Just In
Asistant Professors: ఏపీ మెడికల్ కాలేజీల్లో 169 అసిస్టెంట్ ప్రొఫెసర్ - సూపర్ స్పెషాలిటీస్ పోస్టులు, వాక్ఇన్ ఎప్పుడంటే?
ఏపీ డైరెక్టరేట్ ఆఫ్ మెడికల్ ఎడ్యుకేషన్, రాష్ట్రంలోని ప్రభుత్వ మెడికల్ కాలేజీలు, బోధనాసుపత్రుల్లో అసిస్టెంట్ ప్రొఫెసర్ (సూపర్ స్పెషాలిటీస్) పోస్టుల భర్తీకి నోటిఫికేషన్ విడుదల చేసింది.
Assistant Professors in Super Specialities: ఆంధ్రప్రదేశ్ ప్రభుత్వ ఆధ్వర్యంలోని డైరెక్టరేట్ ఆఫ్ మెడికల్ ఎడ్యుకేషన్, రాష్ట్రంలోని ప్రభుత్వ మెడికల్ కాలేజీలు, బోధనాసుపత్రుల్లో రెగ్యులర్ ప్రాతిపదికన డైరెక్ట్/ లేటరల్ ఎంట్రీలో 169 అసిస్టెంట్ ప్రొఫెసర్ (సూపర్ స్పెషాలిటీస్) పోస్టుల భర్తీకి నోటిఫికేషన్ విడుదల చేసింది. సంబంధిత విభాగంలో మెడికల్ పీజీ (డీఎన్‌బీ, డీఎం, ఎంసీహెచ్‌) ఉత్తీర్ణత ఉన్నవారు దరఖాస్తు చేసుకోవచ్చు. ఈ పోస్టుల భర్తీకి ఫిబ్రవరి 6న వాక్-ఇన్ ఇంటర్వ్యూకు హాజరుకావాల్సి ఉంటుంది. లోకల్ అభ్యర్థులు మాత్రమే ఈ ఉద్యోగాలకు అర్హులు. అభ్యర్థులు దరఖాస్తు ఫీజు కింద రూ.1000 చెల్లించాలి. బీసీ, ఎస్సీ, ఈడబ్ల్యూఎస్, ఎస్టీ, పీహెచ్ అభ్యర్థులు రూ.500 చెల్లిస్తే సరిపోతుంది. నాన్-లోకల్ అభ్యర్థులు అనర్హులు. విద్యార్హతలో సాధించిన మార్కులు, రూల్ ఆఫ్ రిజర్వేషన్ తదితరాల ఆధారంగా ఎంపిక చేస్తారు.
వివరాలు..
* అసిస్టెంట్ ప్రొఫెసర్ - సూపర్ స్పెషాలిటీస్
ఖాళీల సంఖ్య: 169 పోస్టులు
స్పెషాలిటీలు: కార్డియాలజీ, సీటీవీ, న్యూరాలజీ, నెఫ్రాలజీ, న్యూరో సర్జరీ, యూరాలజీ, ప్లాస్టిక్ సర్జరీ, పీడియాట్రిక్ సర్జరీ, మెడికల్ అంకాలజీ, సర్జికల్ గ్యాస్ట్రోఎంటరాలజీ, మెడికల్ సర్జికల్ గ్యాస్ట్రోఎంటరాలజీ, ఎండోక్రైనాలజీ, న్యూక్లియర్ మెడిసిన్.
అర్హత: సంబంధిత విభాగంలో మెడికల్ పీజీ (డీఎన్‌బీ, డీఎం, ఎంసీహెచ్‌) ఉత్తీర్ణులై ఉండాలి.
వయోపరిమితి: 42 సంవత్సరాలు మించకూడదు. ఈడబ్ల్యూఎస్, ఎస్సీ, ఎస్టీ, బీసీ అభ్యర్థులకు 5 సంవత్సరాలు; దివ్యాంగులకు 10 సంవత్సరాల వరకు వయోపరిమితిలో సడలింపు వర్తిస్తుంది. ఎక్స్-సర్వీస్‌మెన్ అభ్యర్థులకు 50 సంవత్సరాలోపు ఉండాలి.
దరఖాస్తు విధానం: ఆఫ్‌లైన్ ద్వారా.
దరఖాస్తు ఫీజు: రూ.1000. బీసీ, ఎస్సీ, ఈడబ్ల్యూఎస్, ఎస్టీ, పీహెచ్ అభ్యర్థులు రూ.500 చెల్లించాలి.
ఎంపిక విధానం: విద్యార్హతలో సాధించిన మార్కులు, రూల్ ఆఫ్ రిజర్వేషన్ తదితరాల ఆధారంగా ఎంపిక చేస్తారు.
జీతం: 7వ యూజీసీ పే స్కేలు ప్రకారం చెల్లిస్తారు. ప్రొబేషన్ పీరియడ్ తర్వాత ఇతర భత్యాల కింద అదనంగా రూ.30,000 చెల్లిస్తారు.
వాక్-ఇన్ ఇంటర్వ్యూ తేది: 06.02.2024.
సమయం: ఉదయం 10.30 గంటల నుంచి మధ్యాహ్నం 2.00 గంటల వరకు.
వాక్ఇన్ వేదిక: O/o Director of Medical Education,
Old GGH Campus, Hanuman Peta, Vijayawada.
దరఖాస్తుకు జతచేయాల్సిన సర్టిఫికేట్లు..
➥ లేటెస్ట్ పాస్‌పోర్ట్ సైజు ఫోటో
➥ పుట్టిన తేదీ ద్రువీకరణ కోసం పదొవతరగతి సర్టిఫికేట్ కాపీ.
➥ 4 నుంచి 10వ తరగతి వరకు స్టడీ సర్టిఫికెట్. తెలంగాణలో 4 నుంచి 10వ తరగతి చదివి విభజన తర్వాత ఏపీకి వలస వచ్చినట్లయితే రెవెన్యూ అధికారుల నుంచి సర్టిఫికెట్ తీసుకోవాలి.
➥ ఇంటర్మీడియట్ సర్టిఫికేట్.
➥ ఎంబీబీఎస్ డిగ్రీ సర్టిఫికేట్.
➥ పీజీ డిగ్రీ సర్టిఫికేట్/సూపర్-స్పెషాలిటీ డిగ్రీ సర్టిఫికేట్.
➥ పీజీ డిగ్రీ మార్కుల మెమో/సూపర్-స్పెషాలిటీ డిగ్రీ మార్కుల మెమో.
➥ సీనియర్ రెసిడెన్సీ (SR) పూర్తి సర్టిఫికేట్.
➥ ఏపీ మెడికల్ కౌన్సిల్ రిజిస్ట్రేషన్ సర్టిఫికేట్.
➥ దివ్యాంగ సర్టిఫికేట్(SADAREM జారీ చేసిన).
➥ లేటెస్ట్ క్యాస్ట్ సర్టిఫికేట్ కాపీ సమర్పించాలి. లేని సమక్షంలో అభ్యర్థి ఓసీగా పరిగణించబడతారు.
➥ మెరిటోరియస్ స్పోర్ట్స్ సర్టిఫికెట్లు(స్పోర్ట్స్ కోటా కింద).
➥ సంబంధిత మరియు వర్తించే ఏవైనా ఇతర సర్టిఫికేట్ కాపీలు.
ALSO READ:
🔰 ఏపీ మెడికల్ కాలేజీల్లో 255 అసిస్టెంట్ ప్రొఫెసర్ పోస్టులు, ఈ అర్హతలుండాలి
🔰 తెలంగాణ జెన్‌కోలో డైరెక్టర్ పోస్టులు - ఎంపికైతే నెలకు రూ.1.5 లక్షల జీతం