రైల్వేలో గ్రూప్-డి పోస్టుల భర్తీకి నిర్వహించనున్న ఫేజ్-3 పరీక్ష హాల్‌టికెట్లను రైల్వే రిక్రూట్‌మెంట్ బోర్డు విడుదల చేసింది. అడ్మిట్ కార్డులను అధికారిక వెబ్‌సైట్‌లో అందుబాటులో ఉంచింది. గ్రూప్-డి పోస్టులకు దరఖాస్తు చేసుకున్న అభ్యర్థులు తమ తమ రైల్వే రీజియన్ల వెబ్‌సైట్‌ల నుంచి హాల్‌టికెట్లను డౌన్‌లోడ్ చేసుకోవచ్చు. ప్రకటించిన షెడ్యూలు ప్రకారం సెప్టెంబరు 8 నుంచి 19 వరకు ఫేజ్-3 పరీక్ష నిర్వహించనున్నారు.



ఆర్‌ఆర్‌బీ గ్రూప్-డి నోటిఫికేషన్ ద్వారా రైల్వేలో లెవల్-1 కింద 1,03,769 ఖాళీలను భర్తీ చేయనున్నారు. ఇందులో జనరల్-42,355; ఎస్సీ-15,559, ఎస్టీ-7,984, ఓబీసీ-27,378; ఈడబ్ల్యూఎస్-10,381 పోస్టులను కేటాయించారు. ఈ ఉద్యోగాల కోసం దాదాపు కోటిన్నర మంది అభ్యర్థులు పోటీపడుతున్నారు. అభ్యర్థుల తమ పరిధిలోని రైల్వే జోన్ వెబ్‌సైట్ నుంచి హాల్ టిక్కెట్లను ఆన్‌లైన్‌లో డౌన్‌లోడ్ చేసుకుని, పరీక్ష కేంద్రాల్లో మాత్రం ఒరిజినల్ గుర్తింపు పత్రాలను చూపించాలి. జిరాక్సు కాపీలను అనుమతించరు. ఇక ఎస్సీ, ఎస్టీలకు రైల్లో ఉచిత ప్రయాణ సదుపాయం ఉంటుంది.


 


Also Read: SBI Recruitment: స్టేట్ బ్యాంక్ ఆఫ్ ఇండియాలో 714 స్పెషలిస్ట్ ఆఫీసర్ ఉద్యోగాలు, అర్హతలివే!



పరీక్ష విధానం:
✪ మొత్తం 100 మార్కులకు ఆన్‌లైన్ (సీబీటీ) పరీక్ష నిర్వహిస్తారు. పరీక్షలో మొత్తం 100 ప్రశ్నలు ఇస్తారు. వీటిలో జనరల్ సైన్స్ నుంచి 25 ప్రశ్నలు, మ్యాథమెటిక్స్ నుంచి 25 ప్రశ్నలు, జనరల్ ఇంటెలిజెన్స్ & రీజనింగ్ నుంచి 30 ప్రశ్నలు, జనరల్ అవేర్‌నెస్ & కరెంట్ అఫైర్స్ నుంచి 20 ప్రశ్నలు అడుగుతారు. ఒక్కో ప్రశ్నకు ఒకమార్కు.
✪ పరీక్ష సమయాన్ని దివ్యాంగులకు 120 నిమిషాలు, ఇతరులకు 90 నిమిషాలుగా నిర్ణయించారు.
✪ పరీక్షలో నెగెటివ్ మార్కులు కూడా ఉంటాయి. ప్రతి తప్పు సమాధానానికి 1/3 మార్కుల చొప్పున కోత విధిస్తారు.
✪ అర్హత మార్కులను జనరల్-40%, ఈడబ్ల్యూఎస్-40%, ఓబీసీ-30%, ఎస్సీ-30%, ఎస్టీ-30% గా నిర్ణయించారు.
✪ దివ్యాంగులకు అదనంగా 2% మినహాయింపునిచ్చారు.


 


Also Read: AOC Jobs: ఆర్మీ ఏవోసీ రీజియన్లలో 3068 ఉద్యోగాలు, ఈ అర్హతలుంటే చాలు!



అడ్మిట్ కార్డులు ఇలా డౌన్‌లోడ్ చేసుకోండి..


* మొదట www.indianrailways.gov.in వెబ్‌సైట్‌ ఓపెన్ చేయాలి.


* తర్వాత మెనూ బార్‌లో కనిపించే 'Recruitment' బటన్‌పై క్లిక్ చేయాలి.


* క్లిక్ చేయగానే ఆర్ఆర్‌బీ పరిధిలోని ఉన్న అన్ని జోన్లకు సంబంధించిన వెబ్‌సైట్లు దర్శనమిస్తాయి.


* అభ్యర్థి తనకు సంబంధించిన బోర్డు వెబ్‌ లింక్‌పై క్లిక్ చేయాలి.


* ఇప్పుడు కొత్త వెబ్ పేజీ ఓపెన్ అవుతుంది. అక్కడ 'Click here to Download E-Call Letter, Exam City and Date advice and SC/ST travel authority'తో కూడిన టెక్ట్స్ లింక్ కనిపిస్తుంది. దానిపై క్లిక్ చేయాలి.


* క్లిక్ చేయగానే వచ్చే 'CANDIDATE LOGIN' పేజీలో అభ్యర్థి రిజిస్ట్రేషన్ నెంబరు, పాస్‌వర్డ్ నమోదుచేసి 'Login’ బటన్‌పై క్లిక్ చేయగానే 'అడ్మిట్ కార్డు' దర్శనమిస్తుంది.


* అడ్మిట్ కార్డును డౌన్‌లోడ్ చేసి, ప్రింట్ తీసుకోవాలి. అడ్మిట్ కార్డు లేకపోతే పరీక్ష కేంద్రంలోకి అనుమతించరు. పరీక్ష రోజు తప్పనిసరిగా అడ్మిట్ కార్డు వెంటతీసుకెళ్లాలి. అడ్మిట్ కార్డుతోపాటు ప్రభుత్వ గుర్తింపు పొందిన ఏదైనా ఒరిజినల్ ఫొటో ఐడీ కార్డును వెంట తీసుకెళ్లాల్సి ఉంటుంది. 


 


మరిన్ని ఉద్యోగ వార్తల కోసం క్లిక్ చేయండి...