Leharaayi Song: 'మోస్ట్ ఎలిజిబుల్ బ్యాచిలర్' లెహరాయి సాంగ్ కి మిలియన్ల వ్యూస్..
తాజాగా 'లెహరాయి లెహరాయి.. గుండె ఊహలెగిరాయి..' అనే లిరికల్ సాంగ్ వీడియోను విడుదల చేశారు.
యంగ్ హీరో అక్కినేని అఖిల్, పూజాహెగ్డే జంటగా నటిస్తోన్న సినిమా 'మోస్ట్ ఎలిజిబుల్'. ఈ చిత్రానికి బొమ్మరిల్లు భాస్కర్ దర్శకత్వం వహిస్తున్నారు. యూత్ ఫుల్ లవ్ అండ్ రొమాంటిక్ ఫ్యామిలీ ఎంటర్టైనర్ గా ఈ సినిమాను తెరకెక్కిస్తున్నారు. దసరా కానుకగా అక్టోబర్ 15న ఈ సినిమాను విడుదల చేయబోతున్నారు. దీంతో ఈ సినిమా ప్రమోషనల్ కార్యక్రమాలను షురూ చేశారు. ఇప్పటికే ఈ సినిమా నుంచి ట్రైలర్, టీజర్లు, పాటలను విడుదల చేశారు.
Also Read: బాలయ్య షోలో ముందుగా మంచు ఫ్యామిలీ.. ఆ తరువాత మెగాఫ్యామిలీ..
తాజాగా 'లెహరాయి లెహరాయి.. గుండె ఊహలెగిరాయి..' అనే లిరికల్ సాంగ్ వీడియోను విడుదల చేశారు. ఇందులో అఖిల్-పూజా హెగ్దేల మధ్య రొమాంటిక్ సన్నివేశాలు యూత్ ను ఆకట్టుకున్నాయి. ఇప్పటికే ఈ పాట ఇంటర్నెట్ ని షేర్ చేసింది. తాజాగా విడుదలైన వీడియో కూడా ప్రేక్షకులను ఆకట్టుకుంటోంది. గోపిసుందర్ సంగీతం అందించిన ఈ పాటను సిద్ శ్రీరామ్ ఆలపించారు. ఇప్పటివరకు ఈ వీడియో సాంగ్ పది మిలియన్లకు పైగా వ్యూస్ ను రాబట్టింది.
జీఏ2 పిక్చర్స్ బ్యానర్ పై బన్నీ వాస్, వాసు వర్మ సంయుక్తంగా నిర్మిస్తోన్న ఈ సినిమాలో సుడిగాలి సుధీర్, గెటప్ శ్రీను, ఆమని, ఈషారెబ్బా, చిన్మయి కీలక పాత్రలలో నటిస్తున్నారు. మరి ఈ సినిమాతో అఖిల్ ఎలాంటి హిట్ అందుకుంటారో చూడాలి!