Indraneel Entry into Bigg Boss Season 8: ప్రపంచవ్యాప్తంగా ఎంతో ఆదరణ పొందిన రియాలిటీ షోలో బిగ్బాస్ ముందు ఉంటుంది. అన్ని భాషల్లోనూ ఈ షో మంచి విజయం సాధించింది. ఇక తెలుగులోనూ బిగ్బాస్ ఎంతోమంది ప్రేక్షక ఆదరణ అందుకుంది. ఇప్పటి వరకు తెలుగు బిగ్బాస్ ఏడు సీజన్లు పూర్తి చేసుకుంది. దాదాపు అన్ని సీజన్లు హిట్టే. అయితే ఆరవ సీజన్‌ మాత్రం ఆడియన్స్‌ని పెద్దగా ఎంటర్‌టైన్‌ చేయలేకపోయింది. ఇక ఇప్పుడు ఎనిమిదవ సీజన్‌కు రెడీ అవుతుంది ఈ రియాలిటీ షో. గత ఏడవ సీజన్‌ సూపర్‌ డూపర్‌ హిట్‌ అయ్యింది. ఉల్టాపుల్టా అంటూ బుల్లితెర ఆడియన్స్‌కి డబుల్‌ ఎంటర్‌టైన్‌మెంట్‌ అందించింది.
అయితే చివరిలో మాత్రం ఈ సీజన్‌ పలు వివాదాలను ఎదుర్కొంది. ఆడియన్స్‌ ఇచ్చిన రేటింగ్‌తో కాకుండ రెకమండేషన్స్‌తో కంటెస్టెంట్స్‌లా ఎలిమినేషన్‌ జరిగిందని, ఇక విజేతను అలాగే ఎన్నుకోన్నట్టు వాదనలు వినిపించాయి. దీంతో ఫైనల్‌గా కామన్‌ మ్యాన్‌, రైతుబిడ్డ పల్లవి ప్రశాంత్‌ ట్రోఫీ అందుకున్నాడు. దీనిపై అప్పుట్లో పెద్ద చర్చ జరిగింది. అంతేకాదు పల్లవి ప్రశాంత్‌ గెలిచి హౌజ్‌ నుంచి బయటకు రాగానే అతడిపై దాడి జరిగింది. అంతేకాదు ఫ్యాన్స్‌ చేసిన హంగామా వల్ల అతడిని చిక్కుల్లో పడేసింది. దీంతో పల్లవి ప్రశాంత్‌పై కేసు కూడా నమోదు. ఈ దెబ్బతో ఇక బిగ్బాస్ షోకు ఫుల్‌స్టాప్‌ పడుతుందని అంతా అనుకున్నారు.
ఇక తెలుగు బిగ్బాస్ రాలేమో అని ఆడియన్స్‌ ఎన్నో సందేహాలు మొదలయ్యాయి. ఇక డౌట్స్‌ని క్లియర్‌ చేస్తూ బిగ్బాస్ సీజన్‌ 8 సిద్ధమవుతుందంటూ ఓ అప్‌డేట్‌ సోషల్‌ మీడియాలో చక్కర్లు కొడుతుంది. త్వరలోనే బిగ్బాస్ తెలుగు సీజన్‌ 8కి సంబంధించిన ఆఫీషియల్‌ అనౌన్స్‌మెంట్‌ కూడా రానుందని, దానితో పాటు ప్రోమో కూడా రిలీజ్‌ కానుందంటూ ఓ వార్త ప్రచారంలో ఉంది. మరోవైపు ఈ సీజన్‌ కంటెస్టెంట్స్‌ కూడా ఫైనల్‌ అయ్యారంటూ ఓ జాబితా సోషల్‌ మీడియాలో చక్కర్లు కొడుతుంది. ఈ సారి హౌజ్‌లో 'మొగలి రేకులు' ఫేం, నటుడు ఇంద్రనీల్ సందడి చేయబోతున్నాడంటూ ఓ అప్‌డేట్‌ బయటకు వచ్చింది. ఈ లేటెస్ట్‌ బజ్‌ ప్రకారం.. బిగ్బాస్ టీం ఇంద్రనీల్‌ను సంప్రదించినట్టు సినీసర్కిల్లో టాక్‌. అతడు కూడా బిగ్బాస్ టీం డీల్‌ నచ్చడంతో ఒకే చేశాడట.
దీంతో ఈ సారి హౌజ్‌లో సందడి చేసే కంటెస్టెంట్స్‌లో ఇంద్రనీల్ కూడా ఉన్నాడంటూ గుసగుసల వినిపిస్తున్నాయి. మరి దీనిప క్లారిటీ రావాలంటే అధికారిక బిగ్బాస్ టీం నుంచి అధికారిక ప్రకటన వచ్చే వరకు వేచి చూడాల్సిందే. ఇదిలా ఉంటే బ్రహ్మముడి ఫేం కావ్యను బిగ్బాస్ టీం అప్రోచ్ అయ్యిందని, ఆమె కూడా కంటెస్టెంట్‌గా రాబోతుందంటూ సోషల్‌ మీడియాలో వార్త వైరల్‌ అవుతుంది. సీరియల్లో ఎంతో సీరియస్‌గా ఉండే కావ్య అలియా దీపిక రంగరాజు బయట ఎంత అల్లరి పిల్లో అందరికి తెలిసిందే. దీంతో ఆమె బిగ్‌బాస్‌కు వస్తే గ్లామర్‌ టచ్‌తో పాటు మంచి వినోదం కూడా ఉంటుందంటున్నారు. ఇక ఆమె కనుగ హౌజ్‌లోకి వచ్చిందంటే ఇక అల్లరే అల్లరి అంటూ ఫ్యాన్స్‌ ఆనందపడిపోతున్నారు. మరి బిగ్బాస్ సీజన్‌ 8లో సందడి సెలబ్రిటీలు ఎవరెవరో అధికారిక ప్రకటన వచ్చేవరకు వేచి చూడాల్సిందే.