Morning Jogging Benefits : మార్నింగ్ జాగింగ్ చేయడం వల్ల గుండె ఆరోగ్యంతో పాటు పలు బెనిపిట్స్ పొందవచ్చని చెప్తున్నారు నిపుణులు. మెటబాలీజం పెంచి బరువు తగ్గించడంలో హెల్ప్ చేయడంతో పాటు.. మానసికంగా కూడా ఆరోగ్య ప్రయోజనాలు అందిస్తుందని చెప్తున్నారు. మరి జాగింగ్ చేయడం వల్ల కలిగే లాభాలు ఏంటి? తీసుకోవాల్సిన జాగ్రత్తలు ఏంటి వంటి విషయాలు ఇప్పుడు తెలుసుకుందాం.
గుండె ఆరోగ్యానికై..
రెగ్యులర్గా జాగింగ్ చేయడం వల్ల గుండె ఆరోగ్యం మెరుగుపడుతుంది. అంతేకాకుండా హార్ట్ ఎటాక్ వంటి సమస్యలను దూరం చేసుకోవాలనుకుంటే దీనిని రోజూ చేయాలని చెప్తున్నారు. జాగింగ్ చేయడం వల్ల హార్ట్ వేగంగా కొట్టుకుంటుంది. దానివల్ల బ్లడ్ సర్కులేషన్ మెరుగుపడి.. గుండె ఆరోగ్యానికి మేలు జరుగుతుంది.
మానసిక ఆరోగ్యం
జాగింగ్ చేయడం వల్ల ఎండార్ఫిన్స్ విడుదల అవుతాయి. ఇవి బ్రెయిన్కి సంబంధించి ఫీల్ గుడ్ కెమికల్స్. ఇవి విడుదల కావడం వల్ల ఒత్తిడి, యాంగ్జైటీ తగ్గి డిప్రెషన్ దూరమవుతుంది. అలాగే పనిపై ఫోకస్ పెరిగి.. మెంటల్ క్లారిటీ ఉంటుంది.
బరువు తగ్గడానికై..
ఉదయాన్నే జాగింగ్ చేయడం వల్ల మెటబాలీజం పెరుగుతుంది. దీనివల్ల శరీరంలో ఎక్కువ కేలరీలు తగ్గుతాయి. మీరు కూర్చొన్నా కూడా కేలరీలు తగ్గే అవకాశం ఎక్కువగా ఉంటుంది కాబట్టి బరువు తగ్గడం సులభం అవుతుంది. ఫ్యాట్ కరిగిపోతుంది.
నిద్ర
ఉదయాన్నే రెగ్యులర్గా వ్యాయామం చేయడం లేదా జాగింగ్ చేయడం వల్ల రాత్రి నిద్ర మెరుగవుతుంది. శరీరానికి కావాల్సిన రెస్ట్ ఇవ్వగలుగుతారు. నిద్ర నాణ్యత కూడా మీ పూర్తి ఆరోగ్యానికి మేలు చేస్తుంది.
కండర బలం
జాగింగ్ చేయడం వల్ల కండరాలు బలంగా మారుతాయి. ఫ్లెక్సీబులిటీ పెరుగుతుంది. బోన్ డెన్సిటీ కూడా మెరుగవుతుంది. అలాగే కండరాలకు, బోన్స్కి సంబంధించిన వ్యాధులు తగ్గుతాయి.
ఊపిరితిత్తులకై..
జాగింగ్ చేయడం వల్ల ఊపిరితిత్తుల ఆరోగ్యం కూడా మెరుగవుతుంది. లంగ్స్ని స్ట్రాంగ్గా చేసి.. హెల్తీగా ఉంచడంలో హెల్ప్ చేస్తుంది.
తీసుకోవాల్సి జాగ్రత్తలు
జాగింగ్ చేసేప్పుడు ఎలాంటి గాయాలు కాకుండా ఉండాలంటే.. ముందుగా వార్మ్అప్ చేయాలి. స్ట్రెచ్లు చేసినప్పుడు కండరాలు పట్టేయకుండా జాగింగ్ చేసేప్పుడు కాస్త ఫ్రీ అవుతుంది. అంతేకాకుండా జాగింగ్ చేసేముందు కాస్త నీరు తాగితే మంచిది. హైడ్రేషన్ చాలా ముఖ్యం. రన్నింగ్ షూలు కూడా మంచివి ఎంచుకోవాలి. అలాగే పార్క్ వంటి ప్రదేశాల్లో చేస్తే మంచిది. తక్కువ దూరం గోల్స్ పెట్టుకుని.. క్రమంగా వాటిని పెంచుకుంటూ జాగింగ్ చేస్తే మంచిది.