Karthika Deepam Idi Nava Vasantham Promo Today Episode కార్తీక్ దీపలు ఒకరికి ఒకరు ఎదురవుతారు. కార్తీక్ దీప కోసం తన ఊరిలో వెతకడం ప్రారంభిస్తాడు. దీంతో దీప కార్తీక్‌ల మధ్య రిలేషన్ ఏంటా అని క్యూరియాసిటీ పెరుగుతుంది. ఈ తరుణంలో తాజాగా వచ్చిన ప్రోమో సీరియల్ మీద ఆసక్తి పెంచేస్తుంది. ఇంతకీ ప్రోమోలో ఏముంది అంటే..
"ఓ వ్యక్తి వైట్ షూట్ బూట్ వేసుకొని దీప దగ్గరకు వస్తాడు. దీప ఏదో పని చేస్తుంటే వెనకాలే వచ్చి నిల్చొంటాడు. దీంతో దీప షాక్ అయి కంగారు పడుతుంది. నీ భర్త నా దగ్గర అప్పు తీసుకున్నాడు తీర్చలేదు. అందుకు మనం ఓ పని చేద్దాం దీపా అని అంటాడు. నువ్వు నన్ను నీ పెనిమిటి అనుకున్నావ్ అనుకో నా అప్పు తీరుతుంది. నా అవసరం తీరుతుందని అంటాడు. దీంతో దీప ఆ వ్యక్తి చెంప పగలగొడుతుంది. అడగ్గానే మంచి నీళ్లు ఇచ్చానని మొగుడి స్థానం కూడా ఇస్తాను అనుకున్నావా.. నాలుక చీరేస్తా ఇలాంటి తప్పుడు కూతలు కూశావంటే అని దీప వార్నింగ్ ఇస్తుంది.
మరోవైపు కార్తీక్ అదే వ్యక్తిని దీప ఇల్లు ఎక్కడ అని అడుగుతాడు. దీంతో ఆ వ్యక్తి ఎట్లా కనిపిస్తున్నాను రా? నీ లాంటి వాళ్లు దాని వెనక వంద మంది ఉన్నా.. నేను దాన్ని వదిలిపెట్టను అని అంటాడు. దీంతో కార్తీక్ బుద్ధి లేకుండా అది ఇదీ అంటారేంటి.. అని అతన్ని ప్రశ్నిస్తాడు. ‘‘నా ఇష్టం వచ్చినట్లు అంటాను. దాన్నిఅయితే విడిచేది లేదు. దాని అంతు చూస్తా. చెప్పు దానికి..’’ అని అంటే కార్తీక్ అతన్ని లాగి ఒక్కటిచ్చి ‘‘ఇంకో సారి దీప జోలికి వస్తే చంపుతా’’ అని వార్నింగ్ ఇస్తాడు. దీంతో ప్రోమో పూర్తవుతుంది.
నిన్నటి ఎపిసోడ్‌లో ఏం జరిగిందంటే..
దీప సైకిల్ పోటీల్లో పాల్గొంటుంది. పోటీల్లో అందరి కంటే ముందంజలో ఉంటుంది. నిర్వాహకులు మొదటి బహుమతి ఫ్రిడ్జ్, రెండో బహుమతి వాషింగ్ మెషిన్, మూడో బహుమతి సైకిల్ అని చెప్తారు. దీంతో దీప సౌర్యకి సైకిల్ ఇవ్వాలని కావాలనే మూడో స్థానం కోసం ఆగిపోయి ఆ స్థానం దక్కించుకుంటుంది. మరోవైపు జ్యోత్స్న అందాల పోటీల్లో మొదటి స్థానంలో నిలిచి మిస్ హైదరాబాద్ కిరీటాన్ని సొంతం చేసుకుంటుంది.
ప్రైజ్‌లు ఇవ్వడానికి బిజినెస్‌మాన్ కార్తీక్ వస్తాడు. మూడో స్థానంలో నిలిచిన దీపక్కకు సైకిల్ బహుమతి తీసుకోమని నిర్వాహకులు పిలుస్తారు. దీప బహుమతి తీసుకోవడానికి వెళ్తూ కార్తీక్‌ను చూసి ఆగిపోతుంది. ఇక కార్తీక్ కూడా దీపని చూసి షాక్ అయిపోతాడు. ఇష్టం లేకుండానే దీప బహుమతి తీసుకోవడానికి వెళ్తుంది. కార్తీక్‌ను చూసి చిరాకు ముఖం పెడుతుంది. అక్కడున్న నిర్వాహకులు దీపను కార్తీక్‌కు పరిచయం చేస్తారు. దీపక్క మా ముత్యాలమ్మ ఊరిలో అందరి ఆకలి తీర్చే అన్నపూర్ణ సార్. వంటలు బాగా చేస్తుందని చెప్తారు.
కార్తీక్ సైకిల్ దీపకు ఇస్తూ.. ఆ తప్పు నేను చేయలేదు. నన్ను నమ్మండని అంటాడు. దీంతో దీప నేను నమ్మను నన్ను నమ్మించ లేరు బాబుగారు అని హడావుడిగా సైకిల్ తీసుకొని వెళ్లిపోతుంది. ఇక సౌర్య సైకిల్ కోసం నా కోసం కావాలనే మూడో స్థానంలోకి వచ్చావు కదా అని అంటుంది.
కార్తీక్ దీప గురించి ఆలోచిస్తాడు. దీప మాటలు తలచుకొని మాట్లాడే అవకాశం ఉండి ఉంటే జరిగిందంతా వివరించే వాడిని అని తనలో తాను అనుకుంటాడు. నిర్వాహకులు ఏం మాట్లాడిని కార్తీక్ వినిపించుకోడు. దీప ఇప్పుడే వెళ్లింది కదా ఇక్కడే ఎక్కడో ఉంటుందని తనని ఎలా అయినా కలిసి జరిగిందంతా చెప్పాలని అనుకొని డ్రైవర్‌ని పంపేసి తానే దీప కోసం వెతుకుతాడు.
దీప కూడా కార్తీక్ మాటలు తలచుకొని బాధ పడుతుంది. మరోవైపు కార్తీక్ కారులో తిరుగుతూ దీప గురించి వెతుకుతూ కనిపించిన వాళ్లను దీప గురించి అడుగుతాడు. దీప కనిపిస్తే కానీ తిరిగి వెనక్కి వెళ్లను అని నిజం దీపకు చెప్పి అప్పుడు తను క్షమిస్తే ఇంటికి వెళ్లనని అనుకుంటాడు.
మరోవైపు జ్యోత్స్న కిరీటం పెట్టుకొని ఇంటికి వస్తుంది. నానమ్మ పారిజాతం పొగిడేస్తూ దిష్టి తీస్తుంది. జ్యోత్స్నని అందరూ కంగ్రాట్స్ చెప్తారు. కార్తీక్ తల్లిదండ్రులు కంగ్రాట్స్ చెప్పినా జ్యోత్స్న వినిపించుకోదు. దీంతో జ్యోత్స్నపై తన తల్లి సీరియస్ అవుతుంది. ఏమైంది నీకు నువ్వు రాగానే మీ అత్తయ్య మామయ్య విష్ చేశారు నువ్వు రిప్లే ఇవ్వలేదు. మీ శ్రీధర్‌ మామయ్య మాట్లాడాలి అని చూశారు నువ్వు పట్టించుకోలేదని.. కిరీటంతో పాటు కళ్లు కూడా తలకు ఎక్కాయా అని తిడుతుంది. దీంతో తన బావ కార్తీక్ రాలేదు విష్ చేయలేదు అని ఫీలై బుంగమూతి పెట్టుకుంటుంది. దీంతో శివనారాయణ ముందు జ్యోత్స్న అలక తీర్చండి అని చెప్తాడు.