Naga Panchami Today Episode: నాగదేవత శక్తులు ప్రసాదించడంతో పంచమి పాములా మారుతుంటుంది. ఇక మోక్ష పంచమి దగ్గరకు వెళ్లి ఏమైంది పంచమి.. మాట్లాడు అని అడుగుతాడు. దీంతో పంచమి మెల్లగా తేరుకుంటుంది. ఇక మోక్ష పంచమితో మళ్లీ నీలో పాము లక్షణాలు కనిపించాయి అని చెప్తాడు. దాంతో పంచమి అవును మోక్షాబాబు నా ఒంట్లోకి నాగశక్తి వచ్చి చేరింది అని అంటుంది. ఫణేంద్ర నాగ దేవతను ఒప్పించినట్లు ఉన్నాడని పంచమి మోక్షతో చెప్తుంది.
పంచమి: నాకు ఇప్పుడు పూర్తిగా నమ్మకం వచ్చేసింది. ఫణేంద్ర చెప్పినట్లు చేశాడు. మిమల్ని నేను కచ్చితంగా బతికించుకుంటాను మోక్షబాబు. ఇక మీరు ధైర్యంగా ఉండొచ్చు.
మోక్ష: నీ ధైర్యమే నా ధైర్యం పంచమి. నేను బతికినా నువ్వు మాత్రం నన్ను వదిలిపెట్టి వెళ్లొద్దు. నేను బతికేది నీకోసమే పంచమి. నువ్వు లేకుండా నాకు ఆ ప్రాణం తిరిగి వచ్చినా ప్రయోజనం లేదు.
పంచమి: మనసులో.. నేను నాగలోకం వెళ్లిపోయి తీరాలి మోక్షాబాబు. నేను ఇక్కడే ఉంటే మీరు ప్రాణాలతో ఉండరు. మీరు ప్రాణాలతో ఉండాలి అంటే నేను ఈలోకంలో ఉండకూడదు.
మోక్ష: చెప్పు పంచమి నన్ను వదిలిపెట్టి వెళ్లను అంటేనే నన్ను బతికించు. లేదంటే నా పాటికి నన్ను వదిలేసి ఇప్పుడే వెళ్లిపో. ఫణేంద్ర వెళ్లి చెప్పగానే నాగదేవత ఒప్పుకొని నీకు నాగశక్తులు ఇచ్చింది అంటే నాకు అనుమానం కలుగుతుంది. చెప్పు పంచమి నాగలోకం వస్తాను అని వాళ్లకి మాట ఇచ్చావా.. చెప్పు పంచమి చెప్పు.
పంచమి: మోక్ష బాబు నేను పూర్తిగా కాలాన్నినమ్ముతాను. మనం అనుకున్నట్లు ఒకరు కోరుకున్నట్లు ఏం జరగదు. దైవం ఏం నిర్ణయిస్తే ఆ సమయానికి కాలం తనపని తాను చేసుకొని వెళ్లిపోతుంది. ప్రస్తుతం మీ గండం గడిచిపోవాలి. పోయిన ప్రాణం తిరిగిరావాలి. ఇప్పుడు అది జరగాలి అని మనం కోరుకుంటున్నాం. కానీ కాలం ఏం నిర్ణయించిందో తెలిసిపోతే అప్పుడు నా గురించి రేపటి రోజున ఆలోచిద్దాం. ఇంకేం ఆలోచించకండి ఈరోజు మనం అనుకున్నది జరిగితే చాలు దానికి దేవుడు మనకి చాలా సాయం చేసినట్లు అవుతుంది. అంతకు మించి కోరుకుంటే అది అత్యశే అవుతుంది.
జ్వాల తాను మనిషి పాములా మారడం కళ్లారా చూశానని చెప్పినా మోక్ష నాలుగు కేకలు వేసేసరికి అందరూ దాన్ని కొట్టిపారేశారు అని అనుకుంటుంది. పాముగా మారిన ఫణేంద్ర పంచమి ఫ్రెండ్ అయితే పంచమి కూడా పామే అని అందులో ఏం డౌట్‌ లేదని ఫిక్స్ అవుతుంది. ఇంతలో చిత్ర అక్కడికి వస్తుంది. అదంతా నువ్వు వీడియో తీసి సోషల్ మీడియాలో పెట్టుంటే చాలా పాపులర్ అయ్యేదానివి అక్క అని అంటుంది. దీంతో జ్వాలకి కోపం వచ్చి మీరు నమ్మినా నమ్మకపోయినా అదే నిజం. ఆ పామే వచ్చి మీ అందర్ని కాటేసి చంపేస్తే పీడా పోతుంది అంటుంది.
జ్వాల: ఇప్పటికైనా మించిపోయింది ఏం లేదు పంచమిని ఇంటికి రానిచ్చి మంచి పని చేశారు. అంత నా మంచి కోసమే జరుగుతుంది అనిపిస్తోంది. నా లెక్క ప్రకారం పంచమి కూడా అలాంటి పామే. జాగ్రత్తగా కనిపెట్టి పంచమి పాములా మారే టైంలో నేను చూడగలితే ఇక నా పంట పండినట్లే.
చిత్ర: ఏంటి అక్క పెద్ద లాటరీ తగిలినట్లు అంత సంతోషం. పంచమి పాము అని తెలిస్తే మహా అయితే తరిమేస్తారు. లేదంటే కొట్టి చంపేస్తారు అంతే కదా.
పంచమి: శివయ్య నా భర్త ప్రాణాలతో చెలగాటం ఆడుతున్నాను. ఎక్కడు ఏ చిన్న పొరపాటు జరిగినా పాపం అంతా నాదే అవుతుంది. ఎలా అయినా నాగమణి తెచ్చి నా భర్తను బతికించుకునేలా చేయు స్వామి. నువ్వే నా భర్తకు ప్రాణం పోయాలి. తన కళ్లు తెరవడం చూసిన తర్వాతే నేను ఈ లోకం వదిలి నాగలోకం వెళ్లిపోతాను. లేదంటే నా భర్త కాళ్ల దగ్గరే తల పగలగొట్టుకొని చచ్చిపోతాను.
మోక్ష: ఏదో ఒకటి మాట్లాడు పంచమి. మనం ఏం మాట్లాడుకున్నా ఈరోజు రాత్రి వరకే. నన్ను మళ్లీ కలుస్తాను అన్న ఆశ నీలో ఉన్నా నాకు మాత్రం ఈరోజే చివరి రోజుగా అనిపిస్తుంది. మళ్లీ నేను కళ్లు తెరుస్తా అన్న నమ్మకం నాకు లేదు అందుకే చెప్తున్నా పంచమి నాకోసం నువ్వు ఆందోళన పడకు. ఈరోజు కాకపోయినా ఒక వారంలో అయినా నేను చనిపోవల్సిందే.
పంచమి: మీరు అలా మాట్లాడితే నాకు భయం వేస్తుంది మోక్షాబాబు. ఈ ప్రయత్నానికి నేను ధైర్యం చేయలేను.
మోక్ష: మంచికో చెడుకో దిగేశాం పంచమి ఇక వెనకడుగు వేయలేం.
పంచమి: మనకున్న దారి ఇదొక్కటే మోక్షాబాబు. మిమల్ని బతికించుకోవడానికి నాకు మరో మార్గం కనిపించడం లేదు. ఫణేంద్రకు ఎందుకో నా మీద కనికరం కలిగి ఇందుకు ఒప్పుకున్నాడు.
మోక్ష: ఏ విషయంలో నైనా కీడెంచి మేలు ఎంచడం మంచిది. నేను బతికితే సరి లేకపోతే నీ సంగతి ఏంటి పంచమి. నేను లేకుండా నువ్వు ఇంట్లో ఉండటం కష్టం. పాములా మారితే నిన్ను నువ్వు కాపాడుకోలేవు. నీ గురించి అంతా తెలుసు కాబట్టి నువ్వు మీ అమ్మ దగ్గరకు వెళ్లు పంచమి అక్కడైతే నాగసాధువుల సాయం కూడా దొరుకుతుంది.
పంచమి: మనసులో.. మీరు ఉన్నా లేకపోయినా నేను ఈ లోకంలో ఉండే అవకాశమే లేదు. నేను శాశ్వతంగా నాగలోకంలో ఉండిపోతాను అంటేనే ఫణేంద్ర మిమల్ని బతికించడానికి ఒప్పుకున్నాడు.
మోక్ష: వింటున్నావా పంచమి నేను ప్రాణాలతో ఉంటే నిన్ను గుండెల్లో పెట్టుకొని చూసుకుంటా.. మనకు పిల్లలు ఉన్నా లేకపోయినా.. నాకు నువ్వు నీకు నేను తోడుంటాం.
మరోవైపు మేఘన మహాంకాళిని ఆవాహనం చేస్తుంది. దీంతో మహాంకాళి కరాళి చివరి కోరికగా రూపం మార్చమని అడిగి మళ్లీ నన్నెందుకు ఆవాహనం చేస్తున్నావు అని అడుగుతుంది. ఇక తన పిలుపుకు కారణం ఏంటని అడుగుతుంది. దీంతో కరాళి తన చిరకాల వాంఛ తీరబోతుంది అని.. నాగమణి నాగలోకం రానుంది అని చెప్తుంది. దీంతో మహాంకాళి సృష్టిలో అద్భుతం జరగబోతుంది అని.. అలాంటి అద్భుతమే నాగలోకంలో ఉండే నాగమణి. మహా అద్భుతం జరిగితే తప్పు ఎవ్వరూ ఆ నాగమణిని స్థానభ్రంశం చేయలేరు అని చెప్తుంది. ఇక కరాళి తన శత్రువైన పంచమి నాగలోకంలో అడుగుపెట్టబోతుంది. నాగమణి తీసుకొని భూలోకం రాబోతుంది అని చెప్తుంది. ఆ నాగమణిని తాకి ఆ శక్తిని తట్టుకుని నిలబడే శక్తిని తనకు ఇవ్వాలని పంచమి మహాంకాళిని కోరుతుంది.
ఫణేంద్ర: మన ప్రయాణంలో సగం విజయం సాధించాం. నాగదేవత నా అభ్యర్థనను మన్నించి నీకు ఇష్టరూప శక్తులు ప్రసాదించింది యువరాణి. ఇప్పుడు నీకు నువ్వే పాములా మారగలవు. తిరిగి మనిషిగా కూడా మారగలవు. కావాలి అంటే ఒకసారి ప్రయత్నించి చూడు. భయపడకు యువరాణి కళ్లు మూసుకొని నాగదేవతను ధ్యానం చేసుకో పిమ్మటే మారిపోతావు. మళ్లీ మనిషిగా మారకపోతే ఎలా అని భయపడుతున్నట్లు ఉన్నావ్ అంతే కదా యువరాణి. నన్ను నమ్మండి మీకు అలాంటి భయాలు అక్కర్లేదు. నాగదేవత మీకు పూర్తిగా ఇష్టరూప శక్తులు ప్రసాదించింది. నువ్వు ఎప్పుడు కావాలి అంటే అన్ని సార్లు పాముగా మనిషిగా మారగలవు.
మోక్ష: పంచమి ధైర్యం చేయు పంచమి. మనకు వెనకడుగు వేసే అవకాశం లేదు. మంచి జరిగినా చెడు జరిగినా ముందుకు వెళ్లాల్సిందే పంచమి. నువ్వు పాముగా మారినా మనిషిగా ఉన్నా నా భార్యవే. నువ్వు నన్ను కాటేసినా పర్లేదు నేను నిన్ను వదిలిపెట్టి వెళ్లను.
ఫణేంద్ర: మీ భయం ఏంటో ఇప్పుడు నాకు అర్థమైంది. ఒకవేళ యువరాణి పాముగా మారితే మిమల్ని గుర్తుపట్టకుండా శత్రువు అనుకొని ఇప్పుడే కాటేస్తుందేమో అని మీ భయం. దీంతో ఇవాళ్టి ఎపిసోడ్ పూర్తవుతుంది.