Guppedanta Manasu  Serial Today Episode : వసుధారను తీసుకెళ్తానని శైలేంద్ర, మహేంద్రకు చెప్పి వసుధారను వెళ్దామని అడగడంతో వసుధార వెళ్తూ మామయ్యా మీ కొడుకును కాపాడే భాద్యత నాది అనడంతో శైలేంద్ర షాక్‌ అవుతాడు. కొడుకు అంటుందేంటి అని మనసులో అనుకుంటాడు. ఇంతలో వసుధార అదే మామయ్యా మీరు దత్తత తీసుకోవాలనుకున్న కొడుకుని కాపాడతానని చెప్తుంది. దీంతో శైలేంద్ర ఊపిరి పీల్చుకుంటాడు. తర్వాత వసుధార, అనామికకు మహేంద్రకు చెప్పి శైలేంద్రతో వెళ్తుంది. శైలేంద్ర, వసుధార కారులో వెళ్తుంటే రాజీవ్‌ వాళ్ల కారుకు అడ్డంగా నిలబడతాడు. శైలేంద్ర కారు దిగి వెళ్తాడు.


వసుధార: బావ నాకు తెలుసు నువ్వు బతికే ఉన్నావని


రాజీవ్‌: నిన్ను దక్కించుకోకుండా నేను ఎక్కడికి పోతాను.


వసు: అసలు  ఏంటీ ఈ డ్రామా?


రాజీవ్‌: నీకోసమే... ఆ మను గాడు ప్రతి విషయంలో అడ్డొస్తున్నాడు. అందుకే వాణ్ని బాగా ఇరికించాను. ఇక ఇప్పుడు ఈ శైలేంద్ర నిన్ను కాపాడతాడు అనుకున్నావా? ఈ శైలేంద్ర నా మనిషి. ఇదంతా మా ప్లాన్‌.


అంటూ వసుధారను రాజీవ్‌ తీసుకెళ్తుంటే వసుధార వెళ్లదు. శైలేంద్ర వద్దు అంటాడు. దీంతో రాజీవ్‌ వసుధారకు మత్తు ఇచ్చి కారులో పడుకోబెడతాడు. శైలేంద్ర నేను చెప్పిన లోకేషన్ ఇది కాదు కదా అక్కడ కాకుండా ఇక్కడ ఎందుకున్నావు అని అడుగుతే అదంతా సేఫ్టీ కోసమేలే అని రాజీవ్‌ చెప్పి వెళ్దాం పద అని శైలేంద్రకు చెప్తే తన కారులో వస్తానని శైలేంద్ర చెప్పగానే గన్‌ తీసి నా కారు ఎక్కకపోతే దీన్ని గన్‌ అంటారు అని బెదిరిస్తాడు. శైలేంద్రను వసుధారను తీసుకుని సీక్రెట్‌ ప్లేస్‌కు వెళ్తాడు. మరోవైపు అనామిక, మహేంద్ర టెన్షన్‌ పడుతుంటారు.


మహేంద్ర: ఏంటి అనుపమ టెన్షన్‌గా ఉందా?


అనుపమ: చాలా టెన్షన్‌గా ఉంది మహేంద్ర. ఇప్పటిదాకా మను బయటకు వస్తాడా? రాడా అని టెన్షన్‌గా ఉండేది. కానీ ఇప్పుడు వసుధారకు ఏం జరుగుతుందేమోనని టెన్షన్‌గా ఉంది.


మహేంద్ర: ఏం కాదు అనుపమ వసుధారకు ఏం కాదు. అలాగే మను కూడా నిర్ధోషిగా బయటకు వస్తాడు.


అంటూ మహేంద్ర, అనుపమకు ధైర్యం చెప్తుంటాడు. మరోవైపు శైలేంద్ర, వసులను ఓ ఇంటికి తీసుకెళ్లిన రాజీవ్‌ పెళ్లికొడుకులా తయారై వస్తాడు. వసు కుర్చిలో కట్టేసి ఉంటుంది.


రాజీవ్‌: మరదలు పిల్లా ఈరోజు నీకు తాళి కట్టకుండా ఉండేదే లేదు. భయ్యా అన్ని కరెక్టుగానే ఉన్నాయి కదా? ఏంటి మరదలు పిల్లా తప్పించుకోవాలని చూస్తున్నావా? చెప్తున్నాను కదా పిల్లా ఈరోజు నిన్ను వదిలే ప్రసక్తే లేదు.


శైలేంద్ర: బ్రదర్‌ మరీ ఇంత హింస చేస్తూ పెళ్లి చేసుకోవడం అవసరమా?


రాజీవ్‌: తప్పదు కదా భయ్యా.. మనం ఒకటి బలంగా కోరుకున్నప్పుడు హింసా మార్గంలోనో అహింసా మార్గంలోనో దాన్ని నెరవేర్చుకోవాలి.


వసు: ఏయ్‌ శైలేంద్ర మమ్మల్నే చీట్‌ చేస్తావా? రాజీవ్‌ను పట్టిస్తానని చెప్పేసి నన్ను ఇరికిస్తావా?


శైలేంద్ర: ఏయ్‌ వసుధార ఏంటి అలా మాట్లాడుతున్నావు.


రాజీవ్‌: ఏంటి మరదలు పిల్లా నేను సినిమాలు చూస్తాను. మా ఇద్దరి మధ్య గొడవ పెట్టి మేము కొట్టుకుంటుంటే నువ్వు ఎస్కేప్‌ అవుదామనుకుంటున్నావా? భయ్యా తాను నీ మీద  ఎన్ని చాడీలు చెప్పినా నేను విననులే భయ్యా.


అనగానే శైలేంద్ర ఎలాగైనా ఈ పెళ్లి ఆపాలని కనీసం ఫోన్‌ ఆన్‌ చేసినా పోలీసులు లోకేషన్‌ ట్రేస్‌ చేసి వచ్చేవారు అని మనసులో అనుకుని కాస్త బయటకు వెళ్లి వస్తానని శైలేంద్ర అనడంతో రాజీవ్‌ గన్‌ ఎయిమ్‌ చేసి ఇక్కడే ఉండమని చెప్పాను కదా అంటూ బెదిరిస్తాడు. దీంతో ఇవాళ్టీ ఎపిసోడ్‌ అయిపోతుంది.


ALSO READ: ఈ నిర్ణయమే చార్మి కెరీర్‌ని దెబ్బతిసిందా? - స్టార్‌ హీరోయిన్‌ నుంచి నిర్మాతగా చార్మి సినీ ప్రస్థానం