Weight Loss Rules : ఈ ఏడాది ముగిసేలోపు బరువు తగ్గాలనేది మీ గోల్ అయితే.. కచ్చితంగా మీరు 9–1 రూల్ ఫాలో అయిపోండి. సింపుల్​గా ఫాలో అవ్వగలిగే ఈ రొటీన్ మీరు బరువు తగ్గడంలో వండర్స్ క్రియేట్ చేస్తుంది. అంతేకాకుండా ఈ రూల్ ఫాలో అయితే మీపై బరువు గురించిన ప్రెజర్ కూడా తగ్గుతుంది. యాక్టివ్​గా ఉండడంతో పాటు ప్రొడెక్టివ్​గా ఉంటారు. ఇంతకీ ఈ 9–1 రూల్ ఏంటో.. దానివల్ల కలిగే లాభాలు ఏంటో చూసేద్దాం. 

Continues below advertisement

9 వాకింగ్ కోసం.. 

రోజుకు 9000 అడుగులు వేసేలా చూసుకోండి. అంటే రోజూ ఉదయం లేదా సాయంత్రం.. లేదా ఉదయం 4,500.. సాయంత్రం 4,500 అడుగులు నడవండి. దీనివల్ల శరీరంలో కేలరీలు బర్న్ అవుతాయి. మెటబాలీజం పెరుగుతుంది. యాక్టివ్​గా ఉంటారు. బరువు తగ్గుతారు. 

8 హైడ్రేషన్ కోసం

రోజుకు 8 గ్లాసుల నీటిని తాగాల్సి ఉంది. దీనివల్ల హైడ్రేటెడ్​గా ఉంటారు. కార్బ్స్ క్రేవింగ్స్ తగ్గుతాయి. ఫుడ్ కంట్రోల్ అవుతుంది. అలాగే డీహైడ్రేషన్ బరువు తగ్గడాన్ని ఆలస్యం చేస్తుంది. హైడ్రేటెడ్​గా ఉంటే బరువు తగ్గే అవకాశం ఎక్కువగా ఉంటుంది. 

Continues below advertisement

7 నిద్ర కోసం

రోజుకు కనీసం 7 గంటలు నిద్ర ఉండేలా చూసుకోండి. చాలామంది నిద్ర విషయంలో రాజీపడతారు కానీ.. తక్కువ నిద్ర వల్ల ఊబకాయం వస్తుంది. అలాగే ఆరోగ్యానికి ఎన్నో సమస్యలు వస్తాయి. బరువు తగ్గడం కష్టమవుతుంది. కాబట్టి కనీసం 7 గంటలు పడుకోండి. దీనివల్ల హార్మోన్స్ బ్యాలెన్స్ అవ్వడం, శరీరం రికవరీ అవ్వడంతో పాటు బరువు తగ్గుతారు. 

6 మెడిటేషన్

రోజుకు కనీసం ఆరు నిమిషాలు మెడిటేషన్ చేయండి. డీప్ బ్రీతింగ్ తీసుకోవడం, శ్వాస మీద ధ్యాస పెట్టడం వల్ల ఒత్తిడి తగ్గుతుంది. అంతేకాకుండా స్ట్రెస్ వల్ల వచ్చే ఫుడ్ క్రేవింగ్స్ కూడా తగ్గుతాయి. దీనివల్ల బరువు అదుపులో ఉంటుంది. 

5 ఫుడ్ కోసం..

కచ్చితంగా మీరు తీసుకునే రోజూవారీ డైట్​లో ఫ్రూట్స్, కూరగాయలు కనీసం 5 ఉండేలా చూసుకోండి. అంటే క్యారెట్, బీన్స్, బీట్​రూట్ సలాడ్స్​గా మూడు తీసుకుంటే యాపిల్, అవకాడోతో కలిపి 5 అవుతాయి అనమాట. వీటిని తీసుకోవడం వల్ల శరీరానికి ఫైబర్, విటమిన్స్ అందుతాయి. ఇవి కడుపు నిండుగా చేసి లోపలి నుంచి పోషణ అందిస్తాయి. అనవసరమైన ఫుడ్ క్రేవింగ్స్ తగ్గుతాయి. 

4 బ్రేక్ కోసం.. 

మీరు ఏపని చేసినా.. దానినుంచి కనీసం నాలుగుసార్లు బ్రేక్ తీసుకోండి. అంటే వర్క్ చేసినప్పుడు బ్రేక్ తీసుకుని వాక్ చేయండి. రీల్స్ చూస్తున్నప్పుడు బ్రేక్ తీసుకుని కాసేపు బయట కూర్చోండి. ఇలా ఏ పని చేసినా.. చిన్న చిన్న బ్రేక్స్ తీసుకండి. రిలాక్స్ అవ్వండి. దీనివల్ల మీరు కాస్త డైవర్ట్ అవుతారు. అలాగే మెటబాలీజం కూడా పెరుగుతుంది. జీవక్రియ పెరిగితే బరువు తగ్గుతారు. 

3 మీల్స్ కోసం.. 

రోజుకు మూడు సార్లు తినాలి. అలాగే మధ్యలో మూడుసార్లు స్నాక్స్ ప్లాన్ చేసుకోవాలి. సమతుల్యమైన ఆహారం తీసుకోవాలి. ఎక్కువ ఫుడ్ తీసుకోకూడదు. బరువు తగ్గడంలో, ఫిట్​గా ఉండడంలో ఫుడ్ కీలకపాత్ర పోషిస్తుంది. 

2 ఫుడ్స్ అవాయిడ్ చేయండి.. 

ప్రాసెస్ చేసినా, ఫ్యాట్ ఎక్కువగా ఉండే ఆహారాలకు దూరంగా ఉండాలి. ఇవి జీర్ణ సమస్యలు పెంచుతాయి. అలాగే శరీరంలో కొవ్వు పేరుకుపోయేలా చేస్తాయి. కాబట్టి వీలైనంతవరకు వాటికి దూరంగా ఉండండి. అప్పుడు బరువు కంట్రోల్ అవుతుంది. 

1 యాక్టివిటీ.. 

రోజుకు కనీసం ఏదొక యాక్టివిటీ చేయండి. అది ఎలా ఉండాలంటే ఎక్స్​ట్రా కేలరీలు బర్న్ చేసేదై ఉండాలి. ఎంజాయ్ చేస్తూ బరువు తగ్గేలా ఉండాలి. దీనికోసం డ్యాన్స్ చేయవచ్చు. జిమ్​కి వెళ్లొచ్చు.. నచ్చిన అవుట్​ డోర్ గేమ్ ఆడవచ్చు. స్విమ్మింగ్ ఇలా ఏదైనా మీ ఇష్టమే. 

ఈ నెంబర్స్ ఫాలో అవుతూ ఉంటే కచ్చితంగా బరువు తగ్గుతారు. ఈ ప్రాసెస్​లో బ్యాలెన్స్డ్ డైట్ కచ్చితంగా తీసుకోవాలి. షుగర్ తగ్గించాలి. ఫ్రై చేసిన, జంక్ ఫుడ్స్ తినకూడదు. బరువు తగ్గడానికి షార్ట్ కట్స్ ఎంచుకోకూడదు. వీటి ఫలితం ఒక్కరోజులోనే రాదు. కాబట్టి రెగ్యులర్​గా ఫాలో అయితే మంచి ఫలితాలు ఉంటాయి. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.