Urfi Javed: దుబాయ్ హాస్పిటల్‌లో ఉర్ఫీ జావెద్ - అకస్మాత్తుగా ఏమైంది?

దుబాయ్ పర్యటనలో ఉన్న నటి ఉర్ఫీ జావేద్ అనారోగ్యం బారినపడింది. లారింగైటిస్ తో హాస్పిటల్ బెడ్ మీదికి చేరింది. చికిత్స తర్వాత డిశ్చార్జ్ అయ్యింది.

ఉర్ఫీ జావేద్.. సోషల్ మీడియా సంచలనం. వింత వింత డ్రెస్సులతో నిత్యం వార్తల్లో నిలుస్తోంది. ఓటీటీ బిగ్ బాస్ షో ద్వారా బాగా పాపులర్ అయ్యింది ఉర్ఫీ జావేద్. హౌస్ నుంచి బయటకు వచ్చిన తర్వాత పలు వివాదాలతో బాగా ఫేమస్ అయ్యింది. ముఖ్యంగా ఆమె వేసుకునే డ్రెస్సుల వల్లే నిత్యం సోషల్ మీడియాలో హల్ చల్ అవుతోంది. తాజాగా ఈ ముద్దుగుమ్మ దుబాయ్ పర్యటనకు వెళ్లింది. అక్కడ అనుకోకుండా ఆరోగ్య సమస్యలు తలెత్తాయి. హాస్పిటల్లో చేరి ట్రీట్మెంట్ తీసుకుంది. ఇంతకీ ఆమె ఏమైందో తెలుసుకోవాలంటే.. ఈ స్టోరీ చదవాల్సిందే!

ఉర్ఫీకి లారింగైటిస్(స్వరపేటికవాపు ) సమస్య

ప్రస్తుతం ఉర్ఫీ దుబాయ్ పర్యటనలో ఉంది. ఈ నేపథ్యంలో తనకు లారింగైటిస్(స్వరపేటికవాపు ) సమస్య తలెత్తింది. గొంతు వాపు రావడంతో ఆస్పత్రికి వెళ్లింది. డాక్టర్ ఆమెకు పలు రకాల టెస్టులు నిర్వహించి లారింగైటిస్‌ సమస్య ఉన్నట్లు తెలిపారు. హాస్పిటల్ బెడ్ మీద ఉన్న వీడియోను సోషల్ మీడియాలో వలిదింది. తనకు ఈ ఇన్ఫెక్షన్ ఎలా సోకిందో ఇందులో ఉర్ఫీ వివరించింది. డాక్టర్ కూడా ఆమె నోటిని జిప్ చేయమని తిట్టడం, సైగ చేయడం వీడియోలో చూడవచ్చు. అనంతరం ఉర్ఫీ ఒక కేఫ్ దగ్గర హాట్ డ్రింక్ సిప్ చేస్తున్న ఫోటోలను షేర్ చేసింది. 'ఆధి ట్రిప్ బిమారీ మే చలీ గీ!' (సగం ట్రిప్ జ్వరంతోనే సరిపోయింది) అంటూ ఫోటోకు క్యాప్షన్ పెట్టింది.   

లారింగైటిస్ అంటే ఏంటి?

లారింగైటిస్ తీవ్రమైన అనారోగ్యం కాదు. గొంతులో తలెత్తే చిన్న సమస్య. ఇంకా చెప్పాలంటే స్వరపేటిక దగ్గర ఏర్పడే ఇన్ ఫెక్షన్. సమస్య తీవ్రం అయితే వాయిస్ నెమ్మదిగా తగ్గుతుంది. తీవ్రత పెరుగుతున్న కొద్ది వాయిస్ దాదాపుగా గుర్తించలేనిదిగా మారుతుంది. తీవ్రమైన సమస్య కాకపోయినా, సరైన సమయంలో చికిత్స తీసుకోకపోతే అనేక ఇన్ఫెక్షన్లకు దారితీసే అవకాశం ఉంది.  

టీవీ సీరియల్స్ ద్వారా ఆకట్టుకున్న ఉర్ఫీ

ఉర్ఫీ జావేద్ బిగ్ బాస్ షో తర్వాత  పలు టీవీ షోలలో నటించింది. ‘బడే భయ్యా కి దుల్హనియా’లో అవనీ పాత్రను పోషించి బాగా పేరు సంపాదించింది. ALT బాలాజీలో ప్రసారమైన ‘మేరీ దుర్గా’లో ఆర్తిగా, ‘బేపన్నా’లో బెల్లాగా,  ‘పంచ్ బీట్’ సీజన్ 2లో మీరాగా కనిపించింది. 2016 నుండి 2017 వరకు, ఉర్ఫీ స్టార్ ప్లస్ ‘చంద్ర నందిని’లో ఛాయా పాత్రను పోషించింది. 2018లో SAB TV  ‘సాత్ ఫేరో కి హెరా ఫెరీ’లో కామినీ జోషి పాత్రను పోషించింది. 2020లో ఉర్ఫీ జావేద్ ‘యే రిష్తా క్యా కెహ్లతా హై’లో శివాని భాటియాగా చేసింది. ఆ తర్వాత ‘కసౌతి జిందగీ కే’లో తనీషా చక్రవర్తి పాత్ర పోషించింది.

అక్టోబర్ 15, 1997న లక్నోలో ఉర్ఫీ జావేద్ జన్మించింది. ఆమెకు అస్ఫీ జావేద్ అనే సోదరి ఉంది. లక్నోలోని అమిటీ యూనివర్సిటీ నుంచి మాస్ కమ్యూనికేషన్‌ లో పట్టా అందుకుంది. పరాస్ కల్నావత్‌ తో రిలేషన్‌ షిప్‌ కొనసాగిస్తోంది.