Dil Raju on Ajith vs Vijay: అందుకే విజయ్‌ను నెంబర్ వన్ హీరో అనేది - క్లారిటీ ఇచ్చిన నిర్మాత దిల్ రాజు

తమిళంలో విజయ్‌నే నెంబర్ వన్ హీరో అన్న దిల్ రాజు వ్యాఖ్యాలపై గత కొద్ది రోజులుగా చర్చ నడుస్తోంది. దీనిపై ఆయన స్పందించాడు. ప్రస్తుతం దిల్ రాజు వ్యాఖ్యలు నెట్టింట వైరల్ అవుతున్నాయి. 

కోలీవుడ్ ఇండస్ట్రీలో స్టార్ హీరోలు అజిత్, విజయ్ అభిమానుల మధ్య ఎప్పుడూ ఏదొక వివాదం చెలరేగుతూనే ఉంటుంది. ఆ ఇద్దరు హీరోల సినిమాలకూ ఎప్పుడూ పోటీ ఉంటూనే ఉంటుంది. ఇక వీరిద్దరి సినిమాలు ఒకేసారి రిలీజైతే ఆ పోటీ ఎలా ఉంటుంతో చెప్పక్కర్లేదు. దీంతో అభిమానులు కూడా మా హీరో గొప్పంటే.. మా హీరో గొప్ప అంటూ.. సోషల్ మీడియాలో చర్చలకు దిగుతారు. అయితే ఇటీవల టాలీవుడ్ ప్రముఖ నిర్మాత దిల్ రాజు హీరో విజయ్ గురించి చేసిన వ్యాఖ్యలు తమిళనాట పెద్ద దుమారమే రేపాయి. తమిళంలో విజయ్ నే నెంబర్ వన్ హీరో అంటూ దిల్ రాజు చేసిన కామెంట్స్ అజిత్ ఫ్యాన్స్ కు కోపం తెప్పించాయి. దీంతో అజిత్ ఫ్యాన్స్ దిల్ రాజుపై ట్రోలింగ్ మొదలుపెట్టారు. ఇది దాదాపు కొన్ని రోజులుగా జరుగుతుంది. అయితే ఇన్ని రోజులూ దిల్ రాజు తాను చేసిన వ్యాఖ్యలపై స్పందించలేదు. దీంతో ఇది కాస్తా వివాదంగా మారింది. ఇటీవల ఓ ఇంటర్వ్యూలో పాల్గొన్న దిల్ రాజు తమిళ హీరోల గురించి తాను చేసిన కామెంట్లపై స్పందించారు. ప్రస్తుతం దిల్ రాజు వ్యాఖ్యలు నెట్టింట వైరల్ అవుతున్నాయి. 

నిర్మాత దిల్ రాజు దర్శకుడు వంశీ పైడిపల్లి దర్శకత్వంలో విజయ్ హీరోగా ‘వారిసు’ సినిమాను నిర్మిస్తున్నారు. ఈ చిత్రాన్ని తెలుగులో ‘వారసుడు’ పేరుతో విడుదల చేస్తున్నారు. సంక్రాంతి కానుకగా ఈ సినిమా ప్రేక్షకుల ముందుకు రానుంది. అయితే గతంలో దిల్ రాజు ఓ ఇంటర్వ్యూలో పాల్గొన్నాడు. ఆ సందర్భంగా తమిళంలో అజిత్ కంటే విజయ్ నే ఎక్కువ అనే మాటను వాడాడు. ఇక్కడే అసలు వివాదం మొదలైంది. ఈ వ్యాఖ్యలు అజిత్ ఫ్యాన్స్ కు నచ్చలేదు. దీంతో దిల్ రాజు టార్గెట్ గా ట్రోలింగ్ స్టార్ట్ చేశారు. దిల్ రాజు ఎప్పుడూ ఇంతే ఏ సినిమా తీస్తే ఆ హీరో ను పొగుడుతూ ఉంటాడు అంటూ సోషల్ మీడియాలో కామెంట్స్ చేస్తున్నారు. అయితే తాజా ఇంటర్వ్యూలో విజయ్ నే నెంబర్ వన్ హీరో ఎందుకు అనే దానిపై దిల్ రాజు క్లారిటీ ఇచ్చారు.

సినిమా ఇండస్ట్రీలో తాను ఓ కొత్త ఒరవడిని సృష్టిస్తున్నానని, ఓ తమిళ హీరోను తెలుగు దర్శకుడితో కలిపానని, తమిళ డైరెక్టర్‌ తో తెలుగు హీరోను కలిపానని అన్నారు. ఇది కొత్త ట్రెండ్ అన్న ఆయన తన వద్ద కథ రెడీగా ఉంటే ఏ స్టార్ హీరోను అయినా కలుస్తాను అని తెలిపారు. స్టార్ హీరో అంటే అది ఆ హీరో కు ఉండే క్రేజ్ అని అన్నారు. గత ఐదారు సంవత్సరాల్లో హిట్ ఫ్లాప్ లతో సంబంధం లేకుండా విజయ్ సినిమాలు రూ.60 కోట్లకు పైగానే వసూళ్లు సాధించాయని అన్నారు. అందుకే విజయ్ నెంబర్ వన్ అని అన్నాను అని చెప్పుకొచ్చారు. ఇక తన మిగతా ప్రాజెక్టుల గురించి మాట్లాడుతూ.. శంకర్, రామ్ చరణ్ RC15 దాదాపు 60 షూటింగ్ పూర్తయిందని అన్నారు. వచ్చే ఏడాది ఈ మూవీను విడుదల చేస్తామని చెప్పారు. అలాగే ప్రభాస్, ఎన్టీఆర్, అల్లు అర్జున్ లతో కూడా సినిమాలు చేయబోతోన్నట్టుగా తెలిపారు.