కేంద్ర ప్రభుత్వ శాఖల్లో ఖాళీగా ఉన్న ఉద్యోగాలను భర్తీ చేసేందుకు స్టాఫ్ సెలక్షన్ కమిషన్ నిర్వహించిన కంబైన్డ్ గ్రాడ్యుయేషన్ లెవెల్ (సీజీఎల్)-2022 పరీక్ష (టైర్- 1) ఫలితాలు విడుదలయ్యాయి. ఫలితాలను అధికారిక వెబ్‌సైట్‌లో అందుబాటులో ఉంచారు. టైర్-1 పరీక్షకు హాజరైన అభ్యర్థులు తమ ఫలితాలను చూసుకోవచ్చు. మొత్తం 3,86,652 మంది అభ్యర్థులు టైర్-2 పరీక్షకు అర్హత సాధించారు.


మొత్తం 3 జాబితాల్లో ఫలితాలను ఎస్‌ఎస్‌సీ విడుదల చేసింది. వీరిలో మొదటి జాబితాలో 25071 మంది అభ్యర్థులు అసిస్టెంట్ ఆడిట్ ఆఫీసర్& అసిస్టెంట్ అకౌంట్స్ ఆఫీసర్ పోస్టులకు, రెండో జాబితాలో 1149 మంది అభ్యర్థులు జూనియర్ స్టాటిస్టికల్ ఆఫీసర్ పోస్టులకు, మూడో జాబితాలో 3,60,432 మంది అభ్యర్థులు స్టాటిస్టికల్ ఇన్వెస్టిగేటర్ పోస్టులకు సంబంధించి టైర్-2 కు ఎంపికైన అభ్యర్థుల వివరాలు ఉన్నాయి. అయితే వివిధ కారణాల చేత 134 మంది అభ్యర్థుల వివరాలను పెండింగ్‌లో ఉంచారు. గతేడాది డిసెంబర్ 1 నుంచి 13 వరకు దేశవ్యాప్తంగా కంప్యూటర్ ఆధారిత పరీక్షను నిర్వహించిన విషయం తెలిసిందే. టైర్-1లో అర్హత సాధించిన అభ్యర్థులు టైర్-2 పరీక్షకు ప్రిపేర్ కావాల్సి ఉంటుంది. 


కేంద్ర ప్రభుత్వ శాఖల్లో ఖాళీగా ఉన్న ఉద్యోగాల భర్తీకి గతేడాది కంబైన్డ్ గ్రాడ్యుయేషన్ లెవెల్(సీజీఎల్), కంబైన్డ్ హ య్యర్ సెకండరీ లెవెల్ పరీక్ష (సీహెచ్‌ఎస్‌ఎల్)కు నోటిఫికేషన్‌ను స్టాఫ్ సెలక్షన్ కమిషన్ (ఎస్‌ఎస్‌సీ) విడుదల చేసిన సంగతి తెలిసిందే. ఇప్పటికే సీజీఎల్ టైర్-1 పరీక్షలో అర్హత సాధించిన అభ్యర్థులకు సంబంధించిన టైర్-2 పరీక్ష తేదీలను స్టాఫ్ సెలక్షన్ కమిషన్ ఫిబ్రవరి 6న ప్రకటించింది. వీటిలో గ్రూప్-బి, గ్రూప్-సి విభాగాల్లో ఉద్యోగాల భర్తీకి టైర్-2 పరీక్షను మార్చి 2 నుంచి 7 వరకు నిర్వహించనున్నట్లు ఎస్‌ఎస్‌సీ ఫిబ్రవరి 6న ప్రకటించింది.


అలాగే, 4500 లోయర్ డివిజన్ క్లర్కులు, జూనియర్ సెక్రటేరియట్ అసిస్టెంట్లు, డేటా ఎంట్రీ ఆపరేటర్లు తదితర ఉద్యోగాలను భర్తీకి కంబైన్డ్ హయ్యర్ సెకండరీ లెవల్ పరీక్ష టైర్-1ను మార్చి 9 నుంచి 21 వరకు నిర్వహించనున్నట్లు తెలిపింది. ఈ పరీక్షలకు సంబంధించిన అప్‌డేట్లు ఎప్పటికప్పుడు తమ అధికారిక వెబ్‌సైట్‌లో పొందొచ్చని అభ్యర్థులకు సూచించింది.


Also Read: సీజీఎల్‌, సీహెచ్‌ఎస్‌ఎల్‌ పరీక్షల తేదీలు ఖరారు! షెడ్యూలు ఇదే!


List-1: Assistant Audit Officer & Assistant Accounts Officer Posts



List-2:  Junior Statistical Officer Posts



List-3: Statistical Investigator Gr. II Posts



Website



జీఎల్-2022 పోస్టుల వివరాలు..
స్టాఫ్ సెలక్షన్ కమిషన్ ఇటీవలే  కంబైన్డ్ గ్రాడ్యుయేట్ లెవల్ ఎగ్జామినేషన్(SSC CGL)-2022ను సెప్టెంబరు 17న నోటిఫికేషన్ విడుదల చేసిన సంగతి తెలిసిందే. ఈ ఉద్యోగాల భర్తీకి సెప్టెంబరు 17 నుంచి అక్టోబరు 13 వరకు దరఖాస్తులు స్వీకరించింది. అక్టోబరు 19, 20 తేదీల్లో దరఖాస్తుల సవరణకు అవకాశం కల్పించింది. ప్రకటించిన షెడ్యూలు ప్రకారం డిసెంబర్ 1 నుండి 13 సీజీఎల్ 'టైర్-1' పరీక్షలు నిర్వహించింది. అడ్మిట్ కార్డ్ విడుదలకు సంబంధించి మాత్రం ఇంకా ఎలాంటి సమాచారం ఇవ్వలేదు. అయితే నవంబరు మూడోవారం నుంచి అడ్మిట్ కార్డులు జారీచేసే అవకాశం ఉంది. 


SSC CGL 2022 నోటిఫికేషన్, ఎంపిక వివరాల కోసం క్లిక్ చేయండి..


టైర్-2 పరీక్ష:


మరిన్ని ఉద్యోగ వార్తల కోసం క్లిక్ చేయండి...