Benefits of Quitting Sugar : బరువు తగ్గాలని చూస్తున్నారా? కానీ డైట్ చేయడం, జిమ్కి వెళ్లడం కుదరట్లేదా? అయితే మీరు రొటీన్లో ఆ ఒక్క పని చేయడం మానేయండి. దీనివల్ల మీ శారీరకంగా, మానసికంగా ఎన్ని మార్పులు వస్తాయో చూడండి. అలాగే ఆరోగ్యం విషయంలో కూడా మీరు డ్రాస్టిక్ ఛేంజ్ చూస్తారని చెప్తున్నారు నిపుణులు. మీరు ఎంత బిజీగా ఉన్నా చేయగలిగే సింపుల్ ట్రిక్ ఇది. ఇంతకీ ఆ ఒక్కటి ఏంటి? దానితో కలిగే లాభాలు ఏంటో ఇప్పుడు చూద్దాం.
మీరు డైట్ చేయలేకపోయినా.. జిమ్కి వెళ్లకపోయినా.. మీ రొటీన్ నుంచి షుగర్ని ఎలిమినేట్ చేయమంటున్నారు నిపుణులు. దీనివల్ల రక్తంలోని షుగర్ లెవెల్స్ కంట్రోల్ అవ్వడమే కాకుండా.. కొలెస్ట్రాల్ తగ్గుతుంది. గుండె ఆరోగ్యానికి కూడా మంచిది. ఇవే కాకుండా మరెన్నో లాభాలున్నాయి. అదే మీరు జిమ్ చేస్తూ.. డైట్ ఫాలో అవుతూ షుగర్ కంట్రోల్ చేస్తే మీరు వండర్స్ చూడొచ్చు. షుగర్ని కట్ చేయడంలో ఆరోగ్యానికి కలిగే ప్రయోజనాలు ఇవే..
బరువు తగ్గొచ్చు
మీ రొటీన్ నుంచి చక్కెరను తీసేస్తే మీరు బరువు తగ్గడాన్ని ఈజీగా గుర్తిస్తారు. స్థూలకాయం ఉన్నవారు బరువు తగ్గడానికి ప్రయత్నిస్తే షుగర్ని తగ్గిస్తే అద్భుతమైన ఫలితాలుంటాయి. మెటబాలీజం పెరుగుతుంది. షుగర్ని తగ్గిస్తే జీవక్రియ మెరుగవుతుంది. దీనివల్ల మీరు యాక్టివ్గా ఉంటారు. శక్తి పెరుగుతుంది. జీవక్రియ ఎక్కువగా ఉన్నప్పుడు కేలరీ ఆటోమేటిక్గా కరుగుతాయి. దీనివల్ల శరీరంలో చెడు కొలెస్ట్రాల్ పేరుకుపోకుండా ఉంటుంది.
యాంటీ ఏజింగ్..
షుగర్ మానేయడం వల్ల వృద్ధాప్యఛాయలు దూరమవుతాయట. ఇప్పుడు మీరు ఏ వయసులో ఉంటే.. ఆ వయసు కంటే తక్కువగా కనిపిస్తారని చెప్తున్నాయి అధ్యయానాలు. షుగర్ మానేయడం వల్ల పింపుల్స్ తగ్గడంతో పాటు స్కిన్ హెల్త్ మెరుగవుతుంది. మరింత యంగ్గా, ఫ్రెష్గా కనిపిస్తారు.
మధుమేహం కంట్రోల్
షుగర్ని కంట్రోల్ చేయడం వల్ల టైప్ 2 డయాబెటిస్ వచ్చే అవకాశాలు తగ్గుతాయి. అలాగే రక్తంలోని షుగర్ లెవెల్స్ కంట్రోల్లో ఉంటాయి. దీనివల్ల ఫ్యూచర్లో కూడా డయాబెటిస్ వచ్చే ప్రమాదం ఉండదని ఇప్పటికే పలు అధ్యయనాలు నిరూపించాయి.
దంతాల సమస్యలు
స్వీట్స్ తినడం వల్ల షుగర్ తీసుకోవడం వల్ల దంతాల ఆరోగ్యం మెరుగవుతుంది. టీత్, గమ్స్ రిలేటడ్ సమస్యలు రావు. ముఖ్యంగా పన్ను పుచ్చిపోవడం వంటివి జరగవు. హెల్తీ ఓరల్ హెల్త్ మీ సొంతమవుతుంది.
మానసిక ప్రయోజనాలు కూడా..
పనిపై ఫోకస్ పెరుగుతుంది. కాన్సంట్రేట్తో వర్క్ చేస్తారు. మెంటల్ క్లారిటీ వస్తుంది. యాంగ్జైటీ, డిప్రెషన్ తగ్గుతాయి. షుగర్ క్రేవింగ్స్ కంట్రోల్ చేసుకోవడం వల్ల కాన్ఫిడెన్స్ కూడా పెరుగుతుంది. ఒత్తిడి తగ్గడం వల్ల నిద్ర నాణ్యత పెరుగుతుందని చెప్తున్నారు నిపుణులు.
మరెన్నో బెనిఫిట్స్
షుగర్ని మీ డైట్ నుంచి తీసేస్తే మెరుగైన జీర్ణక్రియ మీ సొంతమవుతుంది. అంతేకాకుండా రోగనిరోధక శక్తి కూడా పెరుగుతుంది. శరీరానికి ఫుడ్ ద్వారా తీసుకునే పోషకాలు అందుతాయి. అందుకే మీరు డైట్ చేయకపోయినా, ఫిట్నెస్ రోటీన్ ఫాలో అవ్వకపోయినా ఈ ఒక్క మార్పు చేసి చూడమంటున్నారు నిపుణులు.