Gas Booking Trouble in Hyderabad : హైదరాబాద్లో గ్యాస్ కష్టాలు.. పనిచేయని యాప్స్, బుకింగ్స్ కాకపోవడంతో పెరుగుతోన్న ఆందోళనదేశవ్యాప్తంగా ఉన్న LPG సంక్షోభం ఇప్పుడు తెలుగు రాష్ట్రాలను కూడా తాకింది. ముఖ్యంగా హైదరాబాద్లో గ్యాస్ బుక్ చేసుకునేందుకు తెగ కష్టపడాల్సి వస్తుంది. యాప్స్, గవర్నమెంట్ వెబ్సైట్స్ కూడా పనిచేయకపోవడంతో అందరిలోనూ కాస్త ఆందోళన పెరిగింది. ఇప్పటికే భాగ్యనగరంలో కొన్ని హోటల్స్ మూసేస్తున్నారు. మరికొందరు ఆన్లైన్ సర్వీస్లు ఆపేశారు. హాస్టల్స్లో పరిమిత మెనూ తీసుకొచ్చారు. అయితే ఇప్పుడు ఇంట్లో వండుకునేవారికి కూడా ఈ సమస్య తాకింది.
ఇరాన్ - ఇజ్రాయిల్ యుద్ధం నేపథ్యంలో గ్యాస్ కొరత వచ్చింది. ఈ నేపథ్యంలో యుద్ధంతో సంబంధం లేకపోయినా.. పలు దేశాలు ఎఫెక్ట్ అవుతున్నాయి. ఇప్పుడు ఇండియాపై కూడా ఈ యుద్ధం ఎఫెక్ట్ గట్టిగానే పడుతుంది. మొదట్లో ఇది కమర్షియల్ పర్పస్ మాత్రమే ఉంటుంది అనుకున్నారు. కానీ ఇప్పుడు వరస్ట్ కేస్లో డొమెస్టిక్పై కూడా పడడంతో ప్రజల్లో ఆందోళన ఎక్కువైంది.
గ్యాస్ బుకింగ్ కష్టాలు
ముఖ్యంగా హైదరాబాద్లో గ్యాస్ బుకింగ్ చేసుకునేందుకు ట్రై చేసినా.. యాప్స్ పనిచేయకపోవడం, వెబ్ సైట్ లోడ్ అవ్వకపోవడం, డీలర్స్ రెస్పాండ్ అవ్వకపోవడమే ఎక్కువగా ఉంది. దీంతో చాలామందిలో నిరాశ పెరుగుతుంది. ఊర్లలో ఉండేవారికి ఇది పెద్ద ఎఫెక్ట్ చూపించకపోయినా.. ప్రధాన నగరాల్లో ఉండేవారిపై ఈ గ్యాస్ కొరత ఎఫెక్ట్ గట్టిగానే ఉంది. దీంతో గ్యాస్ లేకుండా లేదా తక్కువ ఖర్చుతో ఎలా వంటలు చేసుకునే పద్ధతులు తెలుసుకుంటున్నారు.
Also Read : గ్యాస్ లేకున్నా వంట చేయొచ్చు.. ఇండక్షన్ మాత్రమే కాదు ఈ ప్రత్యామ్నాయాలు కూడా హెల్ప్ చేస్తాయి
మరో రెండు నెలలు తప్పదా?
ఈ గ్యాస్ కష్టాలు రాబోయే రెండు నెలల పాటు కొనసాగుతుందని భావిస్తున్నారు. ఈ పరిస్థితిని గట్టెక్కించేందుకు మోదీ ప్రభుత్వం కూడా గట్టిగానే ప్రయత్నిస్తుంది. తాజాగా రిలయన్స్ ఇండస్ట్రీస్ కూడా దేశవ్యాప్తంగా వంటగ్యాస్ సరఫరా అంతరాయం కలగకుండా చర్యలు తీసుకుంటామని ప్రకటించింది. మరి త్వరలోనే ఈ సమస్యకు పరిష్కారం దొరుకుతుందేమో చూడాలి.
గ్యాస్ సరఫరాలో అంతరాయం ఉంటే.. ఇండక్షన్ స్టవ్, ఎలక్ట్రిక్ రైస్ కుక్కర్, మైక్రోవేవ్ వంటి ప్రత్యామ్నాయాలను ఉపయోగించడం ద్వారా తాత్కాలికంగా వంట సమస్యను ఎదుర్కొవచ్చని నిపుణులు సూచిస్తున్నారు.