Kobbari Junnu: జున్నుపాలు అవసరమే లేని జున్ను రెసిపీ, కుక్కర్లో ఇలా వండేయచ్చు

జున్నంటే ఇష్టమా? అయితే ఓసారి కొబ్బరి జున్నును ప్రయత్నించండి.

జున్ను తినాలంటే జున్ను పాల కోసం వేచి ఉండాల్సిందే. కానీ జున్ను పాలు అవసరం లేకుండా కూడా జున్నును తయారుచేసుకోవచ్చు. అది కూడా చాలా రుచిగా. ఎప్పుడు కావాలంటే అప్పుడు ఈ జున్నును తయారుచేసుకోవచ్చు. దీన్ని కొబ్బరి జున్ను అంటారు. ఆంధ్రాలో ఇది స్పెషల్ వంటకం. వండడం పెద్ద కష్టమేం కాదు, చాలా సులువు. ఓసారి చేసుకుని చూడండి. మళ్లీ మళ్లీ మీరే వండుకుని తింటారు. 

కావాల్సిన పదార్థాలుబియ్యం - పావు కిలోకొబ్బరి ముక్కలు - ఒక కప్పుబెల్లం - పావు కిలోపంచదార - వందగ్రాములునీళ్లు - ఒక గ్లాసుఉప్పు - అరస్పూనుయాలకుల పొడి - ఒక స్పూనునెయ్యి - అర స్పూనుమిరియాల పొడి - అర స్పూను

తయారీ ఇలా1. బియ్యాన్ని ఒక గిన్నెలో వేసి మూడు నుంచి నాలుగ్గంటలు నానబెట్టుకోవాలి.2. ఆ బియ్యాన్ని మిక్సీలో వేసి మెత్తగా రుబ్బుకోవాలి. 3. ఇప్పుడు కొబ్బరి ముక్కల్ని కూడా మిక్సిలో వేసి మెత్తగా రుబ్బుకోవాలి. 4. ఆ కొబ్బరి మిశ్రమాన్ని బియ్యం రుబ్బులో వేసి బాగా కలపాలి. 5. కాస్త ఉప్పు, యాలకుల పొడి కూడా వేసి కలిపి పక్కన పెట్టుకోవాలి. 6. ఇప్పుడు స్టవ్ మీద కళాయి పెట్టి బెల్లం, పంచదార నీళ్లు వేసి పాకం తీయాలి. 7. ఆ పాకాన్ని చల్లార్చి బియ్యం, కొబ్బరి రుబ్బులో వేసి బాగా కలపాలి. 8. ఒక గిన్నె అడుగుభాగానికి నెయ్యి రాసి అందులో ఈ మొత్తం మిశ్రమాన్ని పోయాలి. పైన మిరియాల పొడి చల్లాలి. 9. ఇప్పుడు కుక్కర్లో అడుగున నీళ్లు వేసి ఈ గిన్నెను దించాలి. గిన్నెపై మూత పెట్టాలి. తరువాత కుక్కర్ పై కూడా మూత పెళ్లి ఆరు విజిల్స్ దాకా ఉడికించాలి. 10. ఆ తరువాత కుక్కర్ మూత తీసి చల్లార్చాలి. 11. ముక్కలు కోసి సర్వ్ చేస్తే కొబ్బరి జున్ను రెడీ. దీన్ని రుచి అదిరిపోతుంది. అసలు జున్ను కన్నా ఇదే చాలా బావుంటుంది. 

దీనిలో పచ్చి కొబ్బరిలో ఎన్నో ఆరోగ్య ప్రయోజనాలున్నాయి. దీనిలో మానవ శరీరానికి అవసరమైన కొవ్వులు, ఖనిజాలు, విటమిన్లు,యాంటీ ఆక్సిడెంట్లు అధికంగా ఉంటాయి. పచ్చి కొబ్బరి ముక్కలు తిన్నాక పొట్ట నిండిన ఫీలింగ్ కలుగుతుంది.దీన్ని తరచూ తింటే కండరాలు బలంగా మారతాయి. పచ్చి కొబ్బరిలో యాంటీ వైరస్, యాంటీ బ్యాక్టిరియల్ లక్షణాలు కూడా అధికం. అలాగే యాంటీ ఫంగల్ గుణాలు కూడా పుష్కలం. వారానికోసారైనా పచ్చి కొబ్బరిని తినడం వల్ల రోగనిరోధక శక్తి పెరగుతుంది. వైరల్ ఫీవర్లు, సీజనల్ వ్యాధులతో పోరాడే శక్తిని పచ్చి కొబ్బరి ఇస్తుంది. కొబ్బరిని వండుకునే తినాలని లేదు, పచ్చి కొబ్బరి ముక్కలు తిన్నా చాలు. కావాల్సిన విటమిన్లు, ఖనిజాలు శరీరానికి అందుతాయి. పచ్చి కొబ్బరిలో ప్రొటీన్లు పుష్కలంగా ఉంటాయి. కాబట్టి పచ్చి కొబ్బరిని వంటల్లో భాగం చేసుకుంటే మంచిది.