నేషనల్‌ ఇన్స్యూరెన్స్ కంపెనీ లిమిటెడ్‌ (ఐఎన్‌సీ) అడ్మినిస్ట్రేటివ్ ఆఫీసర్ పోస్టుల భర్తీకి నోటిఫికేషన్ విడుదల చేసింది. దీనిద్వారా వివిధ విభాగాల్లో 274 ఖాళీలను భర్తీచేయనున్నారు. పోస్టులవారీగా విద్యార్హతలు నిర్ణయించారు. సరైన అర్హతలున్నవారు జనవరి 2 నుంచి 22 వరకు ఆన్లైన్ విధానంలో దరఖాస్తులు సమర్పించాల్సి ఉంటుంది. ప్రిలిమ్స్‌, మెయిన్స్‌, ఇంటర్వ్యూ ఆధారంగా ఎంపిక ఉంటుంది. అభ్యర్థులు దరఖాస్తు ఫీజుగా రూ.1000 చెల్లించాల్సి ఉంటుంది. ఎస్సీ, ఎస్టీ, దివ్యాంగులు రూ.250 చెల్లిస్తే సరిపోతుంది.
వివరాలు..
* ఖాళీల సంఖ్య: 274.
పోస్టుల కేటాయింపు: యూఆర్-125, ఈడబ్ల్యూఎస్-27, ఓబీసీ-57, ఎస్సీ-44, ఎస్టీ-21.
➥ డాక్టర్స్‌ (ఎంబీబీఎస్‌): 28 పోస్టులు
అర్హత: ఎంబీబీఎస్‌/ఎండీ/ ఎంఎస్‌ లేదా పీజీ-మెడికల్‌ డిగ్రీ.
➥ లీగల్‌: 20 పోస్టులు
అర్హత: కనీసం 60 శాతం మార్కులతో గ్రాడ్యుయేట్/పీజీ లా డిగ్రీ. ఎస్సీ, ఎస్టీలకు 55 శాతం మార్కులు ఉంటే సరిపోతుంది.
➥ ఫైనాన్స్‌: 30 పోస్టులు
అర్హత: ఐసీఏఐ/ఐసీడబ్ల్యూఏ లేదా కనీసం 60 శాతం మార్కులతో బీకామ్/ ఎంకామ్ ఉత్తీర్ణత ఉండాలి. ఎస్సీ, ఎస్టీలకు 55 శాతం మార్కులు ఉంటే
సరిపోతుంది.
➥ ఆక్చువరియల్: 02 పోస్టులు
అర్హత: కనీసం 60 శాతం మార్కులతో డిగ్రీ/పీజీ డిగ్రీ (స్టాటిస్టిక్స్/మ్యాథమెటిక్స్/ఆక్చువరియల్ సైన్స్) ఎస్సీ, ఎస్టీలకు 55 శాతం మార్కులు ఉంటే సరిపోతుంది.
➥ ఇన్‌ఫర్మేషన్ టెక్నాలజీ: 20 పోస్టులు
అర్హత: కనీసం 60 శాతం మార్కులతో బీఈ/బీటెక్/ఎంఈ/ఎంటెక్ (కంప్యూటర్ సైన్స్/ఐటీ)/ఎంసీఏ. ఎస్సీ, ఎస్టీలకు 55 శాతం మార్కులు ఉంటే సరిపోతుంది.
➥ ఆటోమొబైల్‌ ఇంజినీర్స్‌: 20 పోస్టులు
అర్హత: కనీసం 60 శాతం మార్కులతో బీఈ/బీటెక్/ఎంఈ/ఎంటెక్ (ఆటోమొబైల్‌ ఇంజినీరింగ్)/ఎంసీఏ. ఎస్సీ, ఎస్టీలకు 55 శాతం మార్కులు ఉంటే సరిపోతుంది.
➥ జనరలిస్ట్‌: 130 పోస్టులు
అర్హత: కనీసం 60 శాతం మార్కులతో డిగ్రీ/పీజీ డిగ్రీ ఉండాలి. ఎస్సీ, ఎస్టీలకు 55 శాతం మార్కులు ఉంటే సరిపోతుంది.
➥ హిందీ (రాజ్‌భాషా) ఆఫీసర్స్‌: 22 పోస్టులు
అర్హత: 60 శాతం మార్కులతో మాస్టర్స్ డిగ్రీ(హిందీ/ఇంగ్లిష్ ). ఇంగ్లిష్/హిందీ ఒక సబ్జెక్టుగా ఉండాలి. ఎస్సీ, ఎస్టీలకు 55 శాతం మార్కులు ఉంటే సరిపోతుంది.
➥ బ్యాక్‌లాగ్‌: 02 పోస్టులు
వయోపరిమితి: 01.12.2023 నాటికి 21 - 30 సంవత్సరాల మధ్య ఉండాలి. 02.12.1993 - 01.12.2002 మధ్య జన్మించి ఉండాలి. ఎస్సీ, ఎస్టీలకు 5 సంవత్సరాలు; ఓబీసీలకు 3 సంవత్సరాలు; దివ్యాంగులకు 10 సంవత్సరాలు; ఎక్స్-సర్వీస్‌మెన్ అభ్యర్థులకు 5 సంవత్సరాలు, ఢిఫెన్స్ పర్సనల్స్‌కు 3 సంవత్సరాలు, వితంతువులు-విడాకులు పొందిన ఒంటి మహిళలకు 9 సంవత్సరాలు, పబ్లిక్ సెక్టర్ జనరల్ ఇన్స్యూరెన్స్ సంస్థల్లో పనిచేస్తున్న అభ్యర్థులకు 8 సంవత్సరాల వరకు వయోసడలింపు వర్తిస్తుంది.
దరఖాస్తు ఫీజు: రూ.1000. ఎస్సీ, ఎస్టీ, దివ్యాంగులు రూ.250 చెల్లించాలి.
దరఖాస్తు విధానం: ఆన్లైన్ ద్వారా.
ఎంపిక విధానం: ప్రిలిమ్స్‌, మెయిన్స్‌, ఇంటర్వ్యూ ఆధారంగా. అయితే హిందీ ఆఫీసర్స్‌ పోస్టుకు ప్రిలిమ్స్‌ పరీక్ష ఉండదు.
తెలుగు రాష్ట్రాల్లో పరీక్ష కేంద్రాలు: ఫేజ్-1 పరీక్షలు విజయవాడ, విశాఖపట్నం, ఒంగోలు, హైదరాబాద్, రంగారెడ్డి, వరంగల్‌లో నిర్వహిస్తారు. ఇక ఫేజ్-2 పరీక్ష (హిందీ-రాజ్‌బాష) పరీక్షను ఏపీ, తెలంగాణ కలిపి కేవలం హైదరాబాద్‌లో మాత్రమే నిర్వహిస్తారు
ముఖ్యమైన తేదీలు..
➥ ఆన్లైన్ దరఖాస్తు ప్రక్రియ ప్రారంభం: 02.01.2024.
➥ ఆన్లైన్ దరఖాస్తుకు చివరితేది: 22.01.2024.