Cholesterol Diet : కొలెస్ట్రాల్ ఉంటే ఫుడ్ కంట్రోల్ చేసి.. పచ్చి ఆకుకూరలు, పండ్లు ఎక్కువగా తీసుకుంటూ నోరు కట్టేసుకుంటారు. ఇవి ఆరోగ్యానికి మంచి చేస్తాయి. అయితే కేవలం ఇవే కాకుండా ఇండియన్ ఫుడ్.. ముఖ్యంగా ఇంట్లో చేసుకునే కొన్ని బ్రేక్ఫాస్ట్లు కూడా అధిక కొలెస్ట్రాల్కు ఔషదంలా పని చేస్తాయట. వాటిని ఉదయాన్నే బ్రేక్ఫాస్ట్గా తీసుకుంటే డబుల్ బెనిఫిట్స్ పొందవచ్చు అంటున్నారు నిపుణులు.
అధి కొలెస్ట్రాల్ వంటి తీవ్రమైన వ్యాధులను ఎదుర్కోవడానికి మందులు మాత్రమే కాకుండా.. ఇంట్లో తయారు చేసుకోగలిగే టేస్టీ, హెల్తీ ఫుడ్ కూడా మంచి హెల్ప్ చేస్తుంది అంటోంది ఆయుర్వేదం. కొలెస్ట్రాల్ స్థాయిలు తగ్గించుకోవడానికి సరైన ఆహారం తీసుకోవడం చాలా అవసరం. ముఖ్యంగా ఉదయాన్నే తీసుకునే విషయంలో చాలా జాగ్రత్తలు తీసుకోవాలి. ఇది మీ మొత్తం ఆరోగ్యంపై ఎఫెక్ట్ చూపిస్తుందట. కాబట్టి వారు తీసుకునే బ్రేక్ఫాస్ట్లో కచ్చితంగా శరీరానికి అవసరమైన పోషకాలు ఉండాలి.
ఇంట్లో చేసుకునే అనేక వంటకాల్లో పోషకాలు కలిగిన ఫుడ్స్ ఎన్నో ఉన్నాయి. ఇవి పోషకాలను మాత్రమే కలిగి ఉండకుండా మంచి రుచిని కూడా మనకి అందిస్తాయి. కొలెస్ట్రాల్ వంటి వ్యాధులను కంట్రోల్ చేయడంలో ఎలాంటి బ్రేక్ఫాస్ట్లను డైట్లో చేర్చుకోవచ్చో.. అవి ఏవిధంగా కొలెస్ట్రాల్ స్థాయిలను కంట్రోల్ చేస్తాయో ఇప్పుడు తెలుసుకుందాం.
ఉప్మా..
ఉప్మా అంటే చాలామంది అబ్బా వద్దు అనేవాళ్లు చాలామంది ఉంటారు. కానీ ఇదో రుచికరమైన, హెల్తీ బ్రేక్ఫాస్ట్ అని వారికి తెలియదు. ఎందుకంటే ఉప్మాలో ఫైబర్, విటమిన్లు, హెల్తీ ఫ్యాట్స్ పుష్కలంగా ఉంటాయి. ఇవే కాకుండా దీనిలోని ఇతర పోషకాలు అధిక కొలెస్ట్రాల్ స్థాయిలను తగ్గించడంలో హెల్ప్ చేస్తాయి. కాబట్టి వారంలో ఒకటి లేదా రెండుసార్లు అయినా దీనిని మీరు తీసుకోవచ్చు.
అటుకుల పోహా
అధిక కొలెస్ట్రాల్ ఉన్నవారికి అటుకుల పోహా అనేది మంచి బ్రేక్ఫాస్ట్ అంటున్నారు నిపుణులు. పోహాలోని ఫైబర్ అధిక కొలెస్ట్రాల్ను కంట్రోల్ చేయడంలో హెల్ప్ చేస్తుంది. అంతేకాకుండా మలబద్ధకం తగ్గిస్తుంది. దీనిని కూడా మీరు వారంలో రెండుసార్లు హ్యాపీగా తీసుకోవచ్చు.
ఇడ్లీ సాంబార్
బ్రేక్ఫాస్ట్ కాంబినేషన్ అంటే గుర్తొచ్చేది ఇడ్లీ సాంబార్. ఇది మీకు మంచి రుచిని అందించడమే కాకుండా ఆరోగ్యకరంగా ఉండేందుకు హెల్తీ ఎంపిక కూడా. అధిక కొలెస్ట్రాల్ను తగ్గించుకోవాలనుకునేవారు ఈ బ్రేక్ఫాస్ట్ను మీ డైట్లో యాడ్ చేసుకోవచ్చు. సాంబార్లో పప్పు, కూరగాయలు, సహజమైన మసాలా దినుసులను ఉపయోగించి తయారు చేస్తారు. ఇవి అధిక కొలెస్ట్రాల్ను తగ్గించడంలో సహాయం చేస్తాయి. ఇదే కాకుండా ఇడ్లీలు కూడా బాగా కొలెస్ట్రాల్ తగ్గడంలో హెల్ప్ చేస్తాయి.
కాబట్టి కొలెస్ట్రాల్ సమస్యలతో ఇబ్బంది పడేవారు ఉదయాన్నే మంచి హెల్తీ బ్రేక్ఫాస్ట్తో రోజును ప్రారంభించండి. ఇవి మంచివే కదా బయటకెళ్లి తినడం కాకుండా ఇంట్లోనే తయారు చేసుకుని తింటే సమస్య కంట్రోల్లో ఉంటుంది. అంతేకాకుండా ఏది తీసుకున్నా దానిని లిమిట్గా తీసుకోవాలి. అప్పుడే మంచి ఫలితాలు పొందుతారు.
Also Read : తెలంగాణ స్పెషల్ కొబ్బరి వడ.. టేస్టీగా చేసుకోగలిగే ఈజీ రెసిపీ