Ectopic Pregnancy Risks : ఎక్టోపిక్ ప్రెగ్నెన్సీతో ప్రాణాలు పోతాయా అంటే కచ్చితంగా అని చెప్తున్నారు నిపుణులు. దీనివల్ల గర్భంతో ఉన్న మహిళ జీవనం ప్రమాదకరంగా మారుతుందని చెప్తున్నారు. అసలు ఈ ఎక్టోపిక్ ప్రెగ్నెన్సీ అంటే ఏంటి? ఇది ఎందుకు ప్రమాదకరం? దీనికి చికిత్స ఉందా? వైద్యులు ఇచ్చే సూచలు, తీసుకోవాల్సిన జాగ్రత్తలు ఏంటో ఇప్పుడు తెలుసుకుందాం.
ఎక్టోపిక్ ప్రెగ్నెన్సీ
ప్రెగ్నెన్సీ సమయంలో బేబీ కడుపులో కాకుండా.. ట్యూబ్లో పెరుగుతుంది. ఇలా లోపలి పిండం ఫాలోపియన్ ట్యూబ్లో ఏర్పడడాన్ని ఎక్టోపిక్ ప్రెగ్నెన్సీ అంటారు. ఈ ట్యూబ్లో పిండం పెరగలేకపోవడం వల్ల ఆ ట్యూబ్ చీలిపోయే ప్రమాదం ఉంది. దీనివల్ల రక్తస్రావం అంతర్గతంగా జరుగుతుంది. ప్రెగ్నెన్సీలో ఉన్న యువతి షాక్లోకి వెళ్లిపోయి.. మరణానికి దారి తీసే ప్రమాదం చాలా ఎక్కువగా ఉంటుంది.
ఎక్టోపిక్ ప్రెగ్నెన్సీ లక్షణాలు..
పీరియడ్ స్కిప్ అవ్వడం, ప్రెగ్నెన్సీ టెస్ట్లో పాజిటివ్ రావడంతో పాటు.. కడుపులో లేదా పెల్విక్లో ఒకవైపు షార్ప్గా గుచ్చుకున్నట్టు, పొడుస్తున్నట్లు అనిపిస్తుందట. బ్లీడింగ్ రెగ్యులర్గా కంటే ఎక్కువగా అవుతుంది. బ్లీడింగ్ ఎక్కువగా అవ్వడం వల్ల భుజాల దగ్గర నొప్పి రావడం, కళ్లు తిరిగి పడిపోవడం, బీపీ తగ్గడం, షాక్లోకి వెళ్లడం వంటి లక్షణాలు ఉంటాయి. ఈ లక్షణాలు ఉంటే వెంటనే ఆలస్యం చేయకుండా వైద్య సహాయం తీసుకోవాలట.. లేకుంటే ప్రాణాపాయం తప్పదని అంటున్నారు. అయితే ఈ ఎక్టోపిక్ ప్రెగ్నెన్సీ తర్వాత కూడా సాధారణ ప్రెగ్నెన్సీ కూడా పొందవచ్చని చెప్తున్నారు నిపుణులు.
పెళ్లికానీ యువతుల్లో..
ప్రస్తుతం ఈ తరహా కేసులు పెళ్లికానీ యువతుల్లో ఎక్కువగా వస్తున్నాయని.. గైనకాలజిస్ట్ డాక్టర్ శిల్పి రెడ్డి తెలిపారు. అర్థరాత్రుళ్లు హాస్పటల్కి వస్తారని.. అప్పటికే రెండు లీటర్ల రక్తస్రావం అవుతుందని.. యువతి షాక్లోకి వెళ్లిపోయి ఉంటుందని.. ఈ పరిస్థితి చాలా ప్రమాదమని తెలిపారు. ఇదంతా సేఫ్టీ లేకుండా లైంగికంగా పాల్గొనడం, ప్రెగ్నెన్సీ యూట్రస్లో ట్యూబ్లో రావడం.. ఒకవేళ ట్యూబ్లో ప్రెగ్నెన్సీ వస్తే అది పగిలితే రెండు లీటర్ల రక్తం పోయి షాక్లోకి వెళ్లి.. చికిత్స అందించకుంటే అది మరణానికి దారితీస్తుందని ఓ ఇంటర్వ్యూలో తెలిపారు.
ఎక్టోపిక్ ప్రెగ్నెన్సీ చికిత్స
ఈ తరహా ప్రెగ్నెన్సీ ముందుగానే గుర్తిస్తే వెంటనే వైద్య సహాయం తీసుకోవాలని సూచిస్తున్నారు నిపుణులు. ఎక్టోపిక్ ప్రెగ్నెన్సీని ఎంత త్వరగా గుర్తిస్తే అంత త్వరగా చికిత్స చేసి ప్రాణాన్ని కాపాడవచ్చని చెప్తున్నారు. ఇలా ట్యూబ్లో పిండం పెరగడానకి ఎన్నో కారణాలు ఉంటాయని.. అందుకే ప్రెగ్నెన్సీ ప్లాన్ చేస్తున్నప్పుడు లేదా మీరు ప్రెగ్నెంట్ అని డౌట్ వచ్చినప్పుడు వెంటనే వైద్యుల దగ్గరికి వెళ్లి పరిస్థితిని చెక్ చేయించుకోవాలని చెప్తున్నారు.
రాత్రి పడుకుంటే ఉదయానికి లేవకపోవచ్చు
యూత్ తమ రెస్పాన్స్బులిటీ వారు తీసుకోవాలని.. లేకుంటే ఫ్యూచర్లో చాలా ఆరోగ్య సమస్యలు ఎదుర్కోవాల్సి వస్తుందని శిల్పి రెడ్డి సూచిస్తున్నారు. లైంగిక సమస్యలు అంటే కేవలం ఎస్టీడీలు, హెచ్ఐవీలే అనుకుంటారని.. వాటిని మించిన సమస్యలు కూడా వస్తూ ఉంటాయని.. వీటిపట్ల యువత కచ్చితంగా అవగాహన కలిగి ఉండాలని సూచించారు. ముఖ్యంగా అమ్మాయిలు ఈ విషయంలో చాలా జాగ్రత్తలు తీసుకోవాలని తెలిపారు. ఎందుకంటే ఎక్టోపిక్ ప్రెగ్నెన్సీ అని తెలియక.. కడుపు నొప్పి అనుకుని రాత్రి పడుకుంటే ఉదయమయ్యే సరికి శవంగా మారినా ఆశ్చర్యపోనవసరం లేదంటూ షాకింగ్ విషయాలు తెలిపారు.
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్ను సంప్రదించాలి. ఈ ఆర్టికల్లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్వర్క్’ ఎటువంటి బాధ్యత వహించవని గమనించగలరు.