Embracing Self Love and Inner Peace : అందరికంటే ముందు మీరు థ్యాంక్స్ చెప్పాల్సింది ఎవరికో తెలుసా? ఇలా చెప్పేసి చూడండి ఎంత హాయిగా ఉంటుందో

Positivity and Self Love : ఎవరు మనల్ని ప్రేమించినా.. ప్రేమించకపోయినా.. మనల్ని మనం లవ్ చేసుకోవాలి. సెల్ఫ్​ లవ్​ అనేది మిమ్మల్ని శారీరకంగా, మానసికంగా ఉన్నతమైన వ్యక్తిగా తీర్చిదిద్దుతాయి. 

Self Care Activities for Body : మనకి ఎవరైనా హెల్ప్ చేస్తే.. వెంటనే థ్యాంక్స్ అని చెప్తాము. అలాంటి మీ శరీరం మీకు ఎన్ని రకాలుగా సహాయం చేస్తుందో తెలుసా? వాటికి ఎప్పుడైనా థ్యాంక్స్ చెప్పారా? ఇతరులకు థ్యాంక్స్ చెప్పినంత తేలికగా.. మీకు మీరు ఎప్పుడైనా చెప్పుకున్నారా? రోజు ప్రారంభంలో మీరు దేనికైనా థ్యాంక్స్ చెప్పాల్సి ఉందంటే.. అది మీ శరీరానికి మాత్రమే. కొన్ని విషయాల్లో సెల్ఫ్​లెస్​గా ఉండాలి కానీ.. మీ శరీరం విషయంలో మీరు కచ్చితంగా థ్యాంక్​ఫుల్​గా ఉండాలి. రోజుకో అంచనాలను మనపై రుద్దే ఈ సమాజం కోసం కాకుండా.. మీ ఆరోగ్యం, మీ మానసిక సంతృప్తికి తగ్గట్లు దానిని మార్చుకుని.. శరీరానికి థ్యాంక్స్ చెప్పుకోండి. అయితే ఈ థ్యాంక్స్​ని మీ శరీరానికి ఎలా చెప్పుకోవాలో ఇప్పుడు చూద్దాం. 

మెడిటేషన్

ధ్యానం అనేది మీ మనసును కేంద్రీకరించుకోవడానికి ఓ అద్భుతమైన మార్గం. మీ లైఫ్​ ఒత్తిడిలో ఉన్నప్పుడు.. లేదా మీ మనసు పనిపై దృష్టి పెట్టలేని సమయంలో మీరు ధ్యానం చేయవచ్చు. దీనిని మీరు ఎక్కడైనా చేయవచ్చు కాబట్టి.. అందరికీ అందుబాటులో ఉంటుంది. ప్రశాంతంగా, సౌకర్యవంతమైన స్థలంలో కూర్చోండి. ఇది మీకు విశ్రాంతిని ఇస్తుంది. మనసును తేలిక పరిచి.. మిమ్మల్ని రీబూస్ట్ చేస్తుంది. మీరు సొంతంగా మీ శరీరానికి విశ్రాంతిని ఇవ్వగలుగుతారు. 

వ్యాయామం..

మీ శరీరం మీ మాట వినాలంటే.. మీరు దానికి కావాల్సింది ఇవ్వాలి. దానిని యాక్టివ్​గా ఉంచుతూ.. చురుకుగా కదిలిస్తూ ఉంటే.. అది మిమ్మల్ని యాక్టివ్​గా ఉంచుంతుంది. పనిలో యాక్టివ్​గా.. నిద్ర సమయంలో చక్కటి విశ్రాంతిని అందిస్తుంది. వ్యాయామం అంటే జిమ్​కి వెళ్లాలని కాదు.. ఇంట్లో పనులు చేయడం.. వాకింగ్​కి వెళ్లడం.. కూరగాయలు వంటివి నడిచి వెళ్లి తెచ్చుకోవడం వంటి వాటి వల్ల మీరు చురుకుగా ఉంటారు. అప్పుడు మీ శరీరాన్ని మీరు అన్నింటికంటే ఎక్కువగా ప్రేమిస్తారు. 

నచ్చిన పని చేయడం

కొందరికి పుస్తకాలు చదవడం ఇష్టముంటుంది. పెయింటింగ్ వేయడం నచ్చుతుంది. డ్యాన్స్ చేస్తే మజాగా ఉంటుంది. మీకు నచ్చిన పని చేస్తున్నప్పుడు మీ శరీరం చాలా యాక్టివ్​గా ఉంటుంది. కానీ వివిధ కారణాల వల్ల టైమ్ సరిపోవట్లేదంటూ.. శరీరానికి ఇష్టమైన వాటిని దూరం చేస్తూ ఉంటాము. మీకు తెలుసా మీకు నచ్చినపని చేయడం వల్ల మీ మైండ్, శరీరం యాక్టివ్​గా ఉంటుంది. అంతేకాకుండా మీకు నచ్చిన పని చేసిన తర్వాత మీరు ఇతర పనులను కూడా అంతే చురుకుగా చేయగలుగుతారు. 

ఆ పనుల్లో ఆలస్యమే అమృతం.. 

ఇప్పుడున్న పరిస్థితుల్లో ప్రతి పనిని వేగంగానే చేయాల్సి వస్తుంది. అలాంటి వాటిలోకి తెలియకుండానే శరీరానికి ఇష్టమైన వాటిని కూడా దూరం చేసేస్తున్నారు. నచ్చిన ఫుడ్​ని కూడా ఆస్వాదిస్తూ తినలేని రోజులు ఎన్ని ఉంటున్నాయోనని ఎప్పుడైనా ఆలోచించారు. మీకో విషయం తెలుసా? నచ్చిన ఫుడ్​ని నెమ్మదిగా ఆస్వాదిస్తూ తింటే.. మీరు ఎంత తింటున్నారు అనేది బాగా తెలుస్తుంది. లేదంటే ముందు ఉన్నదానిని ఫినిష్ చేసి.. ఆ తర్వాత ఆపసోపాలు పడతారు. బయటకు వెళ్లినప్పుడు నచ్చిన వ్యూని ఎంజాయ్ చేయడం మానేసి.. ఫోన్​లలో మునిగిపోవడం వాటివి చేస్తారు. ఇలాంటి విషయాల్లో మీరు ఫాస్ట్​గా ఉండడం కంటే నెమ్మదిగా ఉంటేనే మీ శరీరానికి ఇష్టమని గుర్తించండి. వర్క్​లో బిజీగా ఉన్నప్పుడు బ్రేక్​ తీసుకుని ఫోన్​లో మునిగిపోకుండా.. ఓ పదినిమిషాలు డీప్​ బ్రీత్​ తీసుకోండి. ఇది మీకు మంచి ఫలితాలు ఇస్తుంది. 

అద్దంలో చూసుకుని..

రోజూలో ఓసారి అయినా మీరు అద్దం చూసుకుంటారు కదా. ఆ సమయంలో పనిలో పడి రెడీ అవ్వడం కాకుండా.. ఓసారి మిమ్మల్ని చూసి మీరు హాయిగా నవ్వుకోండి. నువ్వు నవ్వితే బాగుంటావు అని మీకు మీరు కాంప్లిమెంట్ ఇచ్చుంకోండి. ఇది మీలో కొత్త ఉత్తేజాన్ని ఇస్తుంది. మీకు మీరు ఐ లవ్​ యూ చెప్పుకోండి. వినడానికి విడ్డూరంగా ఉన్నా.. మీకు రోజూ ఐ లవ్​ యూ చెప్పుకుంటే.. మీ మనసు హాయిగా ఉంటుంది. 

ఉదయం, రాత్రి.. పడుకునే ముందు లేచిన తర్వాత.. ఈరోజు నువ్వ చాలా కష్టపడ్డావు. చాలా విషయాల్లో నాకు సహకరించావు.. నువ్వు చేసిన దానికి నేను థ్యాంక్స్ చెప్తున్నాను. నిన్ను ఇంకా బాగా చూసుకుంటాను అని మీ శరీరానికి చెప్పండి. ఉదయం లేచిన వెంటనే.. మరొక రోజు మిమ్మల్ని చూసేందుకు అనుమతించినందుకు థ్యాంక్స్ చెప్పండి. ఈ చిన్న చిన్న విషయాలు మీలో ఎంత మార్పును తీసుకువస్తాయో చూస్తే మీరే షాకవుతారు.