మన సినీ తారలు తమ ఫిజిక్ పెర్ఫెక్ట్ గా మైంటైన్ చేస్తుంటారు. పెళ్లైన హీరోయిన్లు సైతం ఎంతో స్లిమ్ గా కనిపిస్తూ ఆశ్చర్యపరుస్తున్నారు. అసలు వాళ్లు తమ గ్లామర్ ని ఎలా కాపాడుకోగలుగుతున్నారు..? వాళ్లు రోజూ ఏం తింటారో తెలుసుకోవాలనే ఆసక్తి అందరిలో ఉంటుంది. ముఖ్యంగా కాజల్ లాంటి స్టార్ హీరోయిన్లు పదిహేనేళ్లుగా అదే ఫిజిక్, గ్లామర్ ను ఎలా మైంటైన్ చేస్తున్నారనే ఉత్సుకత చాలా మందిలో ఉంటుంది.
అయితే ఇప్పుడు ఆమె డైట్ సీక్రెట్ ఏంటో తెలిసిపోయింది. మీక్కూడా అలాంటి ఫిజిక్ కావాలంటే ఆమె డైట్ ప్లాన్ ను ఫాలో అయిపోవచ్చు. కాజల్ రోజూ పొద్దున్నే ఓ గుడ్డు తింటుంది. ఆ తరువాత గంట గ్యాప్ ఇచ్చి ఏదోక కర్రీతో చేసిన జొన్న రొట్టెలు తింటుంది. ఆ తరువాత లంచ్ కు 2 గంటల ముందుకు ఏదైనా ఒక ఫ్రూట్ తింటుంది. ఇక మధ్యాహ్న భోజనంలో భాగంగా పప్పు, అన్నం, కూరగాయలు తింటుంది.
సాయంత్రం ఏదైనా టోస్ట్ లేదా శాండ్ విచ్ తింటుంది. ఇక డిన్నర్ లో మధ్యాహ్నం తిన్న భోజనమే మళ్లీ రిపీట్ చేస్తుంది. రోజంతా మధ్యమధ్యలో ప్రోటీన్ షేక్ లేదా కొబ్బరి నీళ్లు తాగుతుంది. వీటికి అదనంగా పొద్దున్న, సాయంత్రం ఎర్ల్-గ్రే టీ తాగుతుంది. కాజల్ పూర్తి శాఖాహారి కాబట్టి ఆమె ప్రోటీన్ షేక్స్ కు ఎక్కువ ప్రాధాన్యం ఇస్తుంది.
తనకు రాజ్మా చావల్, పన్నీర్, తన తల్లి చేసే పరాఠాలు ఇష్టమని గతంలో కాజల్ చెప్పుకొచ్చింది. ఆంధ్రా వంటకాలు కూడా ఇష్టమని చెబుతోంది. ప్రతిరోజూ తన మెనూలో ఫైబర్, కార్బోహైడ్రేట్స్, ప్రోటీన్లు ఉండేలా జాగ్రత్త పడుతుంటుంది. ఇక వీటితో పాటు జిమ్ లో వర్కవుట్లు, యోగా చేస్తుంటుంది. రోజుకి కనీసం రెండు గంటలైనా వ్యాయామాల కోసం సమయం కేటాయిస్తుంది. ఇక ఆమె బ్యూటీ సీక్రెట్స్ విషయానికొస్తే.. ఐఎస్ అనే బ్రాండ్ కి చెందిన సౌందర్య ఉత్పత్తుల్ని మాత్రమే ఆమె వాడుతుందట.
ఇక ఆమె కెరీర్ విషయానికొస్తే లాక్ డౌన్ సమయంలో అందరి దృష్టి ఓటీటీలపై పడింది. అందుకే కాజల్ కూడా వెబ్ సిరీస్ లపై దృష్టి పెట్టింది. కొంతకాలం క్రితం 'లైవ్ టెలికాస్ట్' అనే వెబ్ సిరీస్ తో ప్రేక్షకుల ముందుకు వచ్చింది. కానీ సరైన రిజల్ట్ ను అందుకోలేకపోయింది. ప్రస్తుతం కాజల్ తెలుగులో 'ఆచార్య' సినిమా చేస్తోంది. అలానే బాలీవుడ్ లో 'ఉమా' అనే లేడీ ఓరియెంటెడ్ సినిమా చేస్తోంది. దీన్ని తథగత సింగ అనే దర్శకుడు రూపొందిస్తున్నాడు.