్జీకోసం దీనిని సప్లిమెంట్గా తీసుకుంటారు. ప్రీ వర్క్అవుట్లో భాగంగా దీనిని తీసుకోవచ్చు.
ఆరోగ్యానికి కలిగే లాభాలు ఇవే..
బనానా పౌడర్లో ఫైబర్ పుష్కలంగా ఉంటుంది. అలాగే స్టార్చ్ ఉంటుంది. ఇది గట్ హెల్త్కి చాలా మేలు చేయడంతో పాటు జీర్ణ సమస్యలను దూరం చేస్తుంది. మలబద్ధకం వంటి సమస్యలు తగ్గుతాయి. గ్లెసెమిక్ ఇండెక్స్ తక్కువగా ఉండడంతో పాటు ఫైబర్ కలిసి బ్లడ్లోని షుగర్ లెవెల్స్ని రెగ్యులేట్ చేస్తాయి. కాబట్టి డయాబెటిస్ ఉండేవారు కూడా దీనిని తమ డైట్లో చేర్చుకోవచ్చు.
కాంప్లెక్స్ కార్బ్స్తో నిండిన బనానా పౌడర్లో పోషకాలు కూడా పుష్కలంగా ఉంటాయి. ఇవి ఎక్కువ కాలం ఎనర్జిటిక్గా ఉండేలా చేస్తాయి. దీనిలోని ప్రోబయోటిక్స్ గట్ హెల్త్ని మెరుగుపరుస్తాయి. పొటాషియం, మెగ్నీషియం పుష్కలంగా ఉంటుంది. కాబట్టి ఇది గుండె ఆరోగ్యానికి కూడా మేలు చేస్తుంది. బీపీని అదుపులో ఉంచుతుంది. కాబట్టి దీనిని రెగ్యులర్గా తీసుకుంటే మంచి ఫలితాలే ఉంటాయి.
ఇన్ని బెనిఫిట్స్ ఉన్నాయి కాబట్టే.. దీనిని దేశ, విదేశాల్లో ఎక్కువగా వినియోగిస్తున్నారు. ప్రస్తుతం ఈ బిజినెస్ ఇండియాలో కూడా బాగా డెవలప్ అవుతుందని చెప్తున్నారు. తక్కువ బడ్జెట్తో బిజినెస్ స్టార్ట్ చేయాలనుకునేవారికి బనానా పౌడర్ బిజినెస్ మంచి లాభాలు తెచ్చే అవకాశముంది.