Jagadhatri Serial Today Episode: ఆరాధ్య, ధాత్రికి ఫోన్ చేసి జిమ్ లో జరుగుతున్న విషయాలు మొత్తం చెప్తుంది. జిమ్ చేసే వాళ్ల ఎనర్జీ లెవెల్‌ చూస్తుంటే ఇంకేదే జరుగుతుందనిపిస్తుంది. ముసలి వాళ్లు కూడా యంగర్స్‌ లాగా ప్రవర్తిస్తున్నారని చెప్పడంతో మేము వస్తున్నాం అని ఫోన్ కట్‌ చేస్తుంది. మరోవైపు జిమ్‌లో ఎక్కువ డోస్‌ తీసుకున్న ఒకతను ఇంకా బతికే ఉన్నాడని తెలిసిన యువరాజ్, టోనీ డాక్టర్‌కు ఫోన్ చేసి హాస్పిటల్‌ కు తీసుకెళ్తుంటారు.
ఆరాధ్య: ఏమైంది సార్‌.. అతనికి మీ ప్రొటిన్‌ డ్రింక్‌ తాగిస్తే లేచి కూర్చుంటారని లోపలికి తీసుకెళ్లారు కదా?
యువరాజ్: అతను ఏం తినకపోవడం ఏం తాగకపోవడం వల్ల బాడీ డీహైడ్రేట్‌ అయింది. అందుకే ఇలా పడిపోయాడు. అనవసరంగా న్యూసెన్స్‌ చేయకండి.
ఆరాద్య: నేనెక్కడ న్యూసెన్స్‌ చేస్తున్నాను.
టోనీ, ఆరాధ్యను పక్కకు తోసేసి.. బయటకు వెళ్లిపోతాడు. అతన్ని హాస్పిటల్‌కు పంపించి లోపలికి వచ్చిన టోనీ, యువరాజ్ ను ఆరాధ్య అడ్డుకుంటుంది. ఇంతలో ధాత్రి, కేదార్‌ అక్కడికి వస్తారు. వాళ్లను చూసిన యువరాజ్ షాక్‌ అవుతాడు. మీరు ఇక్కడికి ఎందుకు వచ్చారని అడగ్గానే యోగీంద్ర అనే అతను వర్కవుట్‌ చేస్తూ పడిపోయాడని తెలిసి వచ్చామని ధాత్రి చెప్పి జిమ్ చెక్ చేయబోతుంటే టోనీ అడ్డుపడతాడు. దీంతో ధాత్రి, టోనీని కొడుతుంది.
యువరాజ్: టోనీ ఆ జేడీతో పెట్టుకోవద్దని చెప్పాను కదా నీకు. మీ అన్నయ్యకు చుక్కలు చూపించింది.
కేదార్‌: ఏంటి టోనీ ఒక్క పంచుకే రోడ్డు మీద వెళ్లే తూతుంబర్‌ గాడిలా గోడకు అతుక్కున్నావు. ఇందాకా నాలాంటోడు మీకు ఇంతవరకు తగల్లేదన్నావు. దీనికేనా ఇంత బిల్డప్‌ ఇచ్చావు.
ధాత్రి: కేడీ పిచ్చుక మీద బ్రహ్మాస్త్రం ఎందుకు వాడిని వదిలేయ్‌..
యువరాజ్: వద్దు ఆగండి మీరు వెళ్లి సర్చ్‌ చేసుకోండి. నీకేమైనా పిచ్చి పట్టిందా? వాడు నిజంగా డంబెల్‌ తో కొట్టి చంపేవాడు. అసలే మాలు లోపల ఉంది అది దొరికే కనక మన సంగతి అంతే
అని టోనీని అక్కడి నుంచి తీసుకెళ్తాడు యువరాజ్. ధాత్రి, కేదార్‌ సర్చ్‌ చేస్తుంటారు. మరోవైపు మీనన్‌ డ్రగ్స్‌ డీల్‌ చేస్తుంటాడు. ఆ జేడీ కళ్లముందే ఈ మత్తు మొత్తాన్ని సిటీలోకి తీసుకెళ్తాను అని తన అనుచరులకు చెప్తాడు. అదే విషయాన్ని మఫ్టీలో ఉన్న సాధు కొడుకు అభి ధాత్రికి సమాచారం ఇవ్వాలనుకుంటాడు. మరోవైపు జిమ్ లో సర్చ్‌ చేస్తున్న ధాత్రి, కేదార్‌ అభి కాల్ మాట్లాడటానికి బయటకు వెళ్తారు.
యువరాజ్: వాడెవడో కానీ సమయానికి దేవుడిలా కాల్ చేసి మనల్ని బతికించాడు.
టోని: అవును యువరాజ్ బ్రో.. ఆ జేడీ పొగరు, పవర్ చూస్తుంటే అన్నంత పని చేసేలా ఉంది. ముందు ఈ మాల్‌ అంతా తీసి సేఫ్‌ ప్లేస్‌లో పెడదాం.
యువరాజ్: సరే త్వరగా తీయ్‌..
అని అక్కడి నుంచి మాల్‌ మారుస్తుంటారు. బయటకు వెళ్లిన ధాత్రి, అభితో ఫోన్ మాట్లాడుతుంది. మీనన్‌ డ్రగ్స్‌ గురించి చెప్తాడు అభి. అవి సిటీలోకి వస్తే చాలా డేంజర్‌ అని చెప్పగానే అవి సిటీలోకి రాకుండా మేము చూసుకుంటామని మీరు మాత్రం జాగ్రత్తగా ఉండమని చెప్తుంది ధాత్రి. సరేనని ఫోన్ కట్‌ చేస్తాడు అభిమన్యు. మేడంకు సమాచారం వెళ్లిందంటే సరుకును పట్టుకుంటారని ఖదీర్‌, అభిమన్యుకు చెప్తాడు. సరుకును పట్టించడమే కాదు మీనన్‌ ను పట్టించడమే మన ధ్యేయం అంటాడు. మరోవైపు ధాత్రి, కేదార్‌ లోపలికి వెళ్లే లోపు అక్కడ ఉన్న డ్రగ్స్‌ ను మారుస్తారు టోనీ, యువరాజ్. లోపలికి వెళ్లిన ధాత్రి యువరాజ్‌కు వార్నింగ్ ఇవ్వడంతో ఇవాళ్టీ ఎపిసోడ్ అయిపోతుంది.
ALSO READ: సాంబ్రాణి ధూపం ఉపయోగాలు తెలుసా? ఆ రోజు ధూపం వేస్తే మీకు లక్ష్మీకటాక్షమే