Jagadhatri Serial Today Episode: కౌషికి వచ్చి రేపు మన ఇంటికి ఎంక్వైరికీ జేడీ వస్తుందని చెప్పగానే అందరూ షాక్‌ అవుతారు. ఇప్పుడు ఎందుకు వస్తుందని అడుగుతారు. ఏదో నాన్నగారి యాక్సిడెంట్ కేసు గురించి వస్తున్నామని చెప్పారు. అయినా ఇవన్నీ మీకెందుకు వాళ్లు వచ్చినప్పుడు మీరు ఎవ్వరూ ఏమీ అనోద్దనే చెప్పడానికి వచ్చాను అని వెళ్లిపోతుంది కౌషికి. మరోవైపు ధాత్రి, కేదార్‌ లు గార్డెన్‌ లో నీళ్లు పడుతుంటారు. ఇంతలో సత్య ప్రసాద్‌ వస్తాడు.
ప్రసాద్‌: ఇన్నాళ్లకు మనోళ్లు ఎవరో పనోళ్లు ఎవరో తెలుసుకున్నారు. ఎవర్ని ఎక్కడ పెట్టాల్నో తెలుసుకున్నారు. నెమ్మదిగా అవుట్‌ హౌస్‌ నుంచి అవుటాప్‌ హౌస్‌కు పంపిస్తే మీ ఇంట్లో ఎలాంటి గొడవలు ఉండవు.
సుధాకర్‌: రండి అందరూ మీ కోసం ఇంట్లో ఎదురుచూస్తున్నారు. నువ్వు రారా.. వైజయంతి తీసుకెళ్లు.
ప్రసాద్‌: ఏంట్రా అందరూ వెయిట్‌ చేస్తున్నారు అని మమ్మల్ని లోపలికి పంపించి నువ్వు మాత్రం బయటే నిలబడి గేటు వైపు చూస్తున్నావేంటి..?
సుధాకర్‌: ఏం లేదురా.. ఏదో ఎంక్వైరీ అని ఇంటికి పోలీసులు వస్తున్నారట. వాళ్లతో మాట్లాడి ఈరోజు కాకుండా వేరే రోజు రమ్మని చెప్పడానికి ఇక్కడే నిలబడ్డాను.
ప్రసాద్‌: ఎంక్వైరీనా..? దేని కోసం ఎంక్వైరీ..
సుధాకర్‌: మా అన్నయ్య మధుకర్‌ డెత్‌ గురించి
ప్రసాద్‌: అవును ఆ కేసు ఎప్పుడో క్లోజ్‌ అయిపోయింది కదరా..? మళ్లీ ఎంక్వైరీ దేనికి..
సుధాకర్‌: మధుకర్‌ అన్నయ్య డెత్‌ యాక్సిడెంట్ కాదంట మర్డర్‌ అంట
అని సుధాకర్‌ చెప్పగానే ప్రసాద్‌ భయపడతాడు. ఆ మర్డర్‌ కేసులో నేను ఉన్నాను. అది మర్డర్‌ అయితే నేను జైలుకు వెళ్లిపోతాను అని మనసులో అనుకుంటూ అయినా అది మర్డర్‌ ఏంట్రా అంటాడు. దీంతో ధాత్రి, కేదార్‌ మర్డర్‌ గురించి పోలీసులే చెప్తున్నారు కదా? అంటారు. ఇంతలో కౌషికి బయటకు వచ్చి బాబాయ్‌ పోలీసులు రానీ వస్తే నేను చూసుకుంటాను మీరు లోపలికి పదండి అని చెప్తుంది. అందరూ లోపలికి వెళ్లిపోతారు. తర్వాత అందరూ సంగీత్ లో డాన్స్‌ చేస్తుంటారు. ఇంతలో జేడీ, కేడీ ఎంక్వైరీకి వస్తారు. వాళ్లను చూసిన అందరూ షాక్‌ అవుతారు.
కౌషికి: ఇంట్లో ఫంక్షన్‌ జరుగుతుంది. ఇలాంటి టైంలో మా ఇంటికి పోలీసులు వస్తే మా పరువు పోతుందని ఎంతగా చెప్పినా ఎందుకు మీరు ఇంత మొండిగా ప్రవర్తిస్తున్నారు.
ధాత్రి: ఏంటి కౌషికి గారు పోలీసులు పరువు తీయడానికే పుట్టనట్టు మాట్లాడుతున్నారు. పోలీసులు డ్యూటీ చేయాలంటే మేం మొండిగానే ఉండాలి. అయినా మీ నాన్న గారి మరణం యాక్సిడెంట్ కాదు. యాక్సిడెంట్ గా క్రియేట్‌ చేసిన మర్డర్‌ అంటే మీరేంటండి ఇంతలా అడ్డుపడుతున్నారు.
కమలాకర్‌: మా అన్నయ్య ఎలా చనిపోయారో మాకు తెలుసు. ఇంట్లో ఫంక్షన్‌ జరుగుతుంది మీరు వెళ్లిపోండి.
కేదార్‌: ఇంట్లో మనిషిని ఎవరో చంపేశారు అంటున్నా కూడా మీరు ఇంకా ఫంక్షన్‌ గురించి ఆలోచిస్తున్నారా..?
వైజయంతి: చూడండి మా ఇంట్లో మనిషి గురించి మాకు బాధ ఉంది. కానీ మా మధ్యలో లేని మనిషి గురించి ఆలోచిస్తూ మా బిడ్డ పెళ్లి చెడగొట్టుకోలేం కదా..?
నిషిక: అయినా వీరితో మనకేంటి అత్తయ్య మాటలు. మర్యాదగా బయటికి వెళ్లారా..? లేదా..?
ధాత్రి: మీరేం చేసినా మా డ్యూటీ మేము చేసుకుని వెళ్లిపోతాము. మీ అందరూ కో ఆపరేట్‌ చేస్తే పది నిమిషాలు. లేదంటే మీ ఇష్టం.
ప్రసాద్‌: వీళ్లను ఎలాగైనా ఆపాలి. ఈ కేసు మర్డర్‌ అని తెలిసే ఎలాంటి ఆధారాలు దొరికినా నాకు ప్రాబ్లమ్‌ ( అని మనసులో అనుకుంటాడు.) అయినా ఇల్లు సెర్చ్ చేయాలంటే సెర్చ్ వారెంట్‌ ఉండాలి కదా..?
కేదార్‌: ఇదిగోండి సెర్చ్ వారెంట్‌.. ఇది సరిపోతుందా..? సార్‌ లేదంటే మీరు చేస్తున్న న్యూసెన్స్‌ కు అరెంట్‌ వారెంట్‌ తీసుకురావాలా..?
యువరాజ్‌: వాళ్లను ఎట్టి పరిస్థితుల్లో ఆ రూంలోకి వెళ్లనివ్వకూడదు.
అని యువరాజ్‌ మనసులో అనుకుని దగ్గరకు వెళ్లి సెర్చ్ వారెంట్‌ చించి వేస్తాడు. దీంతో కోపంతో ధాత్రి యువరాజ్‌ ను కొట్టబోతుంటే నిషిక అడ్డు పడుతుంది. ఇంతలో సుధాకర్‌ కలగజేసుకుని వాళ్లకు సహకరిస్తే వాళ్ల పని వాళ్లు చేసుకుని వెళ్లిపోతామని చెప్తున్నారు కదా? అంటాడు. దీంతో అందరూ షాక్‌ అవుతారు. ఇంతటితో ఇవాల్టీ ఎపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!