Naga Panchami Today Episode పంచమి తన ఊరు చేరుకొని శివయ్య దగ్గరకు వెళ్తుంది. చిన్నతనం నుంచి సేవలు చేసినా తన మీద కనికరం లేకుండా ఇంకా పరీక్షిస్తున్నావా స్వామి అని ఏడుస్తుంది. ఈ కష్టాల నుంచి తనకు విముక్తి లేదా అని శివుడి పాదాల దగ్గర కూలబడిపోతుంది. మరోవైపు మోక్ష కూడా పంచమిని వెతుక్కుంటూ వస్తుంటాడు.
పంచమి: స్వామి అన్నీ ఇచ్చినట్లే ఇస్తున్నారు. నోటికి అందే లోపు లాగేసుకుంటున్నారు. అదేదో నన్నే మీ దగ్గరకు తీసుకొని వెళ్లిపోతే నాకు ఈ బాధలు ఉండవు కదా స్వామి. త్వరగా ఈ పని చేయండి స్వామి. కన్న తల్లిని ఎలాగూ చూసుకోలేదు. కనీసం నా బిడ్డను అయినా చూసుకొనే అదృష్టం నాకు లేదా స్వామి. మా అమ్మ నా కడుపున పుట్టబోతుందని ఎంతో సంతోషించాను. కానీ నా బిడ్డను నాగలోకానికి ఇచ్చేయాలి అంట. ఇదెక్కడి న్యాయం స్వామి. ఏ కన్న తల్లి అయినా ఈ ఘోరాన్ని తట్టుకోగలదా చెప్పండి స్వామి. మీరు మాట్లాడరు స్వామి. నేను బతికుండగా నా బిడ్డను దూరం చేసుకోలేను. ఇప్పటికే బాగా అలిసిపోయి ఉన్నాను. నన్ను మీ దగ్గరకి తీసుకెళ్లిపోండి స్వామి. కనీసం ఈ కోరిక అయినా తీర్చండి స్వామి. అని పంచమి తల బాదుకుంటుంది.
పంచమి స్ఫృహ కోల్పోతుంది. దీంతో శివుడి మూడో కన్ను నుంచి ఏ వెలుగు వస్తుంది. దీంతో పంచమి కళ్లు తెరుస్తుంది. ఆ వెలుగు చూసి పంచమి ఆశ్చర్యపోతుంది. తన జన్మధన్యమైందని సంతోషపడుతుంది. తన కన్నబిడ్డను తనని మీ అక్కున చేర్చుకోండి అని అంటుంది. దీంతో శివుడి నుంచి మాటలు వినిపిస్తాయి.
దేవుడు: పంచమి నీ బిడ్డ నీ దగ్గరే ఉంటుంది. శివాంశతో పుట్టబోయే నీ బిడ్డ నీ దగ్గరే క్షేమంగా ఉంటుంది. ఈ మాటలు వినిపించిన తర్వాత పంచమి మళ్లీ స్ఫృహ కోల్పోతుంది. ఇక సుబ్బు అక్కడికి వస్తాడు. పంచమి నుదిటిపై గాయాన్ని పొగొడతాడు. పంచమి నవ్వుకుంటూ మెలకువలోకి వస్తుంది. సుబ్బుతో తనకు శివయ్య కనిపించారని చెప్తుంది.
పంచమి: సుబ్బు నా బిడ్డ నా దగ్గరే ఉంటుందని శివయ్య చెప్పారు.
సుబ్బు: నాన్న గారు చెప్పారంటే జరిగి తీరుతుంది.
పంచమి: నాన్న గారా.. నేనే ఆ స్వామి గురించి చెప్తున్నా సుబ్బు.
సుబ్బు: లోకానికే ఆయన తండ్రి నాకు కూడా ఆయనే తండ్రి పంచమి.
పంచమి: నిన్ను చూస్తే నాకు సొంత తమ్ముడిలా అనిపిస్తావు సుబ్బు. నీతో చెప్పుకుంటే నాకు కష్టం తీరిపోతుంది. ఇంతలో మోక్ష అక్కడికి వస్తాడు. ఇక సుబ్బు స్వామిని వేడుకొని వెళ్తే అంతా మంచే జరుగుతుందని చెప్తాడు. దీంతో పంచమి, మోక్ష ఇంటికి బయల్దేరుతారు.
మరోవైపు వరుణ్, జ్వాలలు అత్తామామల ఆశీర్వాదం తీసుకుంటారు. జ్వాలా ప్రెగ్నెంట్ అని చెప్తారు. అందరికీ స్వీట్స్ పంచుతారు. ఇక జ్వాల, వరుణ్‌లు మోక్ష పంచమిని తీసుకొని వచ్చినా పంచమిని ఈ ఇంట్లో ఉంచొద్దని చెప్తారు. తను ఇంటి పెద్ద కోడలని కొత్తగా వచ్చిన పంచమి కోసం తాను ఇంటి నుంచి వెళ్లడం జరగదని అంటుంది. ఇక శబరి ఇప్పటికే పంచమి విషయంలో చాలా తప్పులు చేశామని ఇకపై ఆలోచించి నిర్ణయం తీసుకోమని అంటుంది.
పంచమి తన బిడ్డను నాగేశ్వరి నాగలోకం తీసుకెళ్లిపోతా అని చెప్పిందని మోక్షకు చెప్పకూడదని అనుకుంటుంది. ఇక మోక్ష తనతో చెప్పకుండా ఎందుకు వచ్చావని అడుగుతాడు. దీంతో పంచమి తాను తన బిడ్డ మోక్షకు ఓ సమస్య కాకూడదని అంటుంది. తన కోసం మోక్ష ఇంత వరకు అనుభవించిన నరకం చాలని అంటుంది. దీంతో మోక్ష చాలా బాధపడతాడు. ఇద్దరం ఒకటే అని చెప్తాడు. తన పోరాటమంతా పంచమి, బిడ్డ క్షేమంగా ఉండాలని అంటాడు. బిడ్డ కోసం ఎన్ని సమస్యలు అయినా కలిసే భరిద్దామని మోక్ష అంటాడు. పంచమిని ఇంటికి రమ్మని అంటే పంచమి రాను అంటుంది. దీంతో ఇవాళ్టి ఎపిసోడ్ పూర్తవుతుంది.
Also Read: నేను, నాగార్జున ఇంజనీరింగ్‌లో క్లాస్‌మేట్స్, అప్పట్లో నాగ్ ఎలా ఉండేవాడంటే.. - కృష్ణమాచారి శ్రీకాంత్