Skincare Trends for Men : స్కిన్ కేర్ అనేది కేవలం ఆడవాళ్లకే కాదు.. మగవారికి కూడా చాలా అవసరం. చాలామంది దీనిని నెగ్లెక్ట్ చేస్తూ ఉంటారు. కాబట్టి సెల్ఫ్కేర్లో స్కిన్ కేర్ కూడా ఓ ముఖ్యమైన భాగమేనని గుర్తించాలి. వృద్ధాప్యఛాయలను దగ్గరికి రాకుండా.. మెరిసే, గ్లోయింగ్, యంగ్ స్కిన్ కోసం బేసిక్ రొటీన్ ప్లాన్ చేసుకోవాలంటున్నారు స్కిన్ కేర్ నిపుణులు. మరి ఎలాంటి టిప్స్ ఫాలో అవుతూ చర్మాన్ని బెటర్గా చేసుకోవచ్చో.. ఎక్స్పర్ట్స్ ఇచ్చే సలహాలు ఏంటో ఇప్పుడు చూసేద్దాం.
స్కిన్కేర్ రొటీన్ ( Skincare Routine for Men)
మగవారు వివిధ అవసరాల దృష్ట్యా ఎండలో ఎక్కువగా తిరుగుతారు కాబట్టి.. కచ్చితంగా సన్స్క్రీన్ని ఉపయోగించాలి. లేదంటే సూర్యరశ్మి నుంచి ప్రొటెక్షన్ అందించే మాయిశ్చరైజర్లు, సీరమ్లు కూడా అందుబాటులో ఉంటాయి. అలాగే చాలామంది బయట తిరిగి వచ్చాక కనీసం ఫేస్ వాష్ కూడా చేసుకోరు. దీనివల్ల స్కిన్ రఫ్గా తయారై.. త్వరగా వృద్ధాప్యఛాయలు వస్తాయి. కాబట్టి బయటనుంచి ఇంటికి వచ్చిన తర్వాత క్లెన్సింగ్ చేయడం, ఫేస్వాష్ యూజ్ చేయడం చేయాలి. క్లెన్సర్తో చర్మాన్ని శుభ్రం చేసుకోవడం వల్ల చర్మంపై డర్ట్ పోతుంది. పింపుల్స్ తగ్గుతాయి. అనంతరం చర్మానికి సీరం లేదా మాయిశ్చరైజర్ని అప్లై చేస్తే చర్మానికి పోషణ అందుతుంది.
కేవలం స్కిన్ కేర్ రొటీన్ ఫాలో అవ్వడమే కాదు.. ఇప్పటికే డ్యామేజ్ అయిపోయిన స్కిన్ని మళ్లీ మంచి కండీషన్కి తీసుకురావడానికి మగవారికి ప్రత్యేకంగా కొన్ని బ్యూటీ ట్రీట్మెంట్స్ అందుబాటులో కూడా ఉన్నాయి. ప్రస్తుతం ట్రెండ్లో ఉన్న బ్యూటీ ట్రీట్మెంట్స్ ఏంటో.. వాటి వల్ల కలిగే ప్రయోజనాలు ఏంటో ఇప్పుడు చూసేద్దాం.
హైడ్రేషన్ ట్రీట్మెంట్ (Hydration Treatment)
చర్మాన్ని హైడ్రేట్ చేయడంలో భాగంగా బయో రీమోడలింగ్ వంటి లేటెస్ట్ బ్యూటీ ట్రీట్మెంట్స్ మగవారికి అందుబాటులో ఉన్నాయి. ఈ చికిత్స ద్వారా చర్మాన్ని లోతుగా హైడ్రేట్ చేస్తారు. స్కిన్ హెల్త్ని ప్రమోట్ చేసే హైలురోనిక్ యాసిడ్ని ఈ ట్రీట్మెంట్లో ఉపయోగిస్తారు. ఇది వయసు ద్వారా పెరిగే ముడతలను తగ్గించి యంగ్ లుక్ని ఇస్తుంది.
హైడ్రోస్ట్రెచ్ థెరపీ (Hydrostretch Therapy)
నుదురు, కళ్ల చుట్టూ ఉండే ముడతలను దూరం చేయడం కోసం ఈ ట్రీట్మెంట్ చేస్తారు. విస్కోడెర్మ్ హైడ్రోబూస్టర్ను ఉపయోగించి చేసే ఈ ట్రీట్మెంట్.. పర్మినెంట్ ఫలితాలను వేగంగా అందిస్తుంది. తక్కువ సమయంలో యంగ్ లుక్ని సొంతం చేసుకోవాలనుకునేవారు దీనిని ట్రై చేయవచ్చు.
మరిన్ని ట్రీట్మెంట్స్..
ఎల్ఈడీ థెరపీ మాస్క్లు, మైక్రోకరెంట్ టూల్స్, అల్ట్రాసోనిక్ స్క్రబ్బర్లను మగవారు తమ స్కిన్ కేర్లో భాగంగా ఉపయోగించవచ్చు. ఇవి ఇంట్లోనే ప్రొఫెషనల్ స్థాయి రిజల్ట్స్ ఇస్తాయి. కొల్లాజెన్ను పెంచుకోడానికి లైట్ థెరపీ కూడా తీసుకోవచ్చు.
లగ్జరీ ప్రొడెక్ట్స్
స్కిన్ హెల్త్ని మెరుగుపరచుకోవాలనుకునేవారు, వృద్ధాప్యఛాయలను తగ్గించుకోవాలనుకునేవారు ప్రొఫెషనల్ ప్రొడెక్ట్స్ ఉపయోగించాల్సి ఉంటుంది. రెటినోల్, స్కిన్ టోన్ని మెరుగుపరిచే విటమిన్ సి, చర్మాన్ని ఎక్స్ఫోలియేట్ చేసేందు క్లినికల్ గ్రేడ్ ప్రొడెక్ట్స్ను రొటీన్లో భాగం చేసుకోవాలి. వీటివల్ల మొటిమలు దూరమై.. స్కిన్ టోన్ మెరుగవుతుంది. వృద్ధాప్యఛాయలు దూరమవుతాయి. అయితే వీటిని ఎంచుకునేముందు స్కిన్కేర్ నిపుణులున కచ్చితంగా సంప్రదించాలి.
సహజంగా రక్షించుకోండిలా ..
కలబంద, గ్రీన్ టీ వంటివి చర్మాన్ని సహజంగా రక్షించడంలో హెల్ప్ చేస్తాయి. యోగా, మసాజ్లు కూడా మంచి ఫలితాలు ఇస్తాయి. ఫేస్ ట్యాపింగ్ వల్ల ముఖంలో రక్తప్రసర పెరిగి స్కిన్ గ్లో అవుతుంది. హెల్తీ ఫుడ్ స్కిన్ హెల్త్ని మెరుగుపరుస్తుంది. ఆయిల్ ఫుడ్కి వీలైనంత దూరంగా ఉండాలి. వ్యాయామం చేస్తే టాక్సిన్లు బయటకు పోయి.. యంగ్ లుక్ మీ సొంతమవుతుంది. హైడ్రేటెడ్గా ఉండేందుకు రోజుకు 8 గ్లాసుల వాటర్ తాగుతూ ఉండాలి. ఇవన్నీ సహజంగా మెరుపును అందిస్తాయి.
Also Read : 30 రోజులు డీటాక్స్ డైట్ చేస్తే బరువు తగ్గుతారట, మరెన్నో ప్రయోజనాలు.. తీసుకోవాల్సిన ఫుడ్స్ ఇవే