సోషల్ మీడియా ఇన్ ఫ్లూయెన్సర్ గా నీహారికకి మంచి క్రేజ్ ఉంది. సెలబ్రిటీలతో ఆమెకి కాంటాక్ట్స్ కూడా ఉన్నాయి. ఇన్స్టాగ్రామ్ లో ఆమె పోస్ట్ చేసే వీడియోలను మన తారలు బాగా ఎంజాయ్ చేస్తుంటారు. సమంత, జాన్వీకపూర్, రణవీర్ సింగ్ ఇలా చాలా మంది సోషల్ మీడియాలో ఆమెని ఫాలో అవుతుంటారు. ఆమె వీడియోలు ఎంతో ఫన్నీగా, ఎంటర్టైనింగ్ గా ఉంటాయి. ఇన్స్టాగ్రామ్ లో ఆమెకి 2 మిలియన్ల ఫాలోవర్లు ఉన్నారు.
ఇప్పుడు ఆమె క్రేజ్ ని సినిమా ప్రమోషన్స్ కోసం వాడుకుంటున్నారు. ఇప్పటికే పలు బాలీవుడ్ సినిమాలను తన స్టైల్ లో ప్రమోట్ చేసింది. రీసెంట్ గా మహేష్ బాబు నటించిన 'సర్కారు వారి పాట' సినిమా ప్రమోషన్స్ లో పాల్గొంది. సినిమా కథకు తగ్గట్లుగా పార్క్ హయాత్ హొటల్ లో మహేష్ తాళాల బంచ్ ను దొంగిలించే వీడియో చేసింది నీహారిక. ఆ వీడియోలో చివరిగా మహేష్ కి 'ఐ లైక్ యూ' అంటూ ఆమె చెప్పే విధానం హైలైట్ గా నిలిచింది.
నీహారిక మాటలకు, యాక్షన్ కి మహేష్ పడి పడి నవ్వారు. రీసెంట్ గా 'మేజర్' ప్రమోషన్స్ లో కూడా పాల్గొంది నీహారిక. ఈ సినిమాను మహేష్ బాబు నిర్మిస్తోన్న సంగతి తెలిసిందే. అడివి శేష్, నీహారిక, మహేష్ కలిసి ఓ వీడియో చేశారు. అందులో నీహారిక 'మేజర్' టికెట్స్ కోసం లైన్ లో నిల్చోగా.. అడివి శేష్ వచ్చి ఆమె ముందు నుంచుంటారు.
దీంతో ఆమె శేష్ తో గొడవ పడుతుంది. దీంతో అతడు వెనక్కి వెళ్లిపోతారు. కాసేపటికి మహేష్ వచ్చి నీహారిక ముందు నిల్చోగా.. అతడిని చూస్తూ ఉంటుంది నీహారిక. ఆ తరువాత అతడి నెంబర్ అడుగుతుంది. ఈ వీడియో చాలా ఫన్నీగా ఉంది. నిమిషాల్లో ఇంటర్నెట్ లో వైరల్ అయిపోయింది. చూస్తుంటే నీహారిక టాలీవుడ్ లో మరిన్ని సినిమాలను ప్రమోట్ చేసేలా ఉంది!
Also Read: పాకిస్తానీ సినిమాకు Cannes 2022లో అవార్డులు - 'జాయ్ ల్యాండ్' ప్రత్యేకత ఏంటి?
Also Read: 'బ్లాక్' రివ్యూ: ఆది సాయికుమార్ హిట్ అందుకున్నాడా? అతడి ఖాతాలో మరో ఫ్లాప్ చేరిందా?