Tollywood: పవన్ కళ్యాణ్ కాళ్ళు మొక్కిన మైత్రి మూవీస్ నిర్మాత రవిశంకర్ - వైరలవుతోన్న వీడియో!

సినీ ఇండస్ట్రీ ప్రముఖులు జనసేన పార్టీ కార్యాలయాన్ని సందర్శించారు. అనంతరం పవన్ తో సమావేశమయ్యారు. ఈ సమావేశం సందర్భంగా అనూహ్య సంఘటన ఒకటి చోటుచేసుకుంది.

Tollywood: జనసేన పార్టీ అధినేత పవన్ కళ్యాణ్ ఇక నుంచి పూర్తిగా పార్టీ కార్యకలాపాల్లో నిమగ్నం కానున్నట్టు తెలుస్తోంది. ఇప్పటికే వారాహి యాత్రతో ప్రజల్లోకి వెళ్లనున్నారు పవన్. అలాగే ఇకనుంచి పార్టీ కేంద్ర కార్యకలాపాలను మంగళగిరి నుంచే నిర్వహించనున్నారు. అందులో భాగంగా మంగళగిరిలో కేంద్ర కార్యాలయ భవనానికి భూమి పూజ చేశారు. అక్కడ యాగశాలలో శాస్త్రోక్తంగా పూజలు జరిపించారు. ఈ సందర్భంగా పార్టీ కేంద్ర కార్యలయాన్ని పలువురు సినీ ప్రముఖులు సందర్శించారు. వీరిలో దర్శకుడు హరీశ్ శంకర్, నిర్మాత బీవీఎస్ఎన్ ప్రసాద్, నిర్మాత డీవీవీ దానయ్య, సీనియర్ ప్రొడ్యూసర్ ఏఎం రత్నం, మైత్రీ మూవీస్ అధినేత రవిశంకర్, నిర్మాత వివేక్ కూచిభొట్ల ఉన్నారు. సందర్శన అనంతరం వారు పవన్ కళ్యాణ్ తో సమావేశమయ్యారు. ఈ సమావేశం సందర్భంగా ఒక అనూహ్య సంఘటన చోటుచేసుకుంది. 

పవన్ కళ్యాణ్ కాళ్ళు మొక్కిన మైత్రి మూవీస్ అధినేత..

జనసేన అధినేత పవన్ కళ్యాణ్ మంగళగిరిలోని పార్టీ కార్యాలయంలోని యాగశాలలో ప్రత్యేక పూజలు నిర్వహించారు. ఈ పూజల అనంతం సినీ ఇండస్ట్రీ ప్రముఖులు పార్టీ కార్యాలయాన్ని సందర్శించారు. అనంతరం యాగశాలకు విచ్చేసి అక్కడ ప్రతిష్ఠించిన దేవతామూర్తులకు నమస్కరించారు. యాగక్రతువుకు ఎలాంటి ఆటంకాలు లేకుండా ముందుకు సాగాలని ఆకాంక్షించారు. అక్కడే ఉన్న రుత్వికులతో యాగ విశిష్ఠతను అడిగి తెలుసుకున్నారు. అనంతరం పవన్ తో సమావేశమయ్యారు. ఈ సమావేశం సందర్భంగా అనూహ్య సంఘటన ఒకటి చోటుచేసుకుంది. అదేంటంటే.. సీనీ ప్రముఖులు అంతా ఒక్కొక్కరిగా పవన్ ను పలకరిస్తున్నారు. ఈ క్రమంలో నిర్మాత రవి శంకర్ వంతు వచ్చింది. ఆయన పవన్ కు షేక్ హ్యాండ్ ఇచ్చి తర్వాత ఆయన కాళ్ళకు మొక్కారు. ఇందుకు సంబంధించిన వీడియో వైరల్ అవుతోంది. 

చర్చనీయాంశమవుతున్న రవి శంకర్ తీరు..

సాధారణంగా సినిమా ఇండస్ట్రీలో నిర్మాతను అంటే బాస్ ఆఫ్ ది బాసెస్ లా చూస్తారు. సినిమాకు సంబంధించి ఎంత ఖర్చు అయినా నిర్మాతే భరిస్తాడు. అలాగే లాభనష్టాల్లోనే ఆయనదే బాధ్యత. ఎవరు ఉన్నా లేకున్నా నిర్మాత లేకపోతే అసలు సినిమా బయటకు రాలేదు. అందుకే నిర్మాతలకు అంత గౌరవం ఇస్తుంటారు అందరూ. టాలీవుడ్ లో కూడా నిర్మాతలకు మంచి రెస్పెక్ట్ ఉంటుంది. ప్రస్తుతం తెలుగులో చాలా టాప్ నిర్మాణ సంస్థలు ఉన్నాయి. అలాంటి వాటిల్లో మైత్రి మూవీస్ కూడా ఒకటి. అలాంటి పెద్ద నిర్మాణ సంస్థకు బాధ్యత వహిస్తున్న రవిశంకర్ పవన్ కళ్యాణ్ కాళ్ళు పట్టుకోవడం ఏమిటనే చర్చ నడుస్తోంది. వాస్తవానికి అది ఆయనకు పవన్ మీద ఉన్న అభిమానం లేదా గౌరవంతో అలా చేసి ఉండవచ్చని, అందులో తప్పు ఏముందని పలువురు వ్యాఖ్యానిస్తున్నారు. దీనిపై ఫిల్మ్ వర్గాల్లో కూడా టాక్ నడుస్తోంది. ఈ వీడియో చూసి కొంత మంది పాజిటివ్ గా స్పందిస్తుంటే మరికొందరు నెగటివ్‌గా స్పందిస్తున్నారు.