SSC Combined Graduate Level Examination 2025: కేంద్ర ప్రభుత్వంలోని వివిధ విభాగాల్లో గ్రూప్-బి, గ్రూప్-సి పోస్టుల భర్తీకి నిర్వహించే 'కంబైన్డ్ గ్రాడ్యుయేట్ లెవల్ ఎగ్జామినేషన్-2025 (CGLE)' నోటిఫికేషన్ను స్థాఫ్ సెలక్షన్ కమిషన్ విడుదల చేసింది. దీనిద్వారా దాదాపు 14582 ఖాళీలను భర్తీ చేయనున్నారు. ఏదైనా డిగ్రీ అర్హత ఉన్న అభ్యర్థులు ఈ ఉద్యోగాలకు దరఖాస్తు చేసుకోవడానికి అర్హులు. పోస్టులవారీగా అదనపు విద్యార్హతలు నిర్ణయించారు. సరైన అర్హతలు గల అబ్యర్థులు జూన్ 09 నుంచి జులై 04 వరకు దరఖాస్తులు సమర్పించవచ్చు. రెండంచెల (టైర్-1,టైర్-2) పరీక్షల ద్వారా అభ్యర్థులను ఎంపికచేస్తారు.
వివరాలు..
ఖాళీల సంఖ్య: 14582
➥ అసిస్టెంట్ సెక్షన్ ఆఫీసర్
➥ అసిస్టెంట్/అసిస్టెంట్ సెక్షన్ ఆఫీసర్
➥ ఇన్స్పెక్టర్ - ఇన్కమ్ ట్యాక్స్
➥ ఇన్స్పెక్టర్ (సెంట్రల్ ఎక్సైజ్)
➥ ఇన్స్పెక్టర్ (ప్రివెంటివ్ ఆఫీసర్)
➥ ఇన్స్పెక్టర్ (ఎగ్జామినర్)
➥ అసిస్టెంట్ ఎన్ఫోర్స్మెంట్ ఆఫీసర్
➥ సబ్ ఇన్స్పెక్టర్ (CBI)
➥ ఇన్స్పెక్టర్ ( పోస్టల్ శాఖ)
➥ ఇన్స్పెక్టర్
➥ సెక్షన్ హెడ్
➥ అసిస్టెంట్/అసిస్టెంట్ సెక్షన్ ఆఫీసర్
➥ ఎగ్జిక్యూటివ్ అసిస్టెంట్ (CBIC)
➥ రిసెర్చ్ అసిస్టెంట్ (NHRC)
➥ డివిజనల్ అకౌంటెంట్ (కాగ్)
➥ సబ్ ఇన్స్పెక్టర్ (NIA)
➥ సబ్ ఇన్స్పెక్టర్/ జూనియర్ ఇంటెలిజెన్స్ ఆఫీసర్ (ఎన్సీబీ)
➥ జూనియర్ స్టాటిస్టికల్ ఆఫీసర్ (స్టాటిస్టిక్స్)
➥ స్టాటిస్టికల్ ఇన్వెస్టిగేటర్ (హాంఅఫైర్స్)
➥ ఆఫీస్ సూపరింటెండెంట్(CBDT)
➥ ఆడిటర్ (కాగ్, సీజీడీఏ, etc.,)
➥ అకౌంటెంట్ (కాగ్, సీజీఏ, etc.,)
➥ అకౌంటెంట్/జూనియర్ అకౌంటెంట్
➥ పోస్టల్ అసిస్టెంట్/సార్టింగ్ అసిస్టెంట్ (పోస్టల్)
➥ సీనియర్ సెక్రటేరియట్ అసిస్టెంట్/ అప్పర్ డివిజన్ క్లర్క్స్
➥ సీనియర్ అడ్మినిస్ట్రేటివ్ అసిస్టెంట్
➥ ట్యాక్స్ అసిస్టెంట్(CBDT)
➥ ట్యాక్స్ అసిస్టెంట్(CBIC)
➥ సబ్ ఇన్స్పెక్టర్
అర్హత: ఏదైనా డిగ్రీ. ఆడిట్ ఆఫీసర్/ అకౌంట్స్ ఆఫీసర్ పోస్టులకు సీఏ/ సీఎంఏ/ సీఎస్/ పీజీ డిగ్రీ (కామర్స్/ఎకనామిక్స్/బిజినెస్ స్టడీస్)/ఎంబీఏ (ఫైనాన్స్) అర్హత ఉండాలి.
వయోపరిమితి: 01.08.2025 నాటికి కొన్ని పోస్టులకు 18-27 సంవత్సరాలు, కొన్ని పోస్టులకు 20-30, కొన్ని పోస్టులకు 18-30 సంవత్సరాల మధ్య ఉండాలి. మరికొన్ని పోస్టులకు 18 - 32 సంవత్సరాలకు మించకూడదు. నిబంధనల ప్రకారం వయోపరిమితిలో సడలింపులు వర్తిస్తాయి. ఎస్సీ, ఎస్టీలకు 5 సంవత్సరాలు; ఓబీసీలకు 3 సంవత్సరాలు; దివ్యాంగులకు 10-15 సంవత్సరాలు; ఎక్స్-సర్వీస్మెన్ అభ్యర్థులకు 3 సంవత్సరాలు, ఢిఫెన్స్ అభ్యర్థులకు 3- సంవత్సరాలు, ఢిఫెన్స్ అభ్యర్థులకు (డిసేబుల్డ్) - 8 సంవత్సరాలు, కేంద్రప్రభుత్వ ఉద్యోగులకు 40-45 సంవత్సరాల వరకు, ఒంటరి/విడాకులు తీసుకున్న మహిళలకు 35-40 సంవత్సరాల వరకు వయోసడలింపు వర్తిస్తుంది.
దరఖాస్తు ఫీజు: రూ.100. ఎస్సీ, ఎస్టీ, ఎక్స్-సర్వీస్మెన్, దివ్యాగులు, మహిళలకు ఫీజు నుంచి మినహాయింపు ఉంది.
దరఖాస్తు విధానం: ఆన్లైన్ ద్వారా.
ఎంపిక విధానం: టైర్-1, టైర్-2 రాతపరీక్షలు, డాక్యుమెంట్ వెరిఫికేషన్ ద్వారా.
జీతం: ఆయా పోస్టులను బట్టి నెలకు రూ.25,500ల నుంచి రూ.1,42,400 జీతం ఉంటుంది. ఇతర భత్యాలు అదనం.
ముఖ్యమైన తేదీలు..
➥ ఆన్లైన్ దరఖాస్తు ప్రక్రియ ప్రారంభం: 09.06.2025.
➥ ఆన్లైన్ దరఖాస్తుకు చివరితేది: 04.07.2025 (23:00)
➥ ఆన్లైన్ ద్వారా ఫీజు చెల్లించడానికి చివరితేది: 05.07.2025 (23:00)
➥ దరఖాస్తుల సవరణ: 09.07.2025 - 11.07.2025(23:00) వరకు
➥ టైర్-1 పరీక్ష తేదీ (కంప్యూటర్ ఆధారిత పరీక్ష): 13 – 30 ఆగస్టు, 2025.
➥ టైర్-2 పరీక్ష తేదీ (కంప్యూటర్ ఆధారిత పరీక్ష): డిసెంబరు, 2025.