Telangana Group-l (Mains) Examination Schedule: గ్రూప్-1 మెయిన్స్ పరీక్షల షెడ్యూలును తెలంగాణ పబ్లిక్ సర్వీస్ కమిషన్ జూన్ 12న విడుదల చేసింది. అధికారిక వెబ్సైట్లో పరీక్షల తేదీలను అందుబాటులో ఉంచింది. ప్రకటించిన షెడ్యూలు ప్రకారం గ్రూప్-1 ప్రిలిమ్స్ పరీక్షలో అర్హత సాధించిన అభ్యర్థులకు అక్టోబరు 21 నుంచి మెయిన్స్ పరీక్షలు నిర్వహించనున్నారు. అక్టోబరు 27తో పరీక్షలు ముగియనున్నాయి. ఆయా తేదీల్లో ప్రతిరోజూ మధ్యాహ్నం 2.30 గంటల నుంచి సాయంత్రం 5.30 గంటల వరకు పరీక్షలు నిర్వహించనున్నారు. గ్రూప్-1లో మొత్తం 563 పోస్టులుండగా, ఒక్కో పోస్టుకు 536 మంది చొప్పున పోటీపడుతున్నారు. మల్టీ జోన్, రోస్టర్ ప్రకారం ఒక్కో పోస్టుకు 50 మంది చొప్పున 28,150 మంది అభ్యర్థులను మెయిన్కు ఎంపికచేయనున్నారు.
గ్రూప్-1 మెయిన్స్ 2024 పరీక్షల షెడ్యూలు..
➥ 21.10.2024: జనరల్ ఇంగ్లిష్ (క్వాలిఫైయింగ్ టెస్ట్)
➥ 22.10.2024: పేపర్-1 (జనరల్ ఎస్సే)
➥ 23.10.2024: పేపర్-2 (హిస్టరీ, కల్చర్ అండ్ జియోగ్రఫీ)
➥ 24.10.2024: పేపర్-3 (ఇండియన్ సొసైటీ, కానస్టిట్యూషన్ అండ్ గవర్నెన్స్)
➥ 25.10.2024: పేపర్-4 (ఎకానమీ అండ్ డెవలప్మెంట్)
➥ 26.10.2024: పేపర్-5 (సైన్స్ & టెక్నాలజీ, డేటా ఇంటర్ప్రిటేషన్)
➥ 27.10.2024: పేపర్-6 (తెలంగాణ ఉద్యమం, రాష్ట్రావతరణ)
పరీక్ష విధానం: మొత్తం 900 మార్కులకు గ్రూప్-1 మెయిన్ పరీక్షలు నిర్వహించనున్నారు. పరీక్షలో మొత్తం 7 పేపర్లు ఉంటాయి. ఒక్కో పేపరును 150 మార్కులకు నిర్వహిస్తారు. ఇందులో జనరల్ ఇంగ్లిష్ పేపరును కేవలం అర్హత పరీక్ష మాత్రమే పరిగణిస్తారు. ఇక మిగతా ఆరు పేపర్లను పరిగణలోకి తీసుకుంటారు. ఒక్కో పేపరుకు 3 గంటల సమయం కేటాయించారు.
గ్రూప్-1 పోస్టుల వివరాలు..
ఖాళీల సంఖ్య: 563
1. డిప్యూటీ కలెక్టర్: 452. డిప్యూటీ సూపరింటెండెంట్ ఆఫ్ పోలీస్ (DSP): 1153. కమర్షియల్ ట్యాక్స్ ఆఫీసర్: 484. రీజినల్ ట్రాన్స్పోర్ట్ ఆఫీసర్: 045. డిస్ట్రిక్ట్ పంచాయత్ ఆఫీసర్: 076. డిస్ట్రిక్ట్ రిజిస్ట్రార్: 067. డిప్యూటీ సూపరింటెండెంట్ ఆఫ్ జైల్స్ (మెన్): 058. అసిస్టెంట్ కమిషనర్ ఆఫ్ లేబర్: 089. అసిస్టెంట్ ఎక్సైజ్ సూపరింటెండెంట్: 3010. మున్సిపల్ కమిషనర్ (గ్రేడ్-2): 4111. డిస్ట్రిక్ట్ సోషల్ వెల్ఫేర్ ఆఫీసర్/ డిస్ట్రిక్ట్ షెడ్యూల్డ్ క్యాస్ట్ డెవలప్మెంట్ ఆఫీసర్: 0312. డిస్ట్రిక్ట్ బీసీ వెల్ఫేర్ ఆఫీసర్/ అసిస్టెంట్ డైరెక్టర్ (డిస్ట్రిక్ట్ బీసీ డెవలప్మెంట్ ఆఫీసర్): 0513. డిస్ట్రిక్ట్ ట్రైబల్ వెల్ఫేర్ ఆఫీసర్: 0214. డిస్ట్రిక్ట్ ఎంప్లాయ్మెంట్ ఆఫీసర్: 0515. అడ్మినిస్ట్రేటివ్ ఆఫీసర్/లే సెక్రటరీ & ట్రెజరర్ గ్రేడ్-2: 2016. అసిస్టెంట్ ట్రెజరీ ఆఫీసర్/అసిస్టెంట్ అకౌంట్స్ ఆఫీసర్/ అసిస్టెంట్ లెక్చరర్ (ట్రైనింగ్ కాలేజ్ అండ్ స్కూల్): 3817. అసిస్టెంట్ ఆడిట్ ఆఫీసర్ డిస్ట్రిక్ట్ ఎంప్లాయ్మెంట్ ఆఫీసర్: 4118. మండల పరిషత్ డెవలప్మెంట్ ఆఫీసర్: 140
తెలంగాణలో 563 గ్రూప్-1 పోస్టుల భర్తీకీ తెలంగాణ పబ్లిక్ సర్వీస్ కమిషన్ ఫిబ్రవరి 19న నోటిఫికేషన్ విడుదల చేసిన సంగతి తెలిసిందే. అభ్యర్థుల నుంచి ఫిబ్రవరి 23 నుంచి మార్చి 14 వరకు దరఖాస్తులు స్వీకరించింది. రాష్ట్రవ్యాప్తంగా మొత్తం 4.8 లక్షల మంది అభ్యర్థులు దరఖాస్తు చేసుకున్నారు. గ్రూప్-1 పోస్టుల భర్తీకి జూన్ 9న నిర్వహించారు. రాష్ట్రవ్యాప్తంగా 895 పరీక్ష కేంద్రాల్లో పరీక్ష నిర్వహించారు. జూన్ 9న ఉదయం 10.30 గంటల నుంచి మధ్యాహ్నం 1 గంట వరకు గ్రూప్-1 స్క్రీనింగ్ టెస్ట్ (ప్రిలిమినరీ పరీక్ష) నిర్వహించారు. గ్రూప్-1 పరీక్ష కోసం మొత్తం 4.03 లక్షల మంది అభ్యర్థులు దరఖాస్తు చేసుకున్నారు. వీరిలో కేవలం 3.02 లక్షల మంది మాత్రమే (74 శాతం) ప్రిలిమ్స్ పరీక్షకు హాజరయ్యారు. త్వరలోనే ప్రిలిమినరీ ఆన్సర్ కీని కమిషన్ విడుదల చేయనుంది. అభ్యంతరాలు స్వీకరించిన తర్వాత ఫైనల్ కీతోపాటు ఫలితాలను టీజీపీఎస్సీ విడుదల చేయనుంది.