Madhuranagarilo June 19th: స్పెషల్ పెళ్లి కార్డు చూసి రాధ షాక్ అవుతుంది. దాంతో అందరూ ఏం జరిగింది అని అడగటంతో.. కార్డులో తన పేరు ఉంది అని చెబుతుంది. షాప్ మాత్రం అందులో రాధ ఫోటో ఉందని బాగా టెన్షన్ పడుతూ ఉంటాడు. ఇక మధుర కార్డు తీసుకొని చూసి బంధుమిత్రుల శ్రేయోభిలాషుల తో కాకుండా నీ పేరు పెట్టించాడమ్మా అని చెబుతుంది. దాంతో శ్యామ్ ఊపిరి పీల్చుకుంటాడు.
ఇక శ్యామ్ కూడా ఆ కార్డు చూసి మరి రాధ ఫోటోతో ఉన్న కార్డు ఏమైంది అని ఆలోచనలో పడతాడు. అది ఈ కార్డులలో ఉందేమో అని అనుకుంటాడు. వెంటనే బయటికి వచ్చి ప్రింటింగ్ చేసే వ్యక్తిని పిలిచి అడుగుతాడు. అదే సమయంలో అక్కడికి సంయుక్త వచ్చి పొగరుగా చూస్తూ ఉంటుంది. ఇక ఆ ప్రింటింగ్ చేసే వ్యక్తి జరిగిన విషయం చెబుతాడు.
శ్యామ్ వెళ్లిన తర్వాత సంయుక్త మేడం వచ్చి కార్డు గురించి మాట్లాడి.. ఆ తర్వాత అక్కడ రాధ ఫోటోని చూసిన సంయుక్త.. ఈ ఫోటో ఇక్కడ ఎందుకు ఉంది అని అడిగి నిజం తెలుసుకుంటుంది. ఆ ఫోటో పెట్టొద్దు అని స్పెషల్ కార్డు లో కూడా తమ ఫోటోనే పెట్టాలి అని చెప్పి అక్కడినుంచి వెళ్తుంది. ఇక ఈ విషయాన్ని అతడు శ్యామ్ కు చెప్పటం తో శ్యామ్ తను రాధ ను ప్రేమిస్తునానన్న విషయం సంయుక్తకు తెలిసిందా అని టెన్షన్ పడతాడు.
ఇక వెనక్కి తిరిగే చూసేవరికి సంయుక్త ఉంటుంది. ఇక సంయుక్త తనకు నిజం తెలియదు అన్నట్టుగా మాట్లాడటం తో శ్యామ్ ఊపిరి పీల్చుకొని లోపలికి వెళ్తాడు. వెంటనే సంయుక్త ఈ విషయాన్ని తన తల్లికి చెప్పగా.. ఆవిడ ఆవేశం తో కృంగిపోతుంది. గట్టిగా అడగాలని నిశ్చయించుకుంటుంది. కానీ సంయుక్త ఆపి పెళ్లి జరిగాక రాధ పని చెబుతాను అని అంటుంది.
మరోవైపు గన్నవరం శ్యామ్ ఎంగేజ్మెంట్ గురించి ఆలోచిస్తూ తలపీక్కుంటాడు. అదే సమయంలో అక్కడి నుంచి నానాజీ, విల్సన్ వాళ్ళు వచ్చి గన్నవరం ప్రవర్తనను చూసి పిచ్చి పట్టింది అనుకోని వీడియో తీస్తారు. వెంటనే ఆ విషయాన్ని గన్నవరం భార్యకు చెబుతారు. ఇక తను కూడా తన భర్తకు అలా జరిగిందని బాధపడుతుంది.
గన్నవరం ఇంటి కి వచ్చి కూడా కాస్త పిచ్చి పిచ్చిగా ప్రవర్తించడంతో నిజంగా పిచ్చి పట్టింది అని బాధపడుతుంది. పెళ్లి కార్డు దేవుని దగ్గర పెట్టి స్వీట్ చేయటంతో ఆ స్వీట్ తన భర్తకి ఇస్తుంది. ఇక రాధ కూడా రావటంతో రాధకు కూడా స్వీట్ పెడుతుంది. పైన శ్యామ్ తో పండు సరదాగా ఆడుకుంటూ కనిపిస్తాడు. ఇక వాళ్ళు కిందికి వస్తుంటారు. ఇక అక్కడున్న రాధను అలాగే చూస్తూ ఉండిపోతాడు శ్యామ్.
Also Read: Trinayani June 19th: నగలు చూసి చూపు పోగొట్టుకున్న సుమన- తల్లి, కొడుకుకు షాకిచ్చిన విశాలాక్షి?