Veera Simha Reddy OTT Release Date: నందమూరి నటసింహం బాలయ్య హీరోగా గోపీచంద్ మ‌లినేని ద‌ర్శ‌క‌త్వంతో తెరకెక్కిన తాజా సినిమా ‘వీరసింహారెడ్డి’.  వ‌హించాడు. సంక్రాంతి కానుక‌గా జ‌న‌వ‌రి 12న ఈ సినిమా విడుదల అయ్యింది. అన్నాచెల్లెళ్ల అనుబంధానికి ఫ్యాక్ష‌నిజం, యాక్ష‌న్ ను జత చేసి ఈ సినిమాను తెరకెక్కించారు. ఈ సినిమాలో బాలయ్య ద్విపాత్రాభినయం చేశారు. వీర‌సింహారెడ్డి అనే రాయ‌ల‌సీమ నాయకుడిగా, జై అనే యువ‌కుడిగా నటించి మెప్పించారు. వెండి తెరపై దుమ్మురేపిన ఈ సినిమా ఇకపై ఓటీటీలోనూ సందడి చేయబోతున్నది.


ఫిబ్రవరి 23 నుంచి డిస్నీ ప్లస్ హాట్ స్టార్ లో స్ట్రీమింగ్ 


ఈ సినిమా ఫిబ్రవరి 23 సాయంత్రం 6 గంటల నుంచి ఓటీటీలో స్ట్రీమ్ కాబోతున్నది. ఈ విషయాన్ని డిస్నీ ప్లస్ హాట్ స్టార్ ఓటీటీ ఫ్లాట్ ఫామ్ అఫీషియల్ గా ప్రకటించింది. ఈ సినిమా డిజిటల్ హక్కులను రూ. 15 కోట్లకు డిస్నీ ప్లస్ హాట్ స్టార్ కొనుగోలు చేసినట్లు తెలుస్తోంది. థియేటర్లలో విడుదలైన 40 రోజుల తర్వాత డిజిటల్ ఫ్లాట్ ఫామ్ లోకి ‘వీరసింహారెడ్డి’ మూవీ అడుగు పెట్టబోతున్నది.  


ఈ సినిమా బాక్సాఫీస్ దగ్గర వసూళ్ల వర్షం కురిపించింది. ప్రపంచ వ్యాప్తంగా ఈ చిత్రం రూ. 130 కోట్లకు పైగా వసూళు చేసింది. బాల‌య్య కెరీర్ లోనే అత్యధిక వసూళు చేసిన సినిమాగా నిలిచింది.  బాలకృష్ణ కెరీర్ లో 107వ సినిమాగా ఈ మూవీ ప్రేక్షకుల ముందుకు వచ్చింది. మైత్రి మూవీ మేకర్స్ సంస్థ ఈ సినిమాను నిర్మించింది. ఇక ఈ సినిమాలో బాలయ్య సరసన శృతి హాసన్ హీరోయిన్ గా నటించింది. హనీ రోజ్, వరలక్ష్మీ శరత్ కుమార్, కన్నడ స్టార్ దునియా విజయ్, మలయాళ నటుడు లాల్, నవీన్ చంద్ర, మురళీ శర్మ, ఈశ్వరీ రావు సహా పలువురు ఈ సినిమాలో నటించారు.  వ‌ర‌ల‌క్ష్మి శ‌ర‌త్‌ కుమార్ ఈ చిత్రంలో నెగెటివ్ షేడ్ లో కనిపించింది.  






‘వీరసింహారెడ్డి’ సినిమాతో సరికొత్త పద్దతికి తెర తీసిన మల్టీ ప్లెక్స్‌లు


ఇక ఈ సినిమా కొత్త పద్దతికి తెర తీసింది.  హైదరాబాద్‌లోని మల్టీ ప్లెక్స్‌లు కూడా తొలిసారి ఉదయం 4.30 గంటలకు షోలు వేశాయి. ఇప్పటి వరకూ కేవలం సింగిల్‌ స్క్రీన్లు మాత్రమే ఇలాంటగి బెనిఫిట్‌ షోలు వేసేవి. తొలిసారి మల్టీప్లెక్స్‌ లు కూడా ‘వీరసింహారెడ్డి’తో ఈ కొత్త సంప్రదాయం మొదలు పెట్టాయి. ఇక ప్రస్తుతం బాలయ్య అనిల్ రావిపూడి దర్శకత్వంలో ఓ సినిమా చేస్తున్నారు. ‘NBK 108’ పేరుతో ఈ సినిమా రూపొందుతోంది. ఈ మూవీలో కాజల్ అగర్వాల్, కృతి శెట్టి హీరోయిన్లుగా నటిస్తున్నట్లు తెలుస్తోంది. పూర్తి వివరాలు త్వరలోనే అఫీషియల్ గా బయటకు రానున్నాయి.    


Read Also: వివేక్ అగ్నిహోత్రి vs ప్రకాష్ రాజ్ - ‘కశ్మీర్ ఫైల్స్’పై మాటల యుద్ధం, ఆగని ‘ఆస్కార్’ చిచ్చు!