Trinayani Telugu Serial Today Episode : సుమన ఉలూచిని ఎంత పిలిచినా రాదు. ఇక నయని ఉలూచి పాప అంటూ పిలిస్తే పాములా ఉలూచి పాప వస్తుంది. ఇక ఉలూచి పాము గిన్నెలోని పాలు, గ్లాస్‌లో ఉన్న పాలు రెండింటినీ చూస్తుంది. ఇక ఇంట్లో వాళ్లంతా బెట్ కట్టాలి అంటారు. దీంతో సుమన.. ఉలూచి గ్లాస్‌లో పాలు తాగితే ఒక రోజు అంతా నయని ఏం చెప్తే అది చేస్తా అని పందెం కడుతుంది. ఇక ఉలూచి పాముకు నయని గ్లాస్‌లో పాలు తాగమని చెప్తుంది. దీంతో తాను గ్లాన్‌లోని పాలలో విషం కలిపినట్లు తెలిసిపోతుందని తిలోత్తమ చాలా టెన్షన్ పడుతుంది. ఇక ఉలూచి పాము కూడా గ్లాస్‌లో పాలు తాగేస్తుంది. పందెంలో నయని గెలవడంతో సుమన చిరాకుగా అక్కడి నుంచి వెళ్లిపోతుంది. ఇక సుమన తన గదికి వెళ్లి అదే తలచుకొని దొరికిన ప్రతి వస్తువు కింద పడేస్తుంది. ఆ సౌండ్‌కి విక్రాంత్ పరుగున అక్కడికి వస్తాడు.
సుమన: నా మాట వినకుండా మా అక్క మాట వింటుందా.. కన్నది నేనా మా అక్క. అందరి ముందు నేను ఫూల్ అయిపోయాను. నా పరువు అంతా గంగలో కలిసిపోయేలా చేసింది ఆ ఉలూచి.
విక్రాంత్: ఏయ్ ఎందుకు ఇలా పనికిమాలిన పనులు చేస్తున్నావు.
సుమన: ఇలాంటి వస్తువులు పోతే ఏం కాదు అండీ.. కానీ నా మర్యాద పోతేనే తిరిగిరాదు.
విక్రాంత్: ఇప్పుడు ఏం అయింది.
సుమన: ఉలూచి నా మాట వినలేదు.
విక్రాంత్: చిన్న పిల్ల అది కూడా పాము రూపంలో ఉంది నీ మాట ఎలా వింటుంది.
హాసిని: ముందు నువ్వు వినాలి చిట్టి చిన్న విషయానికే బెట్టు చేయడం మానుకోవాలి.
సుమన: మీరంతా నాకు చెప్పడం కాదు మా అక్కకి చెప్పాలి. పసిపిల్లని అడ్డం పెట్టుకొని పోటీ ఏంటని తనని అడగాల్సింది. ఉలూచిని కన్న తర్వాత నేను గెలిచాను అనుకున్నాను. మా అక్క చేతిలో ఓడిపోవడానికే దానిని కనుంటే నా కూతురే వద్దు.. అంటూ పాప ఉయ్యాలని తంతుంది.
విక్రాంత్: పళ్లు రాలతాయ్ ఉయ్యాలను తంతే.
నయని: ఏమైంది ఎందుకు గొడవ పడుతున్నారు. ఏం జరిగింది.
విక్రాంత్: ఉలూచి మీరు చెప్పినట్లు విన్నాదని ఉడికిపోతుంది.
నయని: దానివల్ల నష్టం ఏం జరగలేదే.
హాసిని: రేపు నువ్వు చెప్పినట్లు వినాల్సి వస్తుందని చిట్టీ ఫీలైపోతుంది.
నయని: నేను ఏమైనా ఊడిగం చేయమని చెప్పానా.
సుమన: నువ్వు చెప్పినా చెప్తావు అక్క. ఇప్పుడే నా బిడ్డకు బాగా ట్రైనింగ్ ఇచ్చావు. నువ్వు ఏం చెప్తే అదే వింటుంది. అయినా నేను గిన్నెలోని పాలలో ఏమైనా విషం కలిపానా.. ఉలూచి గ్లాస్‌లోని పాలే తాగింది.
నయని: గిన్నెలో కాదు గ్లాస్‌లోని పాలలో విషం ఉంది. లేకపోతే ఏంటి అక్క పాము పిల్ల విషం తాగినా ఏం కాదు అని పరీక్షించడానికి నేను అలాంటి పని చేస్తానా.. ప్రేమతో తీసుకొచ్చి అక్కడ పెట్టిన పాలలో తమకి నచ్చిన పాలు తాగాలి అనుకుంటారు పసిపిల్లలు.
సుమన: నువ్వు చెప్పినట్లే ఎందుకు వినాలి అంటాను.
మరోవైపు ఎద్దులయ్య పాశం మీద కూర్చొని ధ్యానం చేస్తుంటాడు. అలా ఎందుకు అని హాసిని అడుగుతుంది.
నయని: ఎద్దులయ్య భవబంధనమే పాశము కదా మరి ఇది.
ఎద్దులయ్య: ఇది యమపాశం మాతా. కోరలు చాచుకున్న యమధర్మరాజుని శాంత పర్చడానికి సమాయక్తం అవ్వమని సూచిస్తున్నాను.
నయని: అర్థమైంది ఈరోజు కోరల పౌర్ణమి కద. దీన్నే నరక పౌర్ణమి అని కూడా అంటారు. కోరలమ్మని పూజించాలి. పాపపుణ్యాలను లెక్కించే చిత్రగుప్తుడి చెల్లెలే కోరల.
ఎద్దులయ్య: సరదాలు తర్వత కోరలమ్మకు మినపరొట్టెలు చేయండి.
నయని: మినపరొట్టెలు చేసి సాయంత్రం చిన్న ముక్క కొరికి కుక్కలకు వేయాలి.
ఎద్దులయ్య: చంద్రవ్రతం పూర్తి చేసి కోరలమ్మ అనుగ్రహం పొందితేనే ఆపదల నుంచి వచ్చే భయాలు పోతాయి.
మరోవైపు సుమన పరుగు విక్రాంత్ దగ్గరకు వచ్చి మళ్లీ ఇంట్లో ఏదో పూజ చేస్తున్నారు అని అంటుంది. ఇంట్లో ఎవరో పిండం పెట్టించుకోబోతున్నారా అని నిలదీయండి అని సుమన చెప్తుంది. ఇంతలో ఎద్దులయ్య అక్కడికి వస్తారు. ఇక విక్రాంత్‌తో తాడు కావాలని ఎద్దులయ్య అడుగుతాడు. అయితే తాను యమపాశం కోసం వచ్చానని సుమన బెడ్ కింద ఉన్న తాడు తీసుకెళ్తాడు. ఇక నల్లతాడును పట్టుకొని యమపాశం అంటారు ఎందుకు అది కూడా ఈబెడ్ కిందకు ఎందుకు వచ్చింది అని సుమన అనుమానం వ్యక్తం చేస్తుంది. ఇక నయని, హాసినిలు పూజకు ఏర్పాట్లు చేస్తారు. దీంతో ఇవాళ్టి ఎపిసోడ్ పూర్తవుతుంది.