Upcoming Movies This Week In Theaters :శుక్ర‌వారం వ‌చ్చిందంటే సినిమా ల‌వ‌ర్స్ కి పండ‌గే. కొత్త కొత్త సినిమాలు రిలీజ్ అవుతుంటాయి. ఇక ఓటీటీల్లో వ‌చ్చే సినిమాల కోస‌మైతే ఎదురు చూస్తూ ఉంటారు చాలామంది. అయితే, ఈ వారం పెద్ద హీరోల సినిమాలు థియేట‌ర్ల‌లో లేవు. అన్ని చిన్న సినిమాలే రిలీజ్ అవుతున్నాయి. అయితేనేం ఈ రోజుల్లో హ‌వా అంతా చిన్న సినిమాలదే. ఇక ఓటీటీలో కూడా ఎక్కువ‌గా బాలీవుడ్, హాలీవుడ్ సినిమాలే రిలీజ్ అవుతున్నాయి. మ‌రి అవి ఏంటో ఓక‌సారి చూద్దాం. 


'రాజుయాద‌వ్' గా శ్రీ‌ను


గెట‌ప్ శ్రీ‌ను ప‌రిచ‌యం అక్క‌ర్లేని పేరు. జ‌బ‌ర్ద‌స్త్ షో లో ఎన్నో విభిన్న‌మైన గెటప్ లు వేసి మంచి పేరు తెచ్చుకున్నాడు శ్రీ‌ను. ఎన్నో సినిమాల్లో మంచి మంచి క్యారెక్ట‌ర్లు చేశారు. ఇక ఇప్పుడు హీరోగా త‌న అదృష్టాన్ని ప‌రీక్షించుకోబోతున్నాడు. 'రాజు యాద‌వ్' గా ఈ వారం ప్రేక్ష‌కుల ముందుకు రాబోతున్నాడు. ఈ నెల 23న సినిమా రిలీజ్ కాబోతోంది. వాస్త‌వానికి ఈ సినిమా మే 17న రిలీజ్ కావాల్సి ఉండ‌గా.. కొన్ని కార‌ణాల వ‌ల్ల పోస్ట్ పోన్ అయ్యింది. ఈ సినిమాకి కృష్ణ మూర్తి. కె ద‌ర్శ‌క‌త్వం వ‌హిస్తుండ‌గా... అంకిత కారాట్ హీరోయిన్ గా చేశారు. ప్ర‌శాంత్ రెడ్డి, రాజేశ్ క‌ల్లేప‌ల్లి నిర్మాత‌లుగా వ్య‌వ‌హ‌రిస్తున్నారు.  


'ల‌వ్ మీ'


షార్ట ఫిలిమ్స్ లో చేసి ఎంతోమంది అభిమానుల‌ను సంపాదించుకుని, 'బేబీ' సినిమాతో కుర్ర‌కారు మ‌న‌సు దోచేసుకున్న వైష్ణ‌వి చైత‌న్య న‌టించిన సినిమా 'ల‌వ్ మీ'. ఆశిష్, వైష్ణవి చైత‌న్య జంట‌గా న‌టించిన ఈ సినిమా మే 25న ప్రేక్ష‌కుల ముందుకు రానుంది. 'ల‌వ్ మీ ఇఫ్ యూ డేర్' అనే ఉప శీర్షికతో వ‌స్తోంది ఈ సినిమా. దిల్ రాజు ప్రొడ‌క్ష‌న్స్ ప‌తాకంపై హ‌ర్షిత్ రెడ్డి, హ‌న్షిత, నాగ మ‌ల్లిడి ఈ సినిమాని నిర్మిస్తున్నారు. ఈ సినిమాకి సంబంధించిన ట్రైల‌ర్ ఇప్ప‌టికే జ‌నాన్ని తెగ ఆక‌ట్టుకుంది. డిఫ‌రెంట్ కాన్పెప్ట్ తో ఈ సినిమా రాబోతున్న‌ట్లు ట్రైల‌ర్ చూస్తే అర్థం అవుతుంది. ఈ సినిమాకి ఆస్కార్ అవార్డు గ్ర‌హీత కిర‌వాణి మ్యూజిక్ అందించారు. అరుణ్ భీమ‌వ‌ర‌పు ద‌ర్శ‌క‌త్వం వహించారు. 


'డ‌ర్టీ ఫెలో'


ఈ వారం థియేట‌ర్ లో రిలీజ్ అవుతున్న మ‌రో సినిమా డ‌ర్టీ ఫెలో. శాంతి చంద్ర‌, దీపిక సింగ్, సిమ్రితి న‌టించిన ఈ సినిమా మే 24న ప్రేక్ష‌కుల ముందుకు రానుంది. ఈ సినిమాకి ఆడారి సాయి ద‌ర్శ‌కుడు కాగా.. జి.ఎస్.బాబు నిర్మించారు. స‌త్య ప్ర‌కాశ్, నాగినీడు, జ‌య‌శ్రీ త‌దిత‌రులు ముఖ్య పాత్ర పోషించారు. ఇక ఈ వారం వ‌స్తున్న మ‌రో చిత్రం 'ఎ మాడ్ మాక్స్ సాగా'. యాక్ష‌న్, అడ్వెంచ‌ర‌స్ సినిమా ఇది. మే 23 న ఇంగ్లీష్ తో పాటు తెలుగు, హిందీలో రిలీజ్ కానుంది ఈ సినిమా. 


ఓటీటీల్లో రిలీజ‌య్యే సినిమాలు ఇవే.. 


నెట్ ఫ్లిక్స్: 'ట ఫెస్ట్ ఫోర్సెస్ ఆన్ ది ఎర్త్' (డాక్యుమెంట‌రీ సిరీస్) మే 22న‌,  'అట్లాస్' అనే హాలీవుడ్ సినిమా మే 24న‌, 'క్య్రూ' అనే హిందీ సినిమా మే 24న‌ రిలీజ్ కానున్నాయి. 


జీ5: 'వీర్ సావ‌ర్క‌ర్' హిందీలో మే 24న రిలీజ్ కానుంది. 


డిస్నీ + హాట్ స్టార్: 'ది క‌ర్దాషియ‌న్స్ 5' అనే వెబ్ సిరీస్ మే 23న రిలీజ్ కానుంది. 'ద బీచ్ బాయ్స్' అనే డాక్యుమెంట‌రీ మూవీ మే 24న ప్రేక్ష‌కుల ముందుకు రానుంది. 


జియోసినిమా: 'ఆక్వామెన్ - 2' తెలుగు మే 21న రిలీజ్ కానుంది. 'డ్యూన్ 2' అనే హాలీవుడ్ సినిమా కూడా మే 21న జియో సినిమాలో అందుబాటులోకి వ‌స్తుంది.


Also Read: శ్రీకాంత్ ఉన్నది హైదరాబాద్‌లోనే - బెంగళూరు రేవ్ పార్టీ ఇష్యూలో క్లారిటీ