నట సింహం నందమూరి బాలకృష్ణ (Nandamuri Balakrishna) లో చిలిపితనాన్ని, ఆయన ఎంత సరదాగా ఉంటారు? అనే విషయాన్నీ ప్రేక్షకులకు తెలిసేలా చేసింది 'అన్‌స్టాప‌బుల్‌ విత్ ఎన్‌బీకే' (Unstoppable With NBK). 'ఆహా' ఓటీటీ వేదికలో స్ట్రీమింగ్ అయ్యింది. ఫస్ట్ సీజన్ సూపర్ డూపర్ సక్సెస్ కావడంతో రెండో సీజన్ స్టార్ట్ చేస్తున్నారు. ప్రస్తుతం టర్కీలోని ఇస్తాంబుల్‌లో ఎన్‌బీకే107 సినిమా షూటింగ్ చేస్తున్న బాలకృష్ణ, తిరిగొచ్చిన వెంటనే... 'అన్‌స్టాప‌బుల్‌ 2' (Unstoppable 2) స్టార్ట్ చేయనున్నారు. 


నందమూరి అభిమానులకు... బాలయ్య భక్తులకు... శుభవార్త ఏంటంటే? ఈ రోజు 'అన్‌స్టాప‌బుల్‌ యాంథమ్' విడుదల చేశారు. 'అన్‌స్టాప‌బుల్‌ విత్ ఎన్‌బీకే 2' టైటిల్ సాంగ్‌కు యువ సంగీత దర్శకుడు మహతి స్వర సాగర్ బాణీ అందించారు. యువ గాయకుడు, ర్యాపర్ రోల్ రైడ సాహిత్యం అందించడంతో పాటు స్వయంగా ఆలపించారు. 


'తను ఎంట్రీ ఇస్తే కంట్రీ అంతా ఊగేనంటా...
డైలాగు వదిలితే మోగిపోద్ది బాడీ అంతా!
మాటలు తప్పుకొని వెళ్ళలేవు రాంగ్ వే...' అంటూ రోల్ రైడ ర్యాప్ స్టైల్‌లో పాటను ప్రేక్షకుల ముందుకు తీసుకొచ్చారు.     


ఈ పాట గురించి నందమూరి బాలకృష్ణ మాట్లాడుతూ ''రోల్ రైడ, మహతి స్వర సాగర్ చేసిన యాంథమ్ నాకు ఎంతోగానో నచ్చింది. నా అభిమానులతో పాటు 'ఆహా' వీక్షకులు, ప్రేక్షకులు అందరికీ నచ్చుతుందని ఆశిస్తున్నాను'' అని పేర్కొన్నారు. అక్టోబర్‌లో 'అన్‌స్టాప‌బుల్‌ 2' స్టార్ట్ కానున్నట్లు ఆహా ప్రతినిథులు పేర్కొన్నారు. 



దసరాకు సెకండ్ సీజన్ ఫస్ట్ ఎపిసోడ్!?
విజయ దశమి సందర్భంగా 'అన్‌స్టాప‌బుల్‌ విత్ ఎన్‌బీకే 2' (Unstoppable With NBK Season 2) ప్రారంభం కానుందని ఆ మధ్య వినిపించింది. అయితే... ప్రస్తుతం బాలకృష్ణ టర్కీలో ఉన్నారు. ఆయన తిరిగి వచ్చిన తర్వాత ఎపిసోడ్స్ షూటింగ్ స్టార్ట్ చేయాలి. ఒక్కసారి వస్తే... షూటింగ్, ఎడిటింగ్ చేయడం పెద్ద పని ఏమీ కాదు. ఒక్క రోజులో రెండు మూడు ఎపిసోడ్స్ రెడీ చేయవచ్చు. 


Also Read : కత్తి పట్టిన బాలకృష్ణ - విదేశాల్లో ఊచకోత


'అన్‌స్టాప‌బుల్‌ విత్ ఎన్‌బీకే 2'లో ఎవరెవరు సందడి చేయనున్నారు? అనే ఆసక్తి వీక్షకులలో ఉంది. అంత కంటే ముందు... ఎవరితో స్టార్ట్ కానుంది? అనే విషయం కూడా క్యూరియాసిటీ కలిగిస్తోంది. విశ్వసనీయ వర్గాల సమాచారం ప్రకారం... తొలి ఎపిసోడ్‌కు మెగాస్టార్ చిరంజీవి అతిథిగా రానున్నారట. ఆయన మాత్రమే కాదు... చిరు సోదరుడు పవర్ స్టార్ పవన్ కళ్యాణ్, మాటల మాంత్రికుడు త్రివిక్రమ్ మరో ఎపిసోడ్‌లో సందడి చేయనున్నారట.   


మహేష్, బన్నీ... రెండోసారి?
తొలి సీజన్‌లో సందడి చేసిన మహేష్ బాబు, అల్లు అర్జున్ వంటి ప్రముఖులు రెండో సీజన్‌లో కూడా సందడి చేయనున్నారని టాక్. ఫస్ట్ సీజన్ సాధించిన విజయం కారణంగా రెండో సీజన్ మీద అంచనాలు భారీగా పెరిగాయి. అందువల్ల, ఈసారి మరింత వినోదాత్మకంగా, కొత్తగా ఉండేలా ప్లాన్ చేస్తున్నారట.


Also Read : గజగజ వణికించే గజరాజడిగోరో - మెగాస్టార్ రేంజ్ సాంగ్ అంటే ఇదీ