Jagadhatri Serial Today Episode: వైజయంతి, నిషిక, కాచి, బూచి అందరూ కలిసి ధాత్రిని ఎలాగైనా గంటసేపు డైవర్ట్ చేయాలని ప్లాన్‌ చేస్తారు. పెప్పర్ స్ప్రే ను ధాత్రికి కొడితే సరిపోతుందని అందరూ డిసైడ్‌ అవుతారు. అయితే ఎదురుగా వెళ్లి ఎవరు స్ప్రే కొట్టాలని అనుకుని ఒకరికొకరు భయపడతారు. దీంతో అందరూ కలిసే ఆ స్ప్రే కొట్టాలని నిర్ణయించుకుని వెళ్తారు. మరోవైపు ధాత్రి నెక్లెస్ ఎక్కడ దాచి ఉండొచ్చని ఆలోచిస్తుంది. మరోవైపు నిషిక పెప్పర్ స్ప్రే తీసుకుని ధాత్రి దగ్గరకు వెళ్లి స్ప్రే కొడుతుంది. దీంతో ధాత్రి కళ్లమంటతో ఏడుస్తూ.. గిలగిల కొట్టుకుంటుంటే అందరూ వెళ్లిపోతారు. ఇంతలో కౌషికి రూంలోంచి బయటకు వస్తుంది. ధాత్రి అరుపులు విని పైకి వెళ్తుంది. కింద ఉన్న అందరూ కౌషికి తెలిసేలోపే మనమే ఏదో ఒకటి మేనేజ్‌ చేద్దాం అని పైకి వెళ్తారు.
కౌషికి: జగధాత్రి ఏమైంది
ధాత్రి: ఎవరో పెప్పర్ స్ప్రే కొట్టారు వదిన కళ్లు మండుతున్నాయి.
కౌషికి: నువ్వు కళ్లు తెరవకు అసలు తెరవకు.. ఉండు.. కాచి వెళ్లి కూల్‌ వాటర్‌ తీసుకురా..
ధాత్రి: నావల్ల కావటం లేదు.
కౌషికి: అసలు ఏమైంది?
ధాత్రి: తెలియదు వదిన డోర్‌ దగ్గర ఏదో సౌండ్‌ వస్తే మెల్లగా నడుచుకుంటూ వెళ్లాను.
కౌషికి: బయటకు వచ్చేయాల్సింది.
ధాత్రి: ట్రై చేశాను.. డోర్‌ రాలేదు..
అనగానే కౌషికి ధాత్రిని తీసుకుని కిందకు వెళ్లిపోతుంది. నెక్లెస్ కనిపెడతావా? గంట వరకు నీకు కళ్లు కనిపించవు గంట తర్వాత పోలీసులు వచ్చి నిన్ను స్టేషన్‌కు తీసుకుపోవడం ఖాయం అంటూ నిషిక మనసులో అనుకుంటూ హ్యాపీగా ఫీలవుతుంది. మరోవైపు కేదార్‌, సూరిని కలుస్తాడు. జరిగినదంతా ఇద్దరూ మాట్లాడుకుంటుంటే దూరం నుంచి యువరాజ్‌ వింటుంటాడు. ఇంతలో కేదార్‌ హాస్పిటల్‌ లోకి వెళ్తుంటే యువరాజ్‌ పిలిచిన రౌడీలు వస్తారు. వాళ్లకు కేదార్‌ను చూపించిన యువరాజ్‌ లోపలికి వెళ్లి వాణ్ని చంపేయమని చెప్తాడు. రౌడీలు హాస్పిటల్‌ లోకి వెళ్తారు. మరోవైపు ధాత్రి కళ్లు మంట అని బాధపడుతుంటే
నిషిక: ఇప్పుడు కళ్లు తెరవడానికి ట్రై చేయ్‌ జగధాత్రి.
ధాత్రి: వద్దు వదిన నా వల్ల కావడం లేదు. ఇంకా మంటగానే ఉంది.
నిషిక: అయ్యో అంత మంటగా ఉందా జగధాత్రి. అయ్యోయ్యో పాపం అయినా ఒకరికి అన్యాయం చేస్తూ ఉంటే దేవుడు చూస్తూ ఉండలేడులే జగధాత్రి. నువ్వు నెక్లెస్ దొంగతనం చేసి తప్పు చేశావు. ఇప్పుడు తప్పించుకుందామని అనుకుంటున్నావు. అందుకే దేవుడు నీకా చాన్స్‌ కూడా లేకుండా చేశాడు.
వైజయంతి: ఏమో అమ్మీ నాకు అ నమ్మకం లేదు. ఈ జగధాత్రి తిమ్మిని బమ్మిని చేస్తుంది. ఈ నెక్లెస్ విషయంలో కూడా ఏదో ఒకటి చేసి బయటపడుతుంది.
అని ఒకరి తర్వాత ఒకరు ధాత్రిని తిడుతుంటారు. దీంతో కౌషికి అందర్ని తిడుతుంది. తర్వాత ధాత్రి గాగుల్స్‌ పెట్టుకుంటుంది. కౌషికి హాస్పిటల్‌కు వెళ్దామని చెప్తే లేదని నా నిజాయితీ నిరూపించుకున్నాక వెళ్దామని చెప్పి పైకి రూంలోకి వెళ్తుంది. మరోవైపు హాస్పిటల్‌లోకి వెళ్లిన కేదార్‌ డాక్టర్‌ తో తన బర్త్‌ సర్టిఫికేట్‌ గురించి మాట్లాడుతుంటాడు. యువరాజ్‌ బయటి నుంచి దొంగచాటుగా చూస్తుంటాడు. పాతికేళ్ల క్రితం బర్త్‌ సర్టిఫికెట్‌ ఇప్పుడు ఎలా దొరుకుంతుందని డాక్టర్‌ చెప్పడంతో కేదార్‌ డాక్టర్‌ ను రిక్వెస్ట్‌ చేస్తాడు. తన పుట్టుక ప్రశ్నార్థకంగా మారిందని నా బర్తు సర్టిఫికెట్‌ ఇప్పుడెంతో అవసరం అని చెప్తాడు. దీంతో ఇవాళ్టీ ఎపిసోడ్ అయిపోతుంది.
Also Read: వామ్మో.. అన్ని కోట్ల? దక్షిణాదిలో అత్యధిక పారితోషకం అందుకుంటున్న నటి ఎవరో తెలుసా?