Taraka Ratna: గుండె పోటుతో మరణించిన ప్రముఖ నటుడు, యువ రాజకీయ నాయకుడు తారకరత్న (40) భౌతిక కాయాన్ని హైదరాబాద్ లోని ఫిల్మ్ ఛాంబర్‌లో కుటుంబ సభ్యులు, అభిమానుల సందర్శనార్థం ఉంచారు. పలువురు సినీ, రాజకీయ రంగాలకు చెందిన ప్రముఖులు, అభిమానులు, ప్రజలు తారకరత్నకు నివాళుల్పించారు. కాసేపట్లో జూబ్లీహిల్స్ మహాప్రస్థానంలో తారకరత్న అంత్యక్రియలు నిర్వహించనున్నారు.
జూనియర్ ఎన్టీఆర్, కళ్యాణ్ రామ్, అనిల్ రావిపూడి, విక్టరీ వెంకటేష్, తరుణ్, మురళీ మోహన్... ఇలా ఎందరో సినీ ప్రముఖులు తారకరత్న పార్థివ దేహాన్ని చివరి సారిగా చూడటానికి వచ్చారు. క్రికెట్ ఆడేటప్పుడు తారకరత్నతో ఉన్న గురుతులను విక్టరీ వెంకటేష్ తలుచుకున్నారు. తారకరత్న కోసం ప్రత్యేకమైన పాత్ర రాయమన్నారని అనిల్ రావిపూడి తెలిపారు.