'ఆర్ఆర్ఆర్' సినిమా రెండో వారం కూడా థియేటర్లలో రచ్చ చేస్తోంది. ఇప్పట్లో ఈ సినిమా హవా ఆగేలా లేదు. ఇదిలా ఉండగా.. ఈ వారం థియేటర్లలో, ఓటీటీలో సందడి చేయడానికి కొన్ని సినిమాలు రాబోతున్నాయి. అవేంటో ఇప్పుడు చూద్దాం!


గని: బ్యాక్ టు బ్యాక్ హిట్స్ తో దూసుకుపోతున్న మెగాహీరో వరుణ్ తేజ్ నటిస్తోన్న లేటెస్ట్ సినిమా 'గని'. బాక్సింగ్ క్రీడా నేపథ్యంలో తెరకెక్కుతోన్న ఈ సినిమాతో కిరణ్ కొర్రపాటి అనే కొత్త దర్శకుడు ఇండస్ట్రీకి పరిచయం అవుతున్నారు. ఈ సినిమాలో వరుణ్ బాక్సర్ గా కనిపించబోతున్నాడు. ఏప్రిల్ 8న ఈ సినిమాను విడుదల చేయబోతున్నారు. ఈ సినిమాలో జగపతి బాబు, ఉపేంద్ర, సునీల్‌ శెట్టి వంటి వారు కీలకపాత్రలు పోషించారు. 






డేంజరస్: సంచలన దర్శకుడు రామ్ గోపాల్ వర్మ రూపొందించిన లేటెస్ట్ సినిమా 'మా ఇష్టం(డేంజరస్)'. అప్సరా రాణి, నైనా గంగూలీలను హీరోయిన్లుగా పెట్టి ఈ సినిమాను రూపొందించారు. ఏప్రిల్ 8న ఈ సినిమాను విడుదల చేయబోతున్నారు. ఇండియాలో తొలి లెస్బియన్ సినిమాగా 'డేంజరస్' విడుదల కాబోతుంది. 






ఓటీటీ రిలీజెస్: 
స్టాండప్ రాహుల్: యంగ్ హీరో రాజ్ తరుణ్, వర్ష బొల్లమ్మ జంటగా నటించిన సినిమా 'స్టాండప్ రాహుల్'. శాంటో మోహన వీరంకి తెరకెక్కించిన ఈ సినిమా మార్చి 18న థియేటర్లలో విడుదలైంది. ఇప్పుడు 'ఆహా' ఓటీటీ ప్లాట్ ఫామ్ లో ఏప్రిల్ 8 నుంచి స్ట్రీమింగ్ కానుంది. 






నెట్ ఫ్లిక్స్:



  • సూర్య నటించిన 'ఈటీ' సినిమా తమిళ వెర్షన్ ఏప్రిల్ 7 నుంచి స్ట్రీమింగ్ కానుంది. ఎలైట్‌(వెబ్ సిరీస్) - ఏప్రిల్‌ 8

  • మెటల్‌ లార్డ్స్‌ - ఏప్రిల్‌ 8

  • ది ఇన్‌బిట్విన్‌ - ఏప్రిల్‌ 8


అమెజాన్ ప్రైమ్‌ వీడియో:



  • మర్డర్‌ ఇన్‌ అగోండా - ఏప్రిల్ 8

  • నారదన్‌ - ఏప్రిల్ 8


జీ5



  • ఎక్‌ లవ్‌ యా(కన్నడ) - ఏప్రిల్ 8

  • అభయ్‌ 3(హిందీ) - ఏప్రిల్ 8


డిస్నీ ప్లస్‌ హాట్‌స్టార్‌



  • ది కింగ్స్‌ మెన్‌ - ఏప్రిల్ 8